ستكونين لي ✨

مسلط تكفى 💔

تذكير /
رزان : مسلط
مسلط : هلا ياعين مسلط وش تبين
رزان : متى بيروحون؟
مسلط : وشفيك فيك شي
رزان : لالا بس بروح غرفتي ارتاح حاسة بدوخة شوي
مسلط : تمام ياعيني تبيني اروح معك
رزان : ها..ه ل..ا
وقامت رزان واغمى عليها ..
________________________________________________________________
مسلط : رزاانن !!
زايد شهق ومره خايف عليها وقال : ر..زاان فيي..ها شي!
ريتاج : رزاننييي
وكانت رزان بحضن ريتاج والكل يحاول يصحيها جت سجى وراحت تجيب عطر من شنطتها وحطته بيدها وحطته على انف رزان وقعدت رزان ..
رزان : وشفيه ؟ وشصاير وشفيني
مسلط ضمها ومنهار خايف على اخته : الحمدلله مافيك شي خوفتيني عليك مره
رزان : وش..وشصايرلي وشفيك مسلط ترا مافيني شي
زايد : رزان طحتي فجأة خوفتينا عليك !
رزان تناظره وماعطته اي استجواب 💔
عزيز : الحمدلله على سلامتك رزان ، مسلط ود اختك لغرفتها خل شوي ترتاح هناك
زايد يناظره ويستحقره وعزيز مستغرب منه
عزيز : زايد فيك شي ؟
زايد : عزيز تعال برا شوي
عزيز مستغرب وبنفس الوقت مايدري وشفي زايد وقاله: تمام
طلعو عزيز وزايد وبلحظة حست رولان ان فيه شي وراحت للدريشة تناظر وش بيصير !..
عزيز : زايد فيك شي احسك كارهني وشفيك وانا اخوك ؟
زايد : عزيز انت موملاحظ !
عزيز : وش الاحظ !! فهمني زين من اي ناحية
زايد : انت موملاحظ تصرفاتك وكلامك لرزان 🤨
عزيز : وي ترا اعاملها نفس رهف اختي ولابيننا اي شي شفيك زايد وبعدين بأي صفه تكلمني كذا بصفتك وش لرزان ؟ لا انت اخوها ولا زوجها ولاحتى حبيبها ولاتقرب لها بـ ولا شييي ..
زايد : الا انا احبها
عزيز : ههههههههههههههههههههههه طيب هي تحبك ؟
زايد : مدري
عزيز : اجل لا تأكدت انها تحبك تعال حاسبني فاهم ؟
زايد مسك عزيز من كتفه وعطاه بوقس وتهاوشو ورولان شافتهم ونادت العيال
رولان : بهاج شوف عزيز وزايد جالسين يتهاوشون
بهاج : ابو محمددددد وشفيهم ذولاء !!
وطلعو كلهم وهدو الهوشة وجاء مسلط ..
مسلط : وشفيكم ؟ انتم تتهاوشون ليش مو انتم اخوان !
عزيز : أسأل خويك الروح بالروح وشقالي قبل شوي ..
زايد : عزيز اسكتتت
عزيز : لا مابسكت لين يعرف اخوك انت وش تسوي من وراه
زايد : خلاص عزيز قلتلك بعدين نتفاهم !!
مسلط : ماصارت هالهوشة الا فيه شي تكلمو !!
عزيز : انت تعرف وش يسوي خويك من وراك !
مسلط : وشو تراك طيحت قلبي !!
عزيز : جاء عندي ومعصب وحالته حاله يقولي بعد عن رزان ومدريش قلتله بصفتك ايش اخوها ولا حبيبها ولا ايش مسكني من تيشيرتي وقال اي انا احبها .. وضربني الين انتم جيتم
مسلط : اييييشششش 🤯
عزيز : زي ما انت سمعت ! رهف يلا مشينا
رهف تناظر مسلط وحزينة عليه : اء تممام ..
مسلط : زايد مومنجدك !! ليش ماتقولي انا خويك ماتعلمني افا وتحب اختي ومن وراي وادري من من ادري من عزيز !!
نزلت رزان تناظر زايد من فوق وهو فالارض طايح وخايفة وحزينه على حالته وودها تنزل وتسعفه بس خايفة من اخوها 😢
زايد التفت لها بس هي قفلت الستاير بوجهه .. وجلست فالارض وبكت 😔
مسلط : زايد اطلع من بيتي بسرعه !!
زايد : مسلط تكفى وربي موبيدي لو الحب بيدي ماحبيتها تكفى مسلط سامحني
مسلط : زايد البيت يتعذرك وانسى اني خويك فاهم !! اطلعععع يلا
زايد : مسلط تراني خويك
مسلط : خويي مايغدر فيني ويحب اختي من وراي
ودخل مسلط البيت وسكر الباب فوجه زايد وكان مره حزين عليه وعلى الكلام اللي قاله لزايد لان كلام مثل ذا ثقيل على مسلط 😔
________________________________
بيت عزيز واهله
رهف : عزيز ترا حركتك اللي سويتها كلش ماكان لها داعي !!
عزيز : يرحم امك اسكتي ..
رهف : وشفيك انت ترا احسك موعلى بعضك ليكون حبيتها !!
عزيز: تكفين مو وقتك لا م حبيتها بس هو بصفته ايش !
عزيز لحد الحين م يدري مشاعره تجاه رزان حقيقية ولا اعجاب وبيروح
رهف : الا حبيتها !
عزيزصرخ على اخته وقالها : انقلععيييي برا مابي اشوف وجهك يلاا !!
رهف بكت وطلعت 😢
ام عزيز : عزيز وشفيك على اختك وشفيكم من جيتو من بيت مسلط وانتو مو على بعضكم !
عزيز : يمه عادي الواحد يحب بس الطرف الثاني مايحبه ولادرا عنه ويحب شخص ثاني 😫
ام عزيز : وشصارلك ؟؟ من البنت اللي تحبها !
عزيز : اقولك بس محد يدري ؟
ام عزيز : يامك انا متى قلت شي وطلع لحد قول
عزيز : رزان اخت مسلط
ام عزيز : ايششش !! من متى ؟ وهي تحبك
عزيز : لا يمه تحب واحد غيرييي
ام عزيز : منهو ؟
عزيز : زايد
ام عزيز : خويك زايد !!!
عزيز : اي يمه
_________________________________________
بيت بهاج واخواته
بهاج : ماشفتو رسيل ياحلوها حلواه
رولان : والله ماعبالي انك خفيف لذي الدرجة ههههههههههه
بهاج : بتسكتين ولا اقوم اكوفنك هنا
رولان : تعقب وتخسى 😭
بهاج قام وكان بيعطيها كف يشل وجهها جت اميره وفزعتلها
اميره : هد هد وشفيك
بهاج : ماسمعتيها وش قالت
شوق : ماتعرفينهم يعني اربعه وعشرين ساعه يتهاوشون
بهاج : عادي اختي وبكيفي
رولان : الله الحين صرت اختك 😒
بهاج : ابووو محمددد
اميره : خلاص اسكتو وتعالو تعشو يلا
بهاج : تم
_________________________________________
رزان ارسلت لريتاج قالتلها : ريتاج تكفين مره متضايقة ضروري تجيني مره تعبانه 😢
ريتاج : ويي وشفيك رزان !!
رزان : تكفين والله متضايقة اذا جيتي قلتلك
ريتاج : جايتك جايتك
رزان بكت وقالت لها ريتاج : افا لاتبكين وانا اختك
رزان : احبك بس تعالي بسرعه مره مخنوقه
ريتاج : تمام دقايق وجاية
_________________________________________
احمد فغرفته ودخلت عليه سجى
احمد : ياخي انتي ماتخلين احد ينام انقلعي برا 😭
سجى : اعوذ بالله منك يا ابو راس ياحبك للنوم
احمد رماها بالمخدة وقالها : شايفة راسك انتي ؟
سجى : احسن من راسك يا ابو راس
احمد : هيه لعد تقولين الكلمه
سجى : ا ب و ر ا س ههههههههههههههههههههههه
احمد : شتبين الحين وشعندك جاية ؟
سجى : طفشانة وجنى نايمه قلت اروح لاخوي حبيبي عزوتي سندي يتابع معي مسلسل شرايك ؟
احمد : الحين مقعدتني عشان تقولين لي اشوف معك مسلسل انقلعي انقعلي هناااك
سجى: ياخي والله طفش وموجايني نوم 😔
احمد : وشفيك ؟
سجى : قاعدة افكر برزان 😢
احمد : ليه وشفيها رزان مافيها الا العافية قبل شوي كنا عندهم وتطمنا عليهم
سجى : مدري احس فيه شي مضايقها وشهو مدري
احمد : اقول ارقدييي ومعليك كلها هواجيس لو فيها شي بتقولكم اكيد مابتخبي ..
سجى : اجل شورك وهداية الله بروح انام ..
احمد : طيب باقي تبين نتابع مسلسل 😏
سجى : جد 😀
احمد : طار النوم جد اي ههههههههه
ومسك اخته سجى ونزلو للصالة يتابعون ويضحكون ومستانسين وكانهم اسعد اخوان 🥹
جت ريتاج لرزان ودخلتها رزان وهي تبكي ومنهارة ..
ريتاج : رزاانن وشفيك تراك خوفتيني عليك !
رزان : ماشفتي مسلط شلون عامله ..
ريتاج : منهو وشسوا مسلط وشدخلك انتي ؟
رزان : زايد
ريتاج : طيب وانتي شعلاقتك ..
رزان : زايد طلع يحبني ياريتاج اليوم كلمني وقالي كل شي وتضاربو هو وعزيز وصارت مشكلة ومسلط درا وقطعها مع زايد وطرده
ريتاج : اي تذكرت بس وشفيه اخوك هذا تراه حبك ماكفر !
رزان : ريتاج وشفيك ترا مسلط خايف علي ويحبني
ريتاج : اخوك سلق المفروض يفهم الموضوع بالاول موعلطول يحكم !!
رزان : جايبتك تواسيني مو تسبين اخوي وشفيك !! تحسبين الزلة على اخوي
ريتاج : ماكان قصدي بس قهرني مسلط شوي
وريتاج ضمت رزان ومسحت دموعها ونامت بحضن ريتاج وريتاج نامت فوق راسها وكانت رزان منهارة وتفكر بزايد طول الليل وتفكر باللي صار له مع مسلط 😔
جاء مسلط الصباح ودخل يراضي اخته الا ويشوف ريتاج ..
وجلس يتأملها صحت ريتاج فجأة وصرخت : يماااههههع 😭😭
مسلط : وشفيك
ريتاج : يمه وشفيك فوق راسي شتبي
مسلط : جيت اشوف اختي
رزان صحت وقالت : وشفيكم انتم ! ماتخلون الواحد ينام
ريتاج : الله يلعن بليسك نمت وتأخرت عالبيت ياويلي من امي وابوي
رزان : القممييي ههههههههههههههههههههههه
مسلط : اوصلك ؟
ريتاج : مره مب وقتك ، لا مابي شكراً
رزان : خلها تراها منفسه بتنجلد من خاله ساميه 😭
ريتاج : كلي زق 😭
ريتاج باست رزان على خدها وطلعت من البيت وركبت سيارتها سريع وراحت للبيت قبل يقومون امها وابوها
جاء مسلط يكلم رزان بس رزان صادة عنه
مسلط : رزان وشفيك ؟ تراني اخوك مسلط ورعك !
رزان : لا مو ورعيي .. ورعي مايسوي كذا مع خويه بسبب انه حبّ اخته
مسلط : انتي راضية يعني خويي واقرب صديق لي يحب اختي ولايقولي وادري من عزيز
رزان : عادي افهم منه الموضوع ترا موعلطول
مسلط : الا انتي وشفيك تذافعين عنه ؟ ليكون بعد انتي تحبينه !
رزان : هااه .. لا ولاشي بس اوضحلك
مسلط : اشوا
مسلط طلع بس رجعع وقال لرزان : رزانتييي
رزان : خييرر
مسلط : شرايك نطلع اليوم ونروح نتمشى ونشتري قهوه ونفلها
رزان : مابي
مسلط : رزان تكفين انا ابي اطلع معك اليوم 🥹
رزان : تم
_________________________________________
عند بيت زايد
زايد كان نايم ومايبي يشوف احد وضايقن صدره ويفكر برزان ..
دخلت عليه اخته اميال وقالتله : زايد
زايد : نعم ؟
اميال : وشفيك اليوم موعلى بعضك !
زايد : ماشفتي امس مسلط كيف استصغرني بعد مارحتو كلكم واهانني وقطعها معي 😔
اميال : ترا كل شي بينحل ومسلط مهما صار مستحيل يزعل عليك تراه يحبك لاتنسى
زايد : انا ودي اعرف لو انتي مو في حياتي وش كنت راح اسوي ؟
اميال: تراك اخوي
وضمته وزايد يبكي وزعلان ومتضايق
نزلت وراحت وجابتله قهوه وراضته .. وسولفو وكانو سعيدين مره لدرجة نسى همومه كلها
زايد : اميالي
اميال : هلا
زايد : تتوقعين لو دقيت على مسلط بيرد ؟
اميال : مدري بس جرب حظك
زايد : تمام
ودق زايد على مسلط بس مسلط فصل بوجهه وارسله رسالة : لعد ترسلي واتمنى تنسى رقمي ذا فاهم ..

(1331) كلمة ✨..
طبعاً ذا كتبته وكلي حب وكلي روقاااان واتمنى تحبونه ويعجبكم اكتبولي كومنتات ترا تسعدني وحطو نجمة لاتنسون واحبكم 😢🫂✨