ستكونين لي ✨

رولان وعزيز😣

تذكير / ووزعت المعلمه الورق وبدو البنات يحلون وكانت سلمى وخويتها يتغاششون ورمت سلمى ورقه وطاحت تحت رجل المعلمه
المعلمه فتحت الورقه وشافت الاسئلة
المعلمه : الغشاشه اللي كتبت ذي تعترف
سكتو الفصل
المعلمه : اذا ما اعترفتي بسقطكم كلكم
سلمى : استاذة انا اعرف اللي غشت
رزان ناظرت فيها وعرفت انها هي وانها هالحركة ملعوبه من سلمى
المعلمه : منهي ؟
سلمى : است..اذه رولان
رولان وقفت وقالت : انا ؟
رزان ناظرت رولان وقلبها مسكور عليها وجداً خايفة عليها
المعلمه : رولان انتي تسوينها ؟؟ رولان انتي شاطره ليه تغششين
رولان : است..اذ
المعلمه : ولا كلمة يلا علطول للوكيلة ومحرومه من الاختبار وراسبه فالمادة
رولان : استاذة تكفين لا والله مو انا سلمى تكذب تكفين استاذة احتاج هالسنة مره لان هي بتف..
المعلمه : كان فكرتي بذا قبل تغششين
رزان تناظر رولان ورولان تناظر فيها فجأة وقفت رزان وقالت ..
________________________________________________________________
رزان وقفت وقالت : استاذة رولان موهي اللي رمتها
المعلمه : اجل منهي
رزان ورولان يناظرون بعض
رزان : انا رميتها
المعلمه : انتي رزان ؟
رزان : ايه والحين سوي اللي تبين تبين تحرميني من الاختبار تبين ترسبيني عادي استاذة
المعلمه : ماتوقعتها منك رزان
رزان : هذا اللي صار
المعلمه : قدامي عالادارة
رولان بكت ورزان ناظرتها وقالت لها بهمس : معليك احنا قدها
" عند الادارة "
المعلمه : شفت رزان وخويتها يتغاششون ويرمون اوراق
المديرة : وشو ؟ ما اظن رزان تسوي كذا
المعلمه : ولا انا لكن صدمتني
رزان : ذا اللي صار اصدمس ب وش يعني
المعلمه : وتعترفين بعد تراك غلطانه ومن فوق لتحت غلطانه
رزان تناظر وماعطت اي استجواب ..
المديرة : رزان حبيبتي ترا اذا ماقلتي الصدق بتنقصين وبتخسرين مستقبلك
المعلمه : تقولك ذا هو الصدق
المديرة : اسكتي بس انتي
رزان : استاذة ..
المديرة : قولي رزان وانا مستعدة اسمعك لانك من اشطر البنات عندنا
رزان : استاذة انا ماغشيت ولاحتى رولان استاذة سلمى قاصدتني انا تبي تأذيني اعرفها
المديرة : وشدراك انها سلمى
رزان : شفتها بعيوني ويمكن تاخذين صديقتها وتقولس مع اني ما اعتقد حتى هي الغلط راكبها
المديرة : بس ليش مستقصدينك انتي بالذات شمعنى ؟
رزان : هذا الجواب اللي لحد الان ماعرفته وما ادري وش تبي مني سلمى ف مدري
المديرة : تمام روحي ونادي لي رولان وراك
رزان : استاذة لو بتأذون رولان الافضل تأذوني انا ترا ما ارضى عليها يكون بعلمس
المديرة : لامعليك بس بنشوف وش ردها على اللي صار يمكن يكون عندها دليل اقوى من دليلك
رزان : تمام
وراحت رزان ونادت رولان وراها وقالت لها : ترا مستجوبينس المهم قولي الصدق اوكي
رولان : اوكي اوكي ازهليها
رزان باستها على خدها وقالت : كفو
رولان : كفوس
دخلت رولان للمديرة وقالت : السلام عليكم ادخل ؟
المديرة : تفضلي
رولان : قلتي انس تبغيني امريني استاذة وشبغيتي ؟
المديرة : رولان وش صار فالفصل ؟
رولان : استاذة لا انا ولارزان غشينا كانت خوية سلمى مرسلة هالورقه لسلمى وسلمى رمتها تحت رجل الاستاذة عشان تشوفها وتقول انو رزان او انا وحدة مننا يعني غشت وبس استاذة تبين تصدقين صدقي ماتبين والله مدري شقول لكن ذا اللي شفته وان شاءالله اني ماكذبت بشيء
المديرة : تمام اجل روحي لفصلك واختبري وبشوف للموضوع
رولان : تمام شكراً
راحت رولان للفصل ومسكت يدها رزان وقالت : هاه وش صار ؟
رولان : قالت روحي لفصلس واختبري وبشوف للموضوع
رزان : الحمدلله كنت حاسة انو حتخليس تختبرين ماراح تضيع عليك الاختبار
رولان : الحمدلله ذا اهم شيء
رزان : اي بالله يلا موفقة ياعيوني
رولان : تم ركزي بأختبارس زين اوكيه
رزان : اوكيه
__________________________________________________________________________________
" عند العيال "
احمد بهمس : ياولد مسلط
مسلط يأشر له يعني : شتبي
احمد : سؤال ٤ وش جوابه
مسلط : معرف اغشش اذلف عن وجهي
احمد : انقلع ياخضير مافيك فايدة
احمد : بهاج
بهاج : نعمم
احمد : سؤال رقم ٤ وش ؟
بهاج : حلي خطا احتاج من يغششني زيك
احمد : انقلع ياكسلان
بهاج : وانت وش
احمد : انقلعو مالها الا عزيز
بهاج : روح بس كلم مسلط تراه دافور
احمد : كلمته يقول معرف اغشش
بهاج : لاحول
احمد ينادي عزيز : ياخضير ياولد
عزيز : نعم
احمد : سؤال ٤ وش جوابه
عزيز : مدري انقلع عن وجهي حط ( ب ) لاني حاطة زيه بس مومتأكد تأكد من مسلط
احمد : يوه خير ترا ماليخلقكم كلكم واقفين على مسلط
عزيز : قله صح ولا خطأ
المعلم : اللي يتغششون وشوضعكم كلواحد عينه بورقته
احمد : مسلط مسلط ياولد
مسلط : نعم
احمد : سوال ٤ صح جوابه ب
مسلط : اي فكني شرك
احمد : كفو
وصقع فالطاولة بالغلط
المعلم : اخر انذار وتحذير والله
وسكت الفصل كله وحلّو وكل واحد خلص وحط راسه عالطاولة ونايم
خلص الاختبار وطلعو
احمد : والله ياخضير يامسلط بغيت افرشك ليش اقولك غششني وماتغشش
مسلط : ياولد معرف وش تفهم انت معرف اغشش
احمد : اسكت بس ياخضير
زايد : وانت ورا ماتذاكر زي الاوادم وتفكنا من شرك
احمد : احد طلب منك ؟ محد دامني ماطلبتك مالك شغل وبعدين من زينك اطلب اجوبتك وبعدين اتوهق ههههههههه
زايد : متعلم منك
احمد : مافي الا عزيز الكفو
عزيز طلع من الاختبار : الله يقلعك الاستاذ مسكني وقالي ليه تغششه الله لايوفقك يا ابو راس بغيت اروح فيها ملح لكن قلتله انو كان يبي قلم وقلت له ماعندي
احمد : حلوه ابي قلم ههههههههههههههههههههههه
عزيز : ذاكر المره الجاية ولا والله اهفك بكف خلاص
احمد : يصير خير ان شاءالله
بهاج طلع من عند الاستاذ : بهاج والله توهقت
عزيز : اي شفت كيف الله يستر بس لاينقصني والسبة ابو راس
بهاج : لامعليك واضح الاستاذ شغله بربسة لاتهتم
عزيز : ان شاءالله
مسلط : المهم بغيتو شي بروح اخذ اختي من اختبارها
بهاج : خل اختك تروح بباص او مع سواق احسن لها
مسلط : كان معها سواق لكن غيرت تقول تبي معي شفت كيف
احمد : ههههههههه اختك والله انها كفو احسن
زايد : تبي اروح اخذها
مسلط والعيال عطوه النظرة 😭
زايد : وشفيكم امزح ترا ههههههههه
احمد : حسيت نفسي بمسلسل تركي والله
زايد : جننو عقلك انت الاتراك
احمد : ياشيخخخ
بهاج : والله انكم مهبولين ياخي خلونا نودي خواتنا للبيت سريع ونروح نفطر ونراجع اجوبتنا شرايكم ؟
احمد : واللي يقولك يبي ينام
عزيز : انت ماتشبع من النوم يا ابو راس
احمد : يتكلم على راسي طيب عاين راسك ياخضير
عزيز : اسكت بس ، المهم بهاج باخذ رولان
بهاج : لالا خل انا باخذها واكلمها اذا تبي العصر تتقابلون
عزيز : تمام شكراً
بهاج : العفو يارفيقي
عزيز : يلا بروح انا البيت ادق لي بدش وحددو لنا مكان نجلس فيه ونذاكر لاختبار بكره ونراجع بعد لان ذا الوقت اللي بكون فاضي فيه
احمد : اعرس وصار يتكبر علينا
عزيز : يالييييل امسكوه لا انفك عليه واجلده
احمد : تمام تمام ياخضير روح
وراحو العيال وكل واحد راح ياخذ اخته من المدرسة ..
__________________________________________________________________________________
" عند البنات "
رزان راحت لرولان وقالت : يوه رولانيييي
رولان : هلا
وضمو بعض 🥹
رزان : يوه قسم خفت عليس اليوم جدا يعني لو صارلس شي وانحرمتي من الاختبار وش بيصبرني واشوفس تنحرمين من الاختبار وانتي مظلومة
رولان : يوه فزعتس ذي ما انساها عمري كله
رزان : كليزق حنا صديقات وترا مستحيل يصير بيننا شي ومستحيل اتركس وما افزع معس يعني انتي جزء من حياتي احبس جداً
رولان : يوه رزان ياحلوس
رزان : انفداس
جت سجى
رولان : جت الكريهه هيا خذلك
رزان : ههههههههه
رولان : انتظرس برا رزاني
سجى : خير رزاني
رزان : وشفيس ؟
سجى : اغار
رزان : اسلوب الغيرة ما احبه وكلكم خوياتي على فكرة 🫡
سجى : اء اوكيه اسفه
رزان : لاعادي
سجى : كيفك وكيف كان الاختبار ؟
رزان : كان حلو جداً وانتي ؟
سجى : مره يجنن
رزان : يع بس خرب هاليوم سلمى يوه ياكرهيلها
سجى : اي والله
والحارس ناد اسم سجى
سجى : يلا رزان احمد برا شكله
رزان : تمام باي سلميلي عليه وعلى جنى
سجى : تمام
وطلعت سجى من المدرسة وشافت اخوها احمد
احمد : سنة
سجى : يعني وش اسوي كنت اسولف مع رزان
احمد : يا هالرزان جننتكم
سجى : امش وانت ساكت
احمد : سمي
سجى ضحكت 😭
رولان جت رزان
رولان : واخيراً انقلعت
رزان : حرام عليك ههههههههه
رولان : المهم بنت بروح دانكن تجين ؟ ونذاكر هناك
رزان : والله مدري عن مسلط اذا بيوافق اولا
رولان : يوه تكفين واذا ماوافق كلمي ابوس ونطلع انا وياس
رزان : خليها وقت ثاني وربي فيني النوم
رولان : ياليل لا ياخي
رزان : تمام بشوف
رولان : كفو ذي رزانتي
رزان : الحين صرت رزانتس
رولان : من يومس
رزان : اشوا
رولان : يلا نمشي
رزان : يلا
__________________________________________________________________________________
رزان اول ماطلعت شافت زايد وعطته ذيك الابتسامة وراحت لمسلط 🥺
زايد : يوه يحلوها
رسيل : من ؟
زايد : هاه من ؟ لاولا احد
رسيل : رزان ؟
زايد : من ؟ هاه وش !
رسيل : واضح مره انك خاق عليها وبزيادة بعد
زايد : يوه خلاص اصه
رسيل ضحكت
زايد : وشبك مايضحك
رسيل : والله يضحك وضعك طحت بالحب ياولد
زايد : تكفين خلاص
رسيل : ياحلوك
زايد : بلا هرج فاضي واركبي السيارة مع اختك بس
رسيل : اووه طيب
رزان ركبت السيارة حقت مسلط
رزان : تأخرت عليك ؟
مسلط : لا والله ابداً
رزان : يوه حبيبي انت والله اسف لكن قابلتني سجى وسالفة تجر سالفة تعرف
مسلط : يوه عسى الحق عالعيال بس
رزان : يوه وين بتروح
مسلط : بروح دانكن عشان نراجع ونذاكر لاختبار بكره
رزان : ااممم عادي اقولك شي بس لاتصارخ علي
مسلط : قولي متعود على صدماتس
رزان : هي موصدمة صدمه لكن رولان بتطلع دانكن تذاكر وتراجع وناخذ قهوه زيكم يعني وابي اروح معك
مسلط : كيف ! واخوياي
رزان : الله عاد واخوياك اعرفهم كلهم ترا عادي يعني
مسلط : اجل تمام بس كلمي رولان تتقابلون هناك عشان ما تتوهقين وتكونين معي
رزان : يوه احبك يا احلى اخ
مسلط : ياليل المصالح
رزان : مهوب مصلحة احبك منزمان
مسلط : انا اكثر
ودقت رزان على رولان ..
رولان : هلا رزان هاه وافق اخوس ؟
رزان : اي وافق بس ابي الاقيس هناك على طول
رولان : يوه انا كنت مخططة اروح البيت والبس واخلص واجيس
رزان : ياورع عشاني ترا مابي اجلس مع اخوياء اخوي
رولان : اوه تمام تمام يلا رايحة هناك
رزان : كفو احبس
رولان : اكثر والله
مسلط : هاه وافقت ؟
رزان : اي
مسلط : اجل يلا نروح للعيال
رزان : يلا
__________________________________________________________________________________
احمد شغل اغنيته ليه جافيني
سجى : فرحان بشيلتك تراها خياس
احمد : الخياس وجهس والله
سجى : يوه ياخي وربي اني متضايقة
احمد : افا من وش
سجى : مدري احس رزان صايرة تفضل رولان علي اكثر
احمد : ياحركاتكم يالبنات ماتبطلونها ياخي عادي كلكم خوياتها مافي فرق ترا بس انتي مضخمه هالموضوع براسس ولا انا احس انو عادي ترا
سجى : يعني بتقنعني الحين ان عزيز زيه زي اخوياك الباقين !
احمد : اكيد يعني في شخص نفضله بس يضلون اخوياي كلهم
سجى : هه شفت كيف انت قلتها بعضمة لسانك
احمد : طيب ترا معرف اواسي 🥹
سجى : قلتلك الحين واسني ؟!
احمد : هسكتي طيب
سجى : ههههههههه سم
سجى بينها وبين نفسها : ماراح ارتاح الا لمن افرقهم عن بعض وباذن الله اقدر افرقهم عن بعض
احمد : قلتي شي ؟
سجى : هاه ! لا ابد
احمد : زين بوصلس البيت لان بروح للعيال
سجى : اوك
وصل احمد سجى للبيت وراح لاخوياه
احمد : تبين شي ؟
سجى : لا سلامتك بس انتبه لنفسك
احمد : زين
__________________________________________________________________________________
وصلو العيال بهاج ، عبدالله ، عزيز ، زايد
بهاج : يوه الحين احمد ومسلط بيتأخرون
عزيز : لالاماعليك تلقاهم جايين بالدرب لكن يودون اخواتهم وكذا
زايد : اييي ترا مستحيل ينسون
عبدالله : يوه يعيال قسم حدي جويعين خل نطلب لين يجون
عزيز : صاحي انت اتفقنا انو كلنا نفطر معبعض خل ننتظرهم بيجون اكيد
عبدالله : ياخي بطلب شي خفيف
بهاج : اطلب لحالك انا بنتظرهم
زايد : حتنى
عزيز : وانا معكم
عبدالله : الله يعيني اجل حتنى بنتظرهم معكم يوه يالجوع وربيي اضربهم لو تأخرو زيادة جوع ياخي
عزيز ضحك : انا مدري الاكل اللي تاكله وين يروح ههههههههه
عبدالله : جينا للكلام اللي مانيب بحبه
زايد : والله ذا الصدق ههههههههه
بهاج : شكل الاكل يروح كله بطوله
عبدالله : اذكروا الله الله لايوفقكم
بهاج : لاتخاف ماعليك عيون
زايد : اي معليك قطو بسبع ارواح
عزيز : بطني ما اتحمل
شوي الا تجي رزان ورولان لحد الحين ماقد جت
مسلط : السلام عليكم
بهاج : وعليكم السلام
عزيز : مسلط وش جاب اختك معك ! ترا كلنا عيال بتضل لحالها
رزان تناظرهم قالت : لا بس انتظر وحدة من خوياتي بتجي بس جيت قبلها انا
زايد : عسى ماتجي خويتك
رزان استحت ونزلت راسها وضحكت : ههههههههه
زايد : اضحكي ياجعل محد يضحك غيرك قولي امين
بهاج : اقول انت وهي مسوين عصافير الحب اسكتو
مسلط : رزان تبين تجلسين معنا ولا لحالس
رزان : بجلس عالطاولة اللي هناك على جوالي الين ماتجي
مسلط : مستحيل اخليس لحالس
رزان : وحش هو بجلس هناك وبنتظرها وبعدين الطاولة جنبك بس ما ابي مع اخوياك استحي منهم
مسلط : تمام ياعين اخوس انتي انتبهي لنفسس زين ياروحي
رزان : ههههههههه تمام تمام
راحت رزان وجلست هناك وقام زايد وراح لها ومسلط كان يسولف ولاهو بداري
رزان على جوالها وجاء زايد وقال : كيفك ؟
رزان : هلا هلا ، الحمدلله وانت
زايد يناظر رزان ويتأملها قال : بخير الحمدلله
رزان : وشفيك تناظرني كذا معجب
زايد : هاه ؟ اي معجب واحبك واموت فيك
رزان : يوه ياخي ماتعرف اني استحي
زايد : احب الحياويين
رزان : ياليل شوضعك 😭
زايد : تبين اشتريلك شي قهوه ولا
رزان : ابداً سلامتك بس انتظر خويتي تجي ونطلب سوا
زايد : طيب تبين مويه
رزان : ههههههههه والله ما ابي شي
زايد : واضح اني ابي اجلس معك بس مدري كيف
رزان : عادي اجلس والله ملانه لحالي
زايد : صدق والله !
رزان : ياه
زايد : رزان ادعيلي انجح ابي اسوي الشي اللي ببالي بسرعه
رزان : الله يوفقك ياعيني وان شاءالله اشوفك باعلى المناصب وتسوي اللي ببالك
زايد : احبك
رزان تبعد نظراتها وتلفلف فيهم يمين ويسار من الانحراج
زايد : لاتنحرجين قريب باذن الله تصيرين حقي
رزان : يوه زايد 🥹
زايد : عيون زايد
جاء احمد
زايد : يلا برجع للطاولة حقتهم تبين شي ياقلبي
رزان : هاه لا سلامتك
زايد : فيك شي
رزان : لا مافيني شي معليك الحمدلله بخير انا
زايد : اشوا اي شي تحتاجينه قوليلي
رزان : ليش اقولك بقول لمسلط ههههههههه
زايد : ايه زين
رزان : ههههههههه ياحلوك
زايد : وياحلوك
احمد : سيلامون عليكوم
عزيز : عليكوم السلام
مسلط : شقاعدين تتكلمون انتم
احمد : مدري ، المهم اطلبو بسرعه تراني جويييع
عزيز : اي بالله بس كنا ننتظرك يا ابو راس
احمد : كفو ، الا مسلط موكأن ذيك اختك رزان ؟
مسلط : الا هي بس قاعدة تنتظر خويتها
احمد : اه اوكييييه
مسلط : عبالي اختك هي اللي بتجي
احمد : لاويييين اختي متضايقة شوي من رزان
عزيز : مو توه انحلت المشكلة
مسلط : اي وشفيها اختك من وش متضايقة
احمد : مدري والله بس تقول انو صارت تفضل رولان عليها اكثر
مسلط : يوه والله رزان تحبهم كلهم يعني ..
احمد : ماعليك منها تراه دلع بنات بس
مسلط : زي ماقلت ههههههههههههههههههههههه
________________________________________________________________
" عند رزان "
رزان جالسة على جوالها وترسل لرولان ..
رزان : رولان بنت وينس ؟ لي ساعه انتظرس متى بتجين !!
رولان : معليش بس جاية الحين كانت عندي مشكلة هنا
رزان : وشو !
رولان : ماعليس اجي واقولس كل شي
رزان : تمام انتظرس لاتتأخرين
ياليل هالبنت يومها سنة الله يقلع عدوها 😮‍💨
__________________________________________________________________________________
" عند العيال "
عزيز دق على رولان ورولان ماردت لان بعد ما كلمتها رزان قفلته نهائي ..
عزيز قام وراح لرزان وقالها : كيفتس ؟
رزان : الحمدلله وانت ؟
عزيز : بخير الحمدلله
رزان : امرني وش بغيت ؟
عزيز : امم ماكلمتي رولان اليوم !
رزان : الا بس وشبها
عزيز : ادق عليها ماترد
رزان : ثواني بس اكلمها انا لك
رزان دقت على رولان وطلع مغلق ..
رزان : والله مقفل ! بس تراني توني مكلمتها قبل شوي بس تلاقي جوالها انطفى ولا شي المهم انت لاتشيل هم معليك ان شاءالله بترد
عزيز : اتمنى ، المهم شكراً رزان
رزان : ولو العفو
وراح عزيز للطاولة ..
رزان : يوه شوضعهم حفظت قسم سؤالهم كيفس وكيفس هههههه
__________________________________________________________________________________
واخيرا جت رولان وعلى طول راحت لطاولة رزان وعزيز ما انتبه لها ..
رزان : وشفيس متغطيه شصار معس ؟
رولان : الله لايوريس شصار ! تخيلي وانا ماشية الا يوقفني واحد وعارف عني كل شي ويقول احبس ومدريش ويوم رحت جالس يركض ويلحقني وتغطيت عشان مايقفطني فالكوفي
رزان : اوح كلمي عزيز طيب !
رولان : المشكلة انه ولد عمي بس انا ما احبه ياخي
رزان : المهم معليك بروح اطلب لنا قهوه وهدي وان شاءالله مايصير الا كل خير بعدين هو مايدري انس مخطوبة ! وملكتس قربت !
رولان : يدري الكلب لكن يبيني اترك عزيز وانا احب عزيز ومقدر اتركه
رزان : يوه شيبي ذا الكلب ! المهم لاتهتمين بساعدس انا بس خل نطلب الحين ونشوف شنسوي معاه ! هدي انتي
رولان ضمت رزان وقالت : يوه احبس رزان لولاس مدري شكنت راح اسوي
رزان : ولو رولاني تراني خويتس !
رولان : احلى خوي
وراحت رزان تطلب ورولان كانت على جوالها تنتظر وعزيز كشفها انو هي بس قال خل اشوف وش سالفتها وليش متنكره كذا وجلس يناظرها عزيز ورزان راحت تطلب ..
جاء ولد عمها وراح لطاولة رولان وعزيز معصب وشاد على يده
رولان : ياخي روح وش تبي خير تراك بتفضحني !
ولد عمها خنسميه ( حامد )
حامد : انا احبك انتي وبس ومستحيل احب احد غيرك رولان انتي لي
رولان : اقول تعقب قسم بالله
وجت رزان
رزان : هي نعم اخوي من انت
رولان : رزان ذا ولد عمي اللي قلتلس عنه
رزان : انت ماتستحي على وجهك تلحق وحدة مخطوبة
حامد : ليش من انتي عشان تتكلمين وتقولين كذا اللي بيني وبين رولان اكبر من كذا
رزان : وش بينك وبين رولان ؟
حامد : كانت حب الطفولة حقي
رزان : طيب انته قلتها بعظمة لسانك حب الطفولة يعني وقت الطفوله مو الحين
رولان : وخرر عنييي ياخي
ورزان عطته كف و صرخت وقالت : والله لو اشوفك لاحق رولان مره ثانيه لتندم فاهم
والعيال كلهم التفتو ..
عزيز يصفق
عزيز : كفو رولان كفو تخونيني ومع ذا بعد برافو
عزيز فك الدبلة وحطها عالطاولة وراح ..
رولان : ع .. عز..عزيز والله فاهم غلط
رولان طاحت عالطاولة وراح لها بهاج وضمها 😔
رزان شافت رولان بهالحالة ولحقت عزيز..

( 2619 ) كلمة ✨..
نجمة / كومنت 💥
وبس والله انتهى البارت ادري اني مقصرة معكم وماصرت انزل لكن تعرفون ظروف الحياة واجازة وكلن لاهي اتمنى تتفاعلون وجداً اشكركم واحبكم 🫡🤍🤍