ستكونين لي ✨

مناقراتهم ماتخلص 🫡

تذكير /
'قبل مايغمى على رهف'
رهف : اب..ابغى ابغى منك مسلط انك تكون د..دايم تنشد اوكيه مسلط ؟ 'مسلط يناظرها وعيونه ووجهه حمر'
رهف : والحين .. ان..انا رايحه 'واغمى عليها'
مسلط : ر..رهف فتحي عيونس تكفين لاتخليني وتروحين رهف رهف تكفين لاتتركيني بدونك 'وصرخ مسلط' رهههفففففف رهف تكفين قومي رهف 😩
________________________________________________________
"وفجأة جو رزان وزايد والاسعاف معاهم ورهف مغمى عليها ومسلط يبكي ويصارخ"
مسلط : رهففف لاتروحيينن !! 'وباس راسها'
'رزان وزايد يركضون'
رزان : رههفففف
'ونزلو الاسعاف ومعهم العربه اللي يشيلونها فيها وركبوها فالاسعاف'
"في سيارة الاسعاف"
'الاسعاف ركبولرهف اكسجين وحطو على القزازه اللي ببطنها قماشه عشان يوقفون النزيف الين يوصلون للمستشفى'
رزان 'وهي تدمع': رهف تكفين ياعيون اختس فتحي عيونس لاتخوفيني عليس اكثر تكفين
مسلط : يارب احميها ولاتبعدها عني يارب
الدكتور : وش زمرة دمها ؟
رزان : اء والله مدري بس اعتقد P-
الدكتور : انتي تقربين لها ؟
رزان : لا بس هي صديقتي واعتبرها اختي
الدكتور : راح نحتاج دم لصديقتك ضروري جداً
رزان : انا عادي بتبرع لها بس انا P+ وماراح يضبط معاكم
مسلط : انا لازم ادق على عزيز !
الدكتور 'يكلم الدكتوره اللي معاه' : خلينا نفحص الاخت ذي بعد !
رزان 'كان راسها ينزف دم وتبكي ووجهها احمر'
'عزيز جته رساله من مسلط ومكتوب فيها'
الرسالة : ( رهف سوت حادث ومحتاجة لمتبرع دم اختك محتاجتك عزيز تكفى رهف حالتها صعبه ضروري تجي بسرعه تعال عالمستشفى )
عزيز 'انصدم وجلس يبكي'
رولان : عزيز وشفيك ؟
بهاج : ولد فيك شي؟؟
رولان : عزيز حبيبي تكفى لاتخوفني ؟؟
عزيز 'وهو يبكي' : اخ..اختي رهف سوت ح..حادث لازم اروح لأمي واقولها
رولان 'حطت يدها على فمها' : ااييشش؟؟
عزيز : اسف بهاج ورولان انا لازم انزلكم هنا واروح لامي اقولها الحين تلاقون قلبها متشاغب على رهف
رولان : لاتقول كذا ياحبيبي احنا بنسبقك للمستشفى روح حبيبي 'وباست خده رولان وراح'
___________________________________________
'عزيز وصل للبيت ودخل وهو يبكي'
عزيز : يمه ر..رهف!
غاليه 'صرخت' : عزيزز وشصار لأختك ؟؟؟
عزيز : سو..ت حادث
غاليه 'دخلت بصدمه وجلست تبكي'
عزيز : يمه لازم نروح لاختي فالمستشفى بسرعه !
" في المستشفى "
'دخلو كلهم ورهف عالسرير ويدفونها وكان ماسك يدها مسلط'
الدكتور : عمرها ١٧ سنه سوت حادث وفيه قطعه قزاز دخلت في بطن البنت ونزفت دم كثير وفقدت الوعي النبض نازل وزمره دمها P-
الدكتوره : يلا على غرفة العمليات ! بسرعه روحي جيبي دم يحتاج لنا دم بأسرع وقت بسرعه زمرة دمها بي سلبي
مسلط : رههفففف !!
الدكتوره : انت خلك هنا !
'جاء عزيز وامه غاليه'
غالية 'وهي تركض': رهففف !
غالية : وش صار معكم يامسلط ؟ 'وجلست تبكي'
مسلط : دخلوها عالعمليات على طول 'ومسك وجهه وجلس يبكي'
غاليه : هي بخير ؟'ومسكت فمها'
السيستر : المريضة خسرت دم كثير لازم ندبر دم عالسريع لوسمحتو ضروري ! وزمرة دمها P- لوسمحتو لو فيه احد منكم زمرة دمه كذا يتفضل معنا
عزيز : تمام اجل زمرة دمي كذا !
غالية 'حطت راسها على كتف مسلط وجلست تبكي'
" عند رزان "
'رزان حطوها على كرسي فالمستشفى وركبولها مغذي وكانت نايمه وفتحت رزان عيونها وكان زايد يناظرها وينتظرها'
زايد 'اول ماشافها فتحت عيونها فز'
زايد 'مسك يدها' : رزاني حبيبتي كيفك الحين ؟ 'وباس يدها'
رزان : وين انا ؟
زايد : لاتخافين ياعيوني انتي بالمستشفى الحين
رزان 'جلست' : رهفف !
زايد : لاتقومين خليك انتبهي لاتقومين خليك متسدحه اوكيه ؟ انتي للحين ماصرتي بخير عشان تقومين لازم ترتاحين .. رهف بغرفة العمليات الحين بتطلع
رزان : طيب كيفها ؟ هي بخير ؟
زايد : ما ادري بس راح تكون بخير اكيد هي بنت قويه وراح تتخطى هالمصيبه على خير 'دخلت موضي على رزان'
رزان : ماما
موضي 'باست راسها' : ياعمري انتي 'ومسكت يدها'
موضي : كيف وضع راسس الحين ؟
رزان : انا بخير المهم رهف تكون بخير
موضي : هي بغرفة العمليات 'مسلط يناظر امه ورزان من عند الباب'
'مسلط كان حاط يده على الجدار ومسك يده زايد'
زايد : مسلط كيفك ؟
مسلط : ابداً موبخير
زايد : مسلط قو نفسك تكفى عشان امك واختك
مسلط : موقادر تكفى 💔
زايد : ان شاءالله راح تطلع بخير ذي رهف !
مسلط : يارب
رزان : ماما صديقتي راح تكون بخير الدكاتره وش قالو ؟
موضي : هي راح تكون بخير تطمني ياروحي انتي لاتخافين
رزان : ماما اليوم متت خوف مره خايفه ياماما
موضي 'باست راسها ومسلط كان يناظرهم وزايد دقه قصده يلا نطلع برا وطلعو'
" في غرفة العمليات "
'كانت رهف مغمى عليها وجميع الاجهزة عليها وكانو الدكاتير مشغولين في بطنها وكان مسلط هو وعزيز وزايد ورزان جالسين عند الباب حق العمليات وفجأة توقف قلبها'
الدكتور : نبضها توقف جيبو حق الانعاش ! 'وسووه لها'
"وبعد ثلاث ساعات من العمليه طلعت الدكتوره"
'فز مسلط وعزيز ورزان وكلهم قامولها'
الدكتوره : انتو قرايب رهف المطيري؟
غاليه : ايه انا امها يادكتوره
عزيز : وانا اخوها
الدكتوره : هي تخطت مرحلة الخطر وماعاد فيه خوف
رزان : الحمدلله يارب الحمدلله 🥹
'مسلط ابتسم وضم زايد وغاليه ضمّت عزيز ورزان جالسة بينهم فالنص ومبتسمه انو صديقتها طلعت من مرحلة الخطر'
موضي : الحمدلله على سلامتها ياعيوني
غاليه : الله يسلمس يارب
الدكتوره : صراحة عندكم بنت قويه جداً العمليه ماكانت سهله بس الحمدلله العمليه عدّت على خير 'مسلط يناظر رزان ويبتسم'
الدكتوره : لما جت كان عندها نزيف داخلي 'غاليه تناظر الدكتوره وتبتسم'
الدكتوره : بس الحين كل الامور بخير وانا متأكدة بعد كم يوم بترجع توقف على رجلينها
رزان : الحمدلله 'دقت مسلط'
رزان : قايلة لك صديقتي قويه
مسلط : اي والله 'وضمّ رزان وباس راسها'
مسلط : طيب الحين نقدر نشوفها ؟
الدكتوره : والله الحين جداً صعب تشوفونها لانها بالعناية وراح تكون هناك الى بكره الصباح عشان نتطمن
عزيز 'باس راس امه'
غالية : شكراً مره دكتوره
_______________________________________________
" في الصباح "
'كانو كلهم بالغرفه ورهف كانت نايمه وفجأة فتحت عيونها'
عزيز : يمه رهف صحت
غالية 'مسكت راسها'
رهف 'ابتسمت' : ماما
غاليه : ياروح امك
رهف : انتي بخير ؟
غاليه : ايه الحمدلله بخير لاتخافين علي ، حتى وانتي بهالحالة خايفة علي ياعمري عليك
رزان : ياحلوس يارهيفتي الحمدلله على سلامتس
رهف : رزاني اشتقت لك اه صدق يقولون انتي اللي فزعتي معي
مسلط : لاتخافين كثير تمام وضعس الدكتوره قالت كم يوم وبترجعين احسن 'وابتسم'
رهف 'ابتسمت' : سلوط
مسلط 'ناظرها واستحى'
غالية 'ناظرت مسلط وضحكت' : ايوه من لقى احبابه نسى اصحابه صح طيب انا رايحة اتكلم مع الدكتوره شوي مسلط تعال اجلس جنبها
مسلط : لالا خليس جالسة انتي ياخاله
غاليه 'ضحكت' : اقول يلا يلا اقعد
مسلط : شكراً 'وجلس'
'كانو مسلط ورهف يناظرون بعض'
مسلط : الحمدلله على سلامتس الدكتوره قالتلي حبيبتك مره قويه 'وضحكت رهف' قلتلها انا متأكد 😭
رهف : ايوه بس موعليك 'زايد ورزان يناظرونهم'
رهف 'اشرت لمسلط قصدها قرب مني شوي'
رولان : تبون منا نطلع ؟
رهف 'ضحكت' : لا اجلسو
مسلط 'ناظرهم وضحك وقرب منها'
رهف : حبيبي لمن اخرج من هنا راح تعطيني الكردتكارت حقك ليوم كامل لاتنسى 'رزان تناظر مسلط وتضحك'
مسلط : انتي موكان وقتها جالس يغمى عليس 'رهف ضحكت'
عزيز : لما تكون القصة قصة فلوس وتسوق ف البنات مابتفرق معهم ابداً 'رولان ناظرته ودقته ببطنه'
عزيز 'صرخ' : اايييييي وجعع وانا صادق 😂
مسلط 'ناظر رهف' : قوليلي وش تبين الحين؟
رهف : اااءءههه فيني جوع
زايد 'كلم رزان' : حبيبتي رزان تعالي نتكلم برا دقيقتين مع بعض ابيك شوي
رزان 'حركت راسها قصدها تمام'
___________________________________________
" عند رزان وزايد "
زايد : رزان لاتضايقين نفسك شوفي رهف بخير
رزان : الحمدلله انها بخير
زايد : تبين نمشي وناخذ لنا قهوه
رزان : ماليخلق خل ندخل لهم احسن
زايد : تمام
" في الغرفه "
مسلط : انا ماراح انسى وعدي ابداً طيب؟بس انتي بعد لاتنسين وعدس
رهف : وعد وشو ذا ؟
مسلط : انس توافقين علي ونتزوج
رهف : انا قلت كذا ؟
مسلط : لاتسوين نفسس ماتعرفين
رهف : ما ادري اظن هاللحظة انمسحت من ذاكرتي 'وضحك مسلط'
مسلط 'ناظر اخته وحس انها متضايقة'
مسلط : رزاني تعالي هنا ياعين اخوس'رزان ماسمعت له'
رولان : رزان اخوس يكلمس
رزان : هه..هلا
مسلط : تعالي عندي
رزان : جاية 'وراحت رزان له وضمّها'
رهف : ترا بديت اغار منك
رزان : كليزق مسلط اخوي قبل لايعرفس
مسلط : ايه رزان قبلس
رهف : يوه انقلع انت وهي
رزان : ههههههه تمام تمام اسفين
مسلط 'همس بأذنها' : رزان انتي بخير ؟
رزان : هاه ايه ايه بخير
مسلط : زايد سوا لك شي
رزان : لالا لكن شوي حاسة اني مخنوقة
مسلط : نطلع شوي نتمشى
رزان : مالي خلق والله
مسلط : تمام حبيبتي اوديس البيت ؟
رزان : لالا مايحتاج خلك معها انا بروح مع رولان وعزيز
رهف : رزان انتي بخير ؟
رزان : ايه انا جدا بخير
رهف : اوك
مسلط : احس فيها شي
رهف : حتى انا بس وش تتوقع فيها
'طلعت رزان لعزيز ورولان'
رزان : اء عزيز
عزيز : هلا رزان
رزان : عادي توصلوني للبيت؟
عزيز : اكيد عادي ليه تستأذنين
رزان : شكراً
" عند رهف ومسلط "
رهف : يمكن متضايقة من شي !
مسلط : مدري يوه والله اني سلوقي تلاهيت عنها
رهف : عادي يهون
مسلط : وش اللي يهون تراها اختي 'وخرج مسلط من الغرفه'
رهف : مم..مسلط
مسلط : ر..رزاننن!!
رزان : هلا مسلط
مسلط 'ضمّها علطول'
رزان : وي شفيك
مسلط : رزان سامحيني سهيت عنس وما اهتميت فيس
رزان : ياولد عادي عادي
مسلط : وش مضايقس ؟
رزان : ولاشي !
مسلط : متأكدة ؟
رزان : ايه لاتخاف انا بخير معليك فيني
مسلط : تمام انا بوديس البيت
رزان : لالاخلك مع رهف
مسلط : مو مسلط اللي يخلي اخته ويجلس يلا امشي
مسلط : عزيز بودي رزان انا وانت اجلس مع اختك
عزيز : تمام
مسلط : يلا رزاني
رزان : يوه احبك يالعنيد يلا
مسلط : ههههههه ياجعلني
رزان : بس يمكن رهف تزعل
مسلط : واختي تزعل ؟
رزان : ترا وربي مانيب زعلانه منك انت ورهف لكن متضايقة من شي
مسلط : اكيد رهف مابتزعل تعرف انس اختي
رزان : زين يلا نمشي حدي دايخة
مسلط : يلا
" عند رهف "
رهف : وين مسلط ؟
عزيز : راح مع اخته
رهف : كيف هو كان بيجلس معي شصار
عزيز : هي ترا مهوب زوجك عشان يجلس معك اكيد بيكون مع اخته
رهف : اوف ياخي
رولان : هدي رهف ترا حدس على رزان !
رهف : شدعوه شقلت؟
رولان : تبين تخلين اخوها يسحب عليها بأي طريقة نعم ؟ تراه وحيدها واخوها ركزي نفس وضعس الحين ترضين انا اسوي بعزيز كذا؟
عزيز : وصل الموضوع لي اجل اسكتو احسن
رهف : جدا لاني بغيت اتنرفز من رولان
رولان : نعم نعم ؟؟ والله لو انس مب مريضة كان تصرفت معس
رهف : وريني وش بتسوين
رولان : عزيز ودني للبيت الله لايهينك
عزيز : ورهف ؟
رولان : خلاص بدق على بهاج اوف ذبحتني 'وطلعت رولان ودقت على بهاج'
رولان : بهاج!
بهاج : هلا
رولان : تعال خذني من المستشفى
بهاج : زين جايس
رولان : كفو بسرعه لان بديت اختنق
بهاج : وشفيس
رولان : تجي واقولك وشفيني
بهاج : تمام يلا
رولان : يلا
'طلع عزيز من الغرفه'
عزيز : رولان وشفيك ؟
رولان : ماشفت اختك وشتقولي؟
عزيز : انزين لاتشرهين عليها خليها
رولان : عزيز ما ارضى على رزان ! انت شفت مشت معنا وماقالت ولا حرف واختك قاعده تظن فيها ظن سوء ..
عزيز : تعرفين الغيره وانتي مجربتها ف خلينا نسوي سكب للموضوع
رولان : شقصدك؟
عزيز 'ضحك' : ما اقصد شي معليك
رولان : اشوا
عزيز : ههههههههه يلوموني بك
رولان 'ضمّته' : محد مصبرني على اختك الا انت
عزيز : عارف
رولان : شدراك ؟
عزيز : اكيد لاني الحب
رولان : نعم واثق
عزيز : اسكتي بس احبك
رولان 'ابتسمت له' : اكثر ياحبيبي انته
'دق بهاج على رولان'
بهاج : رولان يلا وصلت انزلي
رولان : زين يلا جايتك
عزيز : هاه جاء بهاج ؟
رولان : ايه يلا نازله له
عزيز : وبتنزلين له لحالك؟
رولان : عادي
عزيز : خير عادي انا بنزلك وبطلع
رولان : عاد اهم شي اختك ماتذبحنا
عزيز : لاتهمك يلا بنزلك وبطلع
رولان : يوه يلا يالغيور امش
عزيز : هههههههه شسوي زوجتي اكيد بغار عليك
رولان 'ضحكت': ياخي عجيب
عزيز'هز راسه' : والله
'مسكت رولان يد عزيز ومشو🥺'
بهاج : هلا والله عزيزان
عزيز : انتبه لها زين تمام ؟
بهاج : تراني اخوها
عزيز : هههه ادري
رولان 'باست خده' : تبي شي حبيبي؟
عزيز : هذا صدق؟
رولان : وشو ؟
عزيز : انك بستيني بدون ما اقولك
رولان : لاحول ايه صدق
عزيز : تطورات اشوف
رولان : لسى ماشفت شي
عزيز : وش باقي اشوف
رولان : كل شي بوقته حلو يلا تشاو
عزيز : اه تشاووو اذوب انا 'وطلع عزيز لأخته'
________________________________________________
" عند رزان ومسلط "
'رزان كانت حاطة راسها على الدريشة وخايفة من اللي صار لهم'
مسلط : رزانييي نمتي ؟
رزان : هاه ؟ لالا مانمت معاك معاك
مسلط : واضح معاي
رزان : مسلط لو اللي صار لرهف صارلك وش كنت بسوي بدونك ؟
مسلط : ياعيوني اثاريه ذا اللي مضايقس؟
رزان : مسلط للحظة تخيل بغيت انهار
مسلط : لاتقولين كذا ان شاءالله نكون معبعض لأخر عمر
رزان : توعدني مسلط ؟
مسلط 'مسك يدها' : وعد
رزان : احبك
مسلط : اموتعلييييك 'شوي الا وتنام رزان'
مسلط : يوووه الحين رقدت من بيشيلها !
مسلط : رزان ! رزااننن قومييي لاحووللل
'وصلو رزان ومسلط للبيت'
'مسلط فتح الباب الامامي حق رزان وشالها ووداها لغرفتها'
رزان 'وهي موحاسة بنفسها' : زاي..د ان..انت بخير؟
مسلط : يوه ايه ايه زايد بخير هالزايد مهوجس بالبنت حتى وهي نايمه الله المستعان هههههههههه 'وطلع مسلط من الغرفه وقفل الباب'
رزان : م..مسلط
مسلط : هلا؟
رزان : خايفه مسلط عادي تنام عندي ؟
مسلط : لاحول تمام'وجاء مسلط وحط راسه عالكنبه ونام وقامت رزان الصبح وجلست تلعب بشعره'
رزان : ولد قوم اذن الفجر
مسلط : اوه ظهري متكسر من الكنب
رزان : ههههههه ياحلوك 😭
مسلط : يلا ننزل لأمي وابوي
رزان : يلا
مسلط : ترا اليوم بتداومين ؟
رزان : يوه قسم مالي خلق
مسلط : رزانن !! وش اتفقنا عليه ؟؟
رزان : اووه خلاص زين
مسلط : كفو
رزان : كفوك
مسلط : يلا ننزل تحت نفطر عشان اوديس المدرسة واروح الجامعة انا بعد
رزان : تمام يلا
مسلط : يلا
رزان : قونايدن
عيد : وش قونايدن ذا ؟
مسلط : عاد يبه انت وش يدريك ذي كلمه تركيه
رزان : اسكت انت بعد خل ابوي يدري يبه الكلمة يعني صباح الخير بالتركي
عيد : قولي صباح الخير وانتهى
موضي : يلا تعالو افطرو وراكم مدرسة
مسلط : يمه بس رزان تدرس انا جامعي
رزان : كلها واحد مافرقت يالسلوقي
مسلط : الاتفرق انا اداوم بدون انظمه واي لبس البسه انتي تداومين بأنظمة ولبس محدد ههههههه
رزان : يع ياكرهك
مسلط : اقول افطري وخل نمشي احسن لك
موضي : تعالو تعالو افطرو وخلو المناقره عنكم
رزان : اوه يبه شوف ولدك ذا تراه قهرني
عيد : الله يصلحكم ويهديكم تعالو افطرو وبعدها كملو هواش
موضي : اي والله بتبدأ الحصة الاولى وانتو لسى تتهاوشون
رزان : يلا ياورع اجلس
مسلط : انتي الورعه ياهطف
رزان : انت الهطف مهوب انا
مسلط : زين
رزان : يبه
عيد : هلا ؟
رزان : ابا فلوس
عيد : عيوني لس كم تبين ؟
مسلط 'يناظرها'
رزان : احا احمم ابا ١٠٠
عيد : ابشري هاك
مسلط : خلل خلل يبه كيف تعطيها وانا لا نعم ؟ شهالدلع ترا تصرفها على اشياء ماتفيدها
عيد : عادي بنتي وحيدتي فداها لو تبي عيوني عطيتها
مسلط : وانا وش ؟ حتنى وحيدك
موضي : خلهم ينقلعون تعال انت وحيدي انا
مسلط : موتي قهر يارزان
رزان : اووه 'وطلعت رزان تلبس'
عيد : وين رايحة يارزان ؟
رزان : بروح البس شبعت
عيد : تمام يلا عشان انا اليوم اللي بيوصلس للمدرسة
رزان : صدق ؟
عيد : ايه
رزان 'ضمّت ابوها وقالت' : احبك يا احلى اب ياحظي فيك
عيد : يلا روحي البسي بنتظرس ٥ دقايق مانزلتي بروح واخليس
رزان : زين زين بلبس سريع سريع واجيك
مسلط : لنا الله ! بيوم بتحتاجيني والله ما اوديس
رزان : انقلع ابوي عزوتي وسندي هو اللي بيوديني
" بعد 10 دقايق "
رزان : يلا يبه خلصت
عيد : يلا نمشي
مسلط : بروح معكم
رزان : خير مانباك
مسلط : الا تبوني
رزان : لاحووللل ! تمام تمام امش
عيد : ناقصكم انا يلا امشو
رزان : يبه نودي مسلط اول واحد زين ؟
مسلط : خخييرر ؟ اغار عليك مستحيل اخليك تجين جامعة عيال
رزان : وانت شكو
مسلط : انا اخوس !
رزان : اوف خلاص زين بس بوديك انا اليوم  'ولبست رزان عبايتها'
مسلط : هي خير
رزان : لاتناقشني
عيد : يلا خلصتو مناقرات يلا امشو
رزان : يلا
مسلط 'دفها'
رزان : وجعاااهه وجعاااهه
مسلط : احسن
رزان 'خرجت وركبت قدام'
مسلط : اقول انزلي انزلي
عيد : انا لله لاحول ولاقوه الا بالله شوضعكم اخلصو علي رزان ورا
رزان : يبههه ليه ؟؟
عيد : خل اخوس يجي دامس تبيني انزله قبلس
رزان : اوه زين
مسلط 'غمزلها وركب'
رزان : لاحول بضربك ياسلطه
مسلط : لاتقولين لي سلطه
رزان : الا سلطه سلطه سلطه بكيفي
مسلط : اقول انقلعي بس
رزان : اوف منك
________________________________________________

(2388) كلمة ✨..
نجمة / كومنت على دربك 🙏🏻🫵🏻
وبكذا انتهى البارت بإذن الله بنزلكم بكره بارت بعد معليكم بحاول ما اقطع بس عاد هالله هالله بالدعم والنجمة اهم من كل شي وقربنا ندخل 3k مشاهدة قسم سعيده فيكم احبكم 🤍.