ستكونين لي ✨

عزيز 😔

تذكير /
عزيز : عالاقل ارتاحي ما راح اسمح لك تروحين كذا وانتي بهالحالة
رولان : وخر عني
عزيز : وش تبيني اسوي الحين ياخي هي البنت تحبني بس انا ما ابادلها الشعور انا احبك انتي ولو تبين عيوني بعطيك
رولان : مابي عيونك ابي ورقة طلاقي ..
________________________________
عزيز : اييييششش !!
رولان : زي ماسمعت ولا اذنك ماتسمع ؟
عزيز : مولهدرجة
رولان : وش تسميه ذا ! البنت تحبك
عزيز : بس انا ما احبها والله العظيم محد بقلبي غيرك تكفين رولان افهميني والله ما احبها ولا عمري بادلتها الشعور
رولان : صدق والله !
عزيز : والله ، وبعدين انتي ماتثقين فيني انا عزيز اللي حبك وخطبك
تكفين لاتخلين شي يخرب علينا رولان
رولان : عزيز اسفه بس لازم اوخر عنك فترة لازم نبتعد انتبه لنفسك 😔
وراحت رولان وهي تبكي وعزيز مومصدق ودمعته على خده
فجر : احسن افتكيت منها
عزيز مسك يدها بكل قوته وقال : عبالك لو ابتعدنا بلتفت لك ! انتي شايفه نفسك ؟ تكفين فين كرامتك واحد مايبيك ولايشوفك اصلاً
فجر : ع .. عزي..ز فك يدي تراك قاعد تعورني
عزيز : احسن تعوري نفس ما انا الحين متعور من داخلي لكن شوفي لو مابقى غيرك فالدنيا مستحيل اخذك تسمعين !
وفك يدها عزيز ودخل البيت وقفل الباب ..
_________________________________________
" في بيت بهاج "
دخلت رولان وهي تبكي وموقادرة تتنفس وشافها بهاج ..
بهاج : ر..رولان وشفيك !!
رولان : بهاج موقا..
بهاج : هدي نفسك وتعالي اجلسي وقوليلي وشفيك !! مره حالتك موطبيعيه
رولان : تكفى بهاج خلها بكره اليوم موقادرة اتكلم كلش
بهاج : عزيز مزعلك ؟
وطلعت رولان وهي تبكي وماعطت بهاج اي جواب !
دخلت رولان غرفتها وقفلت الباب وجلست تصيح وماتبي تشوف احد
جاء الصباح الساعه 6:30 وكل البنات راحو للمدرسة ماعدا سجى ورولان
رسيل : سلام رزان
رزان : هلا والله كيفك ؟
رسيل : جدا بخير
رزان : تدوم حبيبي
رسيل : رزان زايد قريب بيخطبك
رزان : تكفين اسكتي انحرج ترا 😭
رسيل : ياعمري المنحرجين
رزان : تراني خفيفه للمعلوميه
رسيل : اطلق خفيفه
وباست رزان على خدها ورزان وضعها كذا 🤤
رزان : يوه تكفين رسيلي استحي
رسيل : ههههههههه فداك
رسيل : شعاد صار على سجى ؟
رزان : ما ادري عنها وانا وياها مستحيل نرجع زي قبل
رسيل : ترا صداقتكم جداً قويه لاتخرب بسبب شي بسيط تمام رزانو 🥺
رزان : المشكلة اللي سوته كسرني ! تخيلي المعاناة اللي صارت يعني مثلاً لو سوا لنا شي وش كان بيصير !! وانا عييت فالبداية وهي اصرت علي يعني ..
رسيل : انا داريه انك مريتي بمرحلة صعبه جداً والله لايحط احد مكانك يعني صدق عانيتي بس سجى ترا لسى صغيره ولسى تفكيرها غير فكرك شوي لاتخربون صداقتكم عشان غلطة " المسامح كريم "
رزان : الله يكتب اللي فيه خير لكن هالفترة مقدر ابداً اسامحها لسى الجرح جديد لكن مع الوقت ان شاءالله
رسيل : اخ احب طيبة قلبك وتفهمك
رزان : اه اموت عليك انا
وانسدحت رزان على كتف رسيل وسألتها : الا وين رولان ؟
رسيل : صدق وينها ؟
رزان : وي مومن عوايدها تغيب اكيد صاير معاها شيء
رسيل : شرايك نروح لها اليوم كلنا احنا والبنات
رزان : تمام
ودخلت سلمى عليهم وقالت : ياشين السرج عالبقر شيناه وانا كنت متأملة فيك خير يارسيل طلعتي زيها ! وخويتها بعد ااعع
رزان : ثمني كلامك واحترمي نفسك فاهمة ومالك شغل برسيل ! اي خويتي واعز الاخوياء عندك شي ؟
رسيل : شوضعك ؟
سلمى دفت رزان وضربت رسيل كف ورسيل بكت ورزان ماتحملت !
رزان : قد الحركة ياورع !!
سلمى : قدها وقدود بعد
رزان مسكت بشعر سلمى وجلدتها جلد وطلعت كل شي بخاطرها فيها
رسيل تصارخ وموقادرة لان رزان جالسة تضربها ضرب قوي وواضح مقهوره من شي
دخلو المعلمات ومسكو رزان
المعلمة : انتي انهبلتي ولا وشو ؟ ذبحتي البنت !!
رزان : اء.. است..
المعلمة : قدامي عالادارة قدااامميي !!
رزان مشت وراحت للادارة
رزان : استاذة انا ماسويت شي غلط
المعلمة : وهذا وش تسمينه صح هاه !
رزان : يشهد الله علي هي اللي بدت وما اذيتها بشيء يا استاذة ! وجرحتني بالكلام ! تكفين استاذة ..
المعلمة : ولاكلمة وتراك مفصوله !
رزان : ت..تكفين استاذة لايضيع مستقبلي على اخر الترم لا تكفين استاذة بسوي اللي تبين بس فصل لا ! تكفين استاذة كل قصدي ادافع عن خويتي والله ماكان قصد...
المعلمة : انتهى القرار وبكره مابي اشوفك فالمدرسة فاهمة !!
وطلعت رزان للفصل وكانت جداً مكسوره وحزينه 😔
رسيل : رزان ليش سويتي كذا
رزان : يرضيك يعني تضربك وانا واقفه اتفرج مستحيل لا طبعاً لو انفصلت وسوو كل شي تراك اختي !
رسيل بكت وقالت : رزان مقدر بدونك المدرسة شينة من غيرك
رزان ضمتها وقالت : انتي قوية وتتحملين لكن انا مستقبلي راح فوق المشاكل اللي علي والضغوطات ابتليت بمشكلة جديدة 💔
وراحت رزان للفصل ولمت اغراضها ودقت على مسلط ..
شوق : يوه رزان
رزان : شوق
شوق : بتتركينا خلاص ؟
رزان : شسوي موبيدي
شوق ضمت رزان وقالتلها : ترا احنا معك ومستحيل نخلي مستقبلك يضيع تذكري هالشي راح نسوي كل شي بس ترجعين للمدرسة
اميره جت وضمت رزان مع شوق : اي رزان حنا معك
اميال : رزان انتي اكثر شخص صادق وحبوب تعرفت عليه جداً احبك
وراحت تضم رزان مع البنات ..
رزان بكت : يوه بنات تكفون متحمل لاتبكوني تكفون 😢
وجات رهف لرزان وقالت : رزان احبك
رزان : رهوفييي
رهف : انا معك استأذنت من اهلي وبطلع معك وبروح معك للبيت مستحيل اخليك بهالوقت لحالك
رزان : اخ احبك
وسلمى تناظر رزان والبنات كيف ان رزان حنونه معاهم وتعاملهم كانهم خواتها ..
ومشت رزان وكانت جداً حزينة عالمدرسة ومسكت بيد رهف وراحت
دخلو رزان ورهف السيارة ..
رزان : سلام
مسلط : وعليكم السلام ، وشفيس ؟
رزان : مووقتك
مسلط : متى وقتي !!
رزان صرخت وقالت : خخلااااص كفايه اني مضغوطه شتبيي !!
رهف قالت لمسلط السالفة كلها ..
مسلط صرخ على رزان : رزان منجججددددكك !! انفصلتيتيي ماتوقعتك كذا راعية مشاكللل بطلي خلاص تراك صرتي كبييره
رزان بكت : تكفى والله اللي فيني مكفيني تكفى 💔
مسلط : لا مو على كيفك وقت تبينا نسكت سكتنا ووقت ماتبين نتكلم تكلمنا تنزلين الحين وتروحين تعتذرين من البنت وترجعين للمدرسة طيب
رزان : ب..س مسلط اهانتني قدام الكل كيف تبيني اتأسف منها وكرامتي !!
مسلط : اقول اسكتي يا ابو كراامهه انزلي !
رزان : تكفى مسلط لاتضغط علي تكفى
رهف : مسلط خلها بكره بتجيب امها وتكلمها
مسلط : انتي مالك شغل ذا شي بيني وبين اختي فاهمه
رهف زعلت وحطت راسها عالدريشة
مسلط حس انها زعلانه : اء .. اسف لكن الموضوع حساس وعائلي شوي
رهف : اوك انا نازله يارزان
رزان ماتكلمت وساكته ..
نزل مسلط ومسك يدها : رهف ..
رهف : نعم ؟
مسلط : خلاص والله اسف لكن ذي اختي اخاف على مستقبلها اركبي معنا يمكن تفيدين رزان بشي
رهف : وشفيك انت ولا خلاص ريتاج اخذت عقلك !
مسلط : ش..شدخل ريتاج !!
رهف : انا ادري انك تحبها ..
مسلط : اي احبها بس شدخل ذا في ذا
رهف : ولا شي بس انا مابي امشي معك !
مسلط : دقيقة دقيقة !! انتي ..؟
رهف : اي احبك بس والله ماقدرت ياخي ترا جد احبك وقاعدة اتعذب كل يوم وكل مره لمن اشوف نظراتك لريتاج انقهر انغمت
مسلط : بس انا ما احبك ! احب ريتاج
رهف : دارية ، المهم انتبه لرزان !
مسلط حس بشيء داخله وقالها : تمام
وراح للسيارة ..
مسلط : رزان
رزان ساكته وماترد
مسلط : رزان تكفين ترا ماهاوشتك الا لاني خايف عليك
رزان : يرضيك يعني فشلتني قدام صديقتي
مسلط : خايف عليك وهي اكيد تقدر هالشي
رزان : تكفى مسلط ماني قادرة اتحمل ودني البيت
مسلط : تمام بس بكره تروحين مع امي وتكلمين المديرة اتفقنا
رزان : اوك ..
وراحو للبيت وكانو طول الطريق ساكتين ..
_________________________________________
رهف اتصلت على عزيز
رهف : عزيز
عزيز : وشفيك؟
رهف : تعال خذني
عزيز : لاحول تكفين وربي مافيني تعبان ماليخلق
رهف : لمتى خلاص البنت اذا تبيك بتجيك
عزيز : تكفين انتي ماتحسين بالشعور اللي احسه
رهف : عزيز والله حاسة فيك لكن ..
وقفل عزيز الجوال بوجهها
رهف : احح اوريك ياعزيز
رهف : اقول مافي فايدة خلاص اطلع فوق اكمل الحصص احسن لي 😭
سلمى راحت لرهف وقالت لها : رهف
رهف : نعم ؟ ماكفاك اللي سويتيه فالبنت خسرت مستقبلها بسببك
سلمى : انا مستعدة اصحح الخطأ
رهف : يازينك واو تبين نصفق لك صفقو لها يبنات ، كل ظالم وله يوم تذكري هالمقوله زيييين
سلمى حست انوصدق ظلمت رزان ونزلت للادارة وقالت لهم عن كل شي صار ..
سلمى : لو تبون تفصلوني افصلوني انا قابلة بالفصل لكن مابي اظلم اي شخص بالحياة ..
الوكيلة : بما انك اعترفتي ف راح نخفف عنك العقوبه
سلمى : صدق استاذة !
الوكيلة : اي بس بشرط
سلمى : وش انا موافقه من الحين
الوكيلة : تعتذرين من رزان قدام المدرسة كلها وتبيعين فالمقصف اسبوع كامل
سلمى : تكفين استاذة انا مستحيل اعتذر منها
الركيلة : موجيتي واعترفتي اكيد تحبينها
سلمى : لو اموت ما احب رزان لكن ما ابي اظلمها ذا مستقبلها
الوكيلة : بكيفك انتي مخيره بين امرين الفصل او تعتذرين براحتك 🙏🏻
سلمى : اووه طيب
وراحت للفصل
جاء اليوم الثاني واعتذرت سلمى قدام المدرسة كلها ورزان ماقبلت اعتذارها وعادت حليمة على عادتها القديمة بس اهم شي رجعت رزان للمدرسة
رسيل : اوووه ماتدرين قد ايش الفصل ممل بدونك
رزان : حبيبي والله فديتك
_________________________________________
" عند عزيز "
عزيز كان مغمى عليه بس امه عبالها نايم
سماح : عزيز يمه قوم يلا عندك جامعة
مافي اي جواب
سماح : عزيز
ومسكت عزيز وشافته مغمى عليه ودقت علطول بالاسعاف
رولان كانت جالسة تشرب مويه بالمطبخ وطاح الكوب منها وحست بشي بقلبها وعلطول راحت للغرفه
ودو عزيز للمستشفى وكانت حالته جداً تكسر الخاطر
همس وبنتها درو
همس : يمه فجر ولد خالتك تعبان وفالمستشفى
فجر : عزيييزز !!!
همس : اي هو البسي يلا بنمشي لهم
فجر : حاضر يمه
وطلعت امها وفجر تكلم نفسها وقالت : انا داريه من ورا ذا كله لكن والله لتشوف شي ماشافته
فجر : يمه بروح قبل كذا لمكان بعدين بجيك
همس : وين بتروحين ؟
فجر : لخويتي بعطيها كتابها
همس : تمام
وراحت فجر لبيت رولان وطلعت لها رولان
رولان : نعم ولك عين بعد تجين هنا بعد مافرقتي بيني وبين خطيبي ؟
فجر : هه خطيبك ؟
رولان : اي لحد الحين خطيبي وللابد بعد
فجر : لو صدق خطيبك وتقدرينه كان ماهو لحاله الحين بالمستشفى .. عزيز ياحلوه منهار بسبتك ولو صار فيه شي ماراح يصير لك طيب فاهمه
رولان يدها ترجف وعيونها تدمع قالت : ا..ايي..شش عزيز
وصرخت بأسمه 💔

( 1509 ) كلمة ✨..
نجمة / كومنت ❤️
وانتهى البارت اتمنى عجبكم كان ودي اطوله شوي لكن انشغلت شوي المهم اشوفكم بالبارت الجاي ولاتنسون تعطوني رايكم بالكومنت رايكم يهمني جداً 🥺💋