البارت السادس والاربعون
أبحث لي ذنبا
الكاتبة صبا حسين
هل ياتُرى ..
لو مُت انسى ماجرى
هل ياترى لو كان عندي غيركم
قلبي إليكم ماسرى ..
هل ياترى
يحتاج مني كرهكم قلبا قويا ثائرا وتمردا وتجمهرا
ها قد افاضت اجفني
والدمعُ منها قد جرى ..
والدنيا ضاكت والنفس باقي على گد الحسره .
فرحان داويت الغصن ثاري المرض بالشجره
مرت سنين من العطش
موشفتي روحي تفطرت ومتاني حبكم كطره
ماكلت ليش تعذبت
جنت ادري اليحب من صدگ يرتاح بس بگبره ..
لـــ مهند العزاوي ..
مرام ..
رن الموبايل فتح سبيكر
امير :يوسف
يوسف :هاا امير شرايد
جان يحجي صوته كأن واحد نايم
امير :مرام تريد تحجي وياك
يوسف :خوما گتلها يمعودد ..
امير :عليمن
يوسف :أصابتي
امير :لا ماحجيت
باوع عليه امير بــ معنى تشوفين حاله هو وين وانتي رايحه تحجيله
يوسف :انطينياها
انطاني الموبايل ..
مرام :الو يوسف
يوسف :هلا حبيبتي مرومه شلونج
مرام :شلونك يوسف
يوسف :الحمد لله بخير يأبه شلونج انتي مرتاحه ..
مرام :ليش متخابرني
يوسف :والله يا مرومه شوفه عينج اكيد تعرفين الكاعد يصير الدواعش مجاي ينطونه مجال نشوف اهلنه جاي يشوفونه الموت صوت وصوره
مرام :شبي صوتك
امير :مرام يوسف بالمستشفى
يوسف :مبيه شي بسيطه
مرام :يوسف عليك الله شبيك متاذي؟؟
يوسف :وداعتج مابيه شي هذا امير يكبر المواضيع
مرام :يوسف اني محتاجتك
سحب الموبايل امير وطفى
مرام :لييييش سديتتته ارجع اتصللل
امير : شتردين تحجين ويا هاا
مرام :معليك انت
تقرب لزم وجهي حيل احس اسناني تكسرت من اللزمه القويه
امير :لساااااانج اني مو ابوج ولا الــ** اننني اميييير
جنت كوه احجي مكدر تطلع الحروف مني عدل
مرام :خرر حجي وياك
وخر أيده مني وبقه واكف گبالي
مرام :وخر ومعليك ابوي لاتجيب طاريه من وراااك انت خسرت حتى ابويه
