ستكونين لي ✨

مشاعر متلخبطة 😮‍💨

تذكير /
وراح مسلط لزايد ودخل عليه وقاله ..
_____________________________________
اتمنى يعجبكم البارت حبايبي وادري الاحداث صايرة حزينه لكن باذن الله اعوضكم 🥺🤎
       يلا نكمل
_
______________________________
مسلط دمع وقاله : ليه سويت كذا ؟
وزايد كان يسوي نفسه نايم ويسمع لمسلط
مسلط : كنت اكثر شخص احبه واثق فيه وكنت مثل اخوي اللي ماجبته امي وكنت متأكد انك راح تسعد أختي جداً وماتجرحها بيوم من الايام ، ليش سويت كذا يازايد ليش !
" مسلط مسح دموعه " وقال : خسارة ثقتي فيك
زايد صحى وقاله : لا يا اخوي لاتقول كذا انا اسف وندمان جداً وغلطان وعارف لكن هي اللي تتقرب مهوب انا
مسلط : كان بأمكانك انك تسكتها وتوخر يدك ، ولا ماتعرف ؟ انا وثقت وفيك وصدقتك انك تحب اختي ليه سويت كذا !
زايد : انا احب اختك
مسلط : كذّاب
زايد : والله صدق انا احبها ومحد سكن قلبي غير اختك
مسلط : خلاص انساني وانسى رزان حنا بكرا مسافرين وماعد راح تشوفنا
زايد : وين بتروحون ؟ انا مستعد اروح معاكم
مسلط : رزان ماتبيك ولاتبي تشوفك والأفضل عيش حياتك باللي تبيه والله يهنيك انت وسجى
" زايد دمع " وقال : مسلط تكفى رزان لاتتركني ماقدر بدونها 😔
" مسلط التفت وتنهد وطلع "
زايد : ليش تتركيني يا رزان يعني خلاص انتهت قصتنا ؟ " مسك راسه زايد " لا يارزان لاتسوينها
______________________________
مسلط وهو رايح للسيارة قابل احمد والعيال
احمد : لاتيأس وانا اخوك هذي هي الدنيا
عزيز : اي ولاتضيق ترا احنا معك ونحبك ومستحيل نتخلى عنك وانت اقوى من كذا
بهاج : مسلط كون بخير دايم وانت اكثر شخص ايجابي عرفته
مسلط : الله لايحرمني منكم انتم صدق اخواني وماطعنتوني او جرحتوني جداً احبكم
احمد : احنا اكثر ياخضّير
" مسلط ضحك " وقال : اذا انا خضّير انت ابو راس
احمد : اذا بتضحك كل يوم بقولك كذا
عزيز : ياحلوك ايه كذا
بهاج : والله اخونا مسلط قوي جداً
مسلط : يوه ياعيال قسم عطيتوني طاقة ايجابية للحياة فعلاً
بهاج : اذا مانكون معك بوقت ضيقك محنا اخوياك
عزيز : صح
احمد : يلا خلونا نمشي قربّ يأذن الفجر
مسلط : باقي ساعات قليلة ونسافر قسم مقدر بدونكم
احمد : لازم تنكد يعني اخ
بهاج : مسلط لاتنسانا
مسلط : مستحيل انساكم
عزيز : يلا خل نمشي ونصحي البنات ويستعدون عشان نروح
مسلط : يلا
( وراحو العيال كلهم وركبو السيارة وكان كل واح متضايق عشان مسلط بس مابينو كل واحد كاتم حزنه بقلبه )
______________________________
( عند البنات )
" رزان كانت صاحية وتكلمت " وقالت : بنات نمتو ؟
رولان : لا ، ماجاني نوم
رهف : ولا انا احس بضيقة موطبيعيه كيف بنقدر نعيش بدونك ؟؟
" رزان جلست وكلهم جلسو " وقالت : بنات حبيباتي انا صح بسافر لكن انا واثقة فيكم انتم يالثنتين وعندي كامل الثقة انكم قويات وقدها وراح اشوفكم بأعلى مراحل حياتكم 🥹
انتي يارولان راح تتزوجين وتعيشين حياتس وباذن الله اشوفس سعيدة دوم
وانتي يارهف راح تلاقين اللي يحبس ويعزس ويقدرس وإن شاءالله ماتنسيني
رولان : مستحيل ننساس انتي كل شيء وانا بعد متأكدة راح تقابلين شخص يغير حياتس تماماً وينسيس زايد
رزان : لا انا خليني بعييييدة عن هالاشياء خلاص نسيتها وطويتها من حياتي انتم عيشوها انا عشتها بمرها وحلوها وانتهت حكايتنا انا وزايد هنا ..
رهف : ماتدرين يمكن للحين ما انتهت
رزان : انتهت من اول ما شفته مع سجى ، مقدر مقدر مجرد بس افكر انه معاها اموت انقهر انحرق كأنها نيران بقلبي من الغيرة عليييه زايد بالنسبة لي كل شيء
" رولان مسكت يد رزان " وقالت : انا متأكدة ان لس ايام حلوه انتي وزايد لسى بتعيشونها
رزان تنهدت وقالت : ياليييتت لكن زايد سكنت قلبه وحدة غيري خلاص
رهف ضمتها وقالت : اووه رزانييي
رولان : نسيتوني
رزان ضحكت وقالت : تعالي يامصيبة راسي
رهف ورولان ورزان كانو اسعد ناس وكانو متضايقين لكن سوو اي شي بس عشان رزان تضحك
_____________________________
_
( وصلو العيال ودقو الباب عالبنات )
مسلط : صاحين ؟
رزان : اي تفضلو ادخلو
" ودخلو العيال "
احمد : وشفيكم للحين مانمتو ؟
رزان : السبب نفسه اللي ماخلاكم انتم تنامون
احمد : هه حلوه ذي احنا رحنا نفرفر
رهف : ماشاءالله عليك ياعزيز وماقلت لي
رولان : كليي تراب خيير المفروض انا اللي اسأله ! بس زين ذكرتيني ، ايه خييير ماقلت لي انك طالع ؟ نعم
" رزان تطالع رهف مره وتطالع رولان مره وفاطسة ضحك "
رزان : الله يعينك ياعزيز هههههههههههههه
احمد : الحمدلله على نعمة السنقل
عزيز : ما ودك تسكت انت يا ابو راس لان ما ابي اطلع فضايحك
احمد : لاتطلع فضايحي ولا اطلع فضايحك
رولان : يعني عنده فضايح ومن وراي بعد
عزيز : والله ماعندي ذا قبل
رولان : اي اشوا
مسلط : خلكم من هالهرج الفاضي وخل نسويلنا فطور بسرعه لان بنسافر وامي وابوي بيقابلونا يارزان فالمطار
رزان : يمهه احس بطني ماغصني لحظات الوداع قربت يوه اكرهها
احمد : الله يمغص اللي ببالي
رزان : ههههههههههههههههههههه احمد موطبيعيي ذباتك
" مسلط يطالع الارض "
" رزان لاحظت ان اخوها متضايق بس موبسبب السفر متضايق من شي ثاني " وقالت : مسلط وشفيك
مسلط ساكت ماتكلم
رهف تناظر مسلط وخايفة عليه بشكل ..
عزيز : مسلط اختك تكلمك !
مسلط : هاه ؟
رزان : وشفيك يا روح رزان ؟ تكفى لاتضايق
مسلط : وش وشفيني ؟
احمد : شكله خرّف
بهاج دقه ببطنه ..
احمد صرخ وقال : اااايييي ياخضّير الله يمغصك كليتي
بهاج " بهمس " : اسكت ياخضّير يامفهي !
احمد : طيبببب اسكت حتى انت !
رهف تناظر مسلط ومسلط يناظرها
مسلط : هاه رزاني لالا مافيني شي ماعليس
" وراح عندها وباسها على راسها "
رزان همست بأذنه وقالت : الا فيك لكن بعرف بعدين
مسلط بصوت واطي : ماعليس مافيني شيء
__________________________________________
ونزلو العيال والبنات للمطبخ ..
رزان كانت تسوي لهم كورن فليكس ومسلط كان يسوي الحليب واحمد وعزيز جالسين عالطاولة ويناظرون البنات وهم يطبخون
احمد يكلم مسلط قال : ياولد خلك من الطبخ وتعال هنا اجلس معنا
رزان : لا انا احب حليب مسلط جداً
احمد : الله
رزان : اسكت بس
عزيز يناظر رولان ورزان تناظره وتضحك ..
( احمد طالع رزان واستغرب ليه تضحك وناظر عزيز وشافه طايح بالحب )
احمد ضرب عزيز على راسه ..
عزيز صرخ وقال : ااااااييييي وشبك ياورع انجنيييت ؟؟
احمد : انتبه عيونك لاتخرج من محلها وانت تناظرها
عزيز : شدخلك خلني انا وحبيبتي براحتنا
احمد : يععع
رولان : يع انت
وكانت رهف تاخذ كوب وطاح الكوب ..
مسلط ناظرها على طول
مسلط : تعورتي ؟
رهف : هاه ؟ لالا بس بشيله
مسلط : لالا خليه عنس انا بشيله
ونزل مسلط ونزلت رهف وصقع راسها براسه ..
رهف : ااييي
مسلط : ااء اسف لو عورتس
رزان تناظرهم والغيره ماكله قلبها على مسلط 😭
رزان مسكت تيشيرته وقومته وقالت : اثقل ياورع
رهف ضحكت ومسلط ضحك
رزان : وجعااااه وشفيكم تضحكون ؟
احمد : يالخرفان اثقلو خلكم زي خويكم احمد
مسلط : هه ؟ زي من ؟؟؟
احمد : حمحممم زي طبعاً
مسلط وعزيز فاطسين ضحك
عزيز : مسلط لو طلعنا زيه ماشاءالله كل البنات بيجونا
مسلط : اي اي معليك
رزان : خلاصص اسكتو وخلو الهرج الفاضي وخنكمل فطورنا
احمد : زيين يارزانوو
رزان : كف
احمد : سمي
رزان : ماتلاحظون شي
عزيز : وشو ؟
رولان : وش
رزان : اليوم احس يوم حلو وكأننا كلنا اخوان يعني صرت امون على احمد وصرت امون على عزيز ومسلط ورولان ورهف صارو كأنهم اخواته يعني جداً اعتبركم كلكم اخواني وخواتي يع بتوحشوني
احمد : يوه رزان والله حتى احنا بنشتاق لس انتي واخوس الورع
مسلط : انت الورع انقلع
عزيز : اي والله ، ليت يصير شي وتتكنسل سفرتكم
رزان : ياليت لكن الحمدلله
" مسلط مسك بيد رزان " وقال : خلي الهرج الفاضي والحزن وتعالي افطري
وفتح لها الكرسي وجلست ..
رزان : ثانكيو حبيبي
مسلط باس خدها وجلس جنبها
" عزيز يناظر رهف ورهف تناظره وتقول بهمس " : وشفيك ؟
عزيز " عصب " وقال : ياخي ليه اختي موب كذا ؟
رولان ناظرته وشمّقت له
عزيز : هيا خذلك لا خطيبه صاحية ولا اخت صاحية وين اودي نفسي
رزان ضحكت وقالت : الله يعينك عليهم ههههههههههههه
مسلط : يلا يلا عزوز افطر وانت ساكت
عزيز : عزوز ؟ اخ من سمعت الاسم افطر احسن لي
احمد : اقول ياخضّير اسكت
عزيز : عزوز وخضّير !! يوه
( رزان فطست ضحك والكل ضحك عليه وكانو جداً سعيدين وفرحانين )
______________________________
" خلصو الكل فطور وقامو ورزان وزعت المهام "
رزان : اممم رهوفيي شيلي السفره
رهف : سمي ياقلبي
رزان : عزيز انت ود الصحون للمطبخ
عزيز : ابشري
رزان : وانتي يارولان حطي فحم عالنار عشان نبّخر البيت
رولان : سمي
عزيز : بحطه عنها عادي ؟
رزان : ليه
عزيز : اخاف تنحرق او شي
رولان : يوه احبك
رزان : ههههههههههه تمام تمام يلا
عزيز : يلا
رزان : بهاج عليك انت ومسلط الصالة ترتبونها الله لايهينكم
بهاج : لنا الله يامسلط
مسلط : اي والله
رزان : يلا لاتتكاسلون كلن على شغله
بهاج ومسلط : سمي
رزان : وانت يا احمد تعال معي هههههههههه
احمد : الله يكفينا شرس
رزان : ماعليك مهوب شر تعال
" راحو رزان واحمد للمطبخ "
عزيز ضحك
احمد : وش يضحكك ياخضّير
رزان : احمد
احمد : هلا
رزان : انا وانت بنغسل المواعين انا بنظفها بالصابون وانت تغسل الصابون تموم ؟
احمد شهق : اااييششش ؟؟ لا تكفيننن ذا اسوء كوابيسي لا رزان تكفين
عزيز ضحك عليه وقال : احسن احسن يلا غسلها وابيها تكون نظييييفه فاهم
احمد : انت شدخلك
رزان : ماعليك فيه بس يلا خنظف ماعد فيه وقت
احمد : لنا الله
رزان : خلك خلك عشان اذا تزوجت تساعد زوجتك هههههههه
احمد : يعني !!
رزان : يعني هذا تدريبات
احمد : يوه الشكوى لله بعدين ترا المطبخ لها انا بطلع وبتعب وبشتغل هي عليها المطبخ الله لايهينها
رزان : شرايك تشتغل وانت ساكت لانك بتنظفها طرق
احمد : ابوسالمممم ابوووههه
ورزان فاطسة على احمد ضحك واحمد يناظرها ويضحك معاها 😭
احمد : رزان
رزان : هلا
احمد : رزان تصدقين انس طيبة
رزان : احم اي اصدق
احمد : يع يانرجسيتس
رزان : ههههههههه طيب شسوي
احمد : عادي اخذ رقمس ؟
رزان : ليييه وش تبي برقمي !!
احمد : لا بس عشان اراسلكم لارحتو
رزان : ابشر
احمد : رزان انا صرت احبك
رزان ناظرته وعطته نظره ..
احمد : ويييي لاتخافين قصدي كأخت
رزان : اشوا
احمد : صدق يارزان احسك اختي واحسك زي سجى وجنى يعني جداً ارتحت لس واحس لو صارلي شي اقدر اكلمس عنه وبالراحة
رزان : حتى انا زيك احسك اخوي واحسك مثل مسلط حتى يوم تهاوشت مع زايد محد فزع لي غيرك وانقذتني
احمد : وبضل كذا حتى لو سافرتي انا اخوس واي احد يزعلس بجي له وافقع وجهه
رزان : ياحلوك
احمد الخفيف استحى وقال : ياحلوس انتي بعد
" دخل مسلط عليهم " وقال : للحينكم ماخلصتو ؟
رزان : باقي شويات
مسلط : على شغل احمد ذا ماظنتي نخلص
احمد : لاتسب شغلي
مسلط : وخر بس خل اخلص عالسريع
رزان : وشبك مستعجل
مسلط : نسيتي رزان اني بروح بالسيارة
رزان : اووه والله نسيت
بهاج : اوه تعب
رزان " راحت وفتحت الثلاجة وخذت موية وعطت بهاج " : هاك
بهاج : يوه شكراً
رزان : ولو وكثر الله خيركم كلكم ماقصرتو
" وخلصت رزان والعيال والبنات الشغل "
رزان : يوه واخيراً خلصنا كل شي
احمد : اي والله قسم تعب
رزان : المهم الحين بس ببخر البيت وابخركم ونطلع
عزيز : قرب الوداع
رولان : اوووه تكفون لاتبكوني
عزيز ضمّها وقال : لاتزعلين حبيبي اكيد بنروح لهم
رولان : صدق عزيز ؟
عزيز : اكيد صدق
رهف : رزان جداً احبك لانك كنتي واقفة معي بأشياء كثيييير ممنونه لك
احمد : بشتاق لس يا اطلق اخت
مسلط : هييييه خير اختي انا مهوب اختك
احمد : لا اختي الجديدة رزان
مسلط : ههههههههه ياحلوك يا ابو راس
رزان : حتى انا بشتاق لكم كلكم والله
( قامو رولان ورهف وضمّو رزان ورزان دمعت )
رولان : يوه رزانييي لاتبكين
رزان : شسوي مقدر
مسلط مسح دموعها وقال : انا معاس تمام
رزان : تمام
رزان : خلاص بروح اجيب البخور وابخركم
احمد : مسلط اختك اقوى شخص ، كيف متحملة كل هالضغط عليها وتضحك رغم كل شي فعلاً اختك انسانه صبوره تكفى انتبه عليها
عزيز : اي والله يعني لدرجة ماتبي تبيّن نقاط ضعفها قدامنا وتبكي
رولان : رزان كذا
رهف : اخ بفقدها
عزيز قام وضمّ اخته واخته دمعت
رزان وصلت للمطبخ ونزلت بكيتها على طول ماقدرت تتحمل اكثر ..
مسلط : ثوانيي بس بروح اشوفها وارجع انتم خلوكم هنا اوك
بهاج : اوكي
راح مسلط وسمع اخته تشاهق وضمّها على طول
رزان خافت وقالت : وشفيك ؟
مسلط : سمعتس تبكين
رزان : اخ احس بجبل على صدري موقادرة
مسلط : داري لكن راح نتخطى هالشيء مع بعض اتفقنا
رزان : اتفقنا
ومسح مسلط دموع رزان وطلعو ..
رزان بخرتهم وبخرت البيت وراحت لغرفتها وخذت اغراضها
رزان : اخ ذكرياتي ايامي كلها بتركها بهالغرفة واللي راح تروح وتتغرب شخصية غير مع السلامة يارزان
" وطلعت رزان من الغرفه حقتها وخذت اغراضها ونزلت تحت "
مسلط : جاهزة ؟
رزان : اي
بهاج : رزان انتبهي لنفسك زين تمام وفالغربة مالك الا مسلط ومسلط لك انتبهو على بعض
رزان : ابشر وانت بعد انتبه لنفسك ولأخواتك
عزيز : صدق كانت ايام حلوه معاكم ومابننساكم ابداً انتبهو لانفسكم
رزان : ابشر وانت بعد انتبه لنفسك ولرولان زيييين طيب ؟
عزيز : ابشري
احمد : انتبهي لنفسك رزان ورع اوكيه ، ولاتنسين تكلمينا يومياً لان جداً مانقدر بدونكم وانتبهي لمسلط الخضّير زين ؟
رزان ضحكت وقالت : ابشر ابشر ياسلق
رولان ناظرت رزان وكلها دموع ..
رزان : تعالي تعالي
" جتها رولان وضمّتها "
رزان تنهدت : اه رولانييي
رولان : كيف بتحمل تكفين خذيني معس
رزان : ياليت
رولان : انتبهي لنفسس ويومياً ارسليلي وكلميني فاهمة
رزان : اوكيه اوكيه ي عيوني
" رهف راحت لرزان وباستها من خدها ورزان استحت وناظرتها وضمتها على طول "
رزان : ياجعلني نتفتي انتبهي لس تمام ؟
رهف : تمام وانتي بعد
مسلط : كلكم احبكم وانتبهو على انفسكم
عزيز : اخ اخوي " وراح وضّم مسلط "
مسلط : ياعين اخوك
عزيز : انتبه لنفسك اوكي
مسلط : ابشر
بهاج : اخ مسيلط " وضمّ مسلط "
مسلط : ياعيون مسيلط
بهاج : كون انت لاختك كل شي تمام ؟
مسلط : تمام من عيوني
احمد : مسلط ياخضير ياورع ياسلق انتبه لك زين
مسلط : تعال تعال ياخضير
" وجاءه احمد وضمّه ودمع احمد بالغلط "
مسلط : افا ، لاتبكي وانا اخوك
احمد : شسوي بفقدك
مسلط : يوه يوه تكفى لاتبكيني والله حتى انا بفقدكم
__________________________________________
ورزان ومسلط وهم طالعين قابلتهم سجى ..
رزان : ياليل هالنشبة !
مسلط : ماراح تقربس لاتخافين واحنا موجودين وراح تتقلع الحين بعد
احمد : وش تبين انتي ماكفاس اللي سويتيه للبنت !
سجى : رزان انتي وش تبين بالضبط علميني
رزان : وخري عن وجهي ياخي ماعندس غير رزان خلاص ! مو انتي وحبيبس مع بعض خلاص روحي له شتبين فيني ؟ مو خطيبس خلاص
رولان : يع ولس عين بعد تجين هنا وبكل وقاحة بعد وش وضعس ؟
رهف : وبعدين رزان ماعندها خويات غيري انا ورولان وانتي ورسيل تقلعو
بهاج : انا لله فكينا شرك يابنت الحلال وتوكلي على الله
سجى : انا جاية اقول كلمتين ماغيرها وبروح
احمد : كلمتينس ذي احتفظي فيها لنفسس تمام !
رزان : خلها خلها عنك خل نسمع كلمتينها ذي وانا ادري اني ما بستفيد شي ، اهرجي اخلصي علينا
مسلط : تكلمي وتوكلي من هنا بسرعه
سجى : منزينك انت واختك المهم ، زايد ذا موراضي ينساك يهوجس فيك ويحبك جداً ياخي خلاص اتركي الولد ياخي انا احب زايد
رزان " حست كأن الحياة ردت لها لكن تذكرت انو لازم تسافر " وقالت : يحبني يكرهني ذا شي راجع له وتقلعي من هنا واذا ماحبك ذا مالي دخل فيه ذا شي خاص بمشاعره والمشاعر عمرها ماكانت تحكم فيها ولو حنا نتحكم فيها كان نسينا اشخاص مأذينا واجد منزمان
سجى " عطت رزان نظره " وقالت : نشوف يارزان من بيفوز بزايد
رزان : تفوز ؟ هههههههههههههه ببكيي اصلاً انتو منتو ببالي والحين مسافرة وتاركه لس زايد تتهنين فيه
ورزان دفّت سجى وقالت : وخري بس مناك عني يلا مسلط
( واحمد وبهاج ورولان وعزيز ورهف ركبو سيارتهم وراحو ومسلط ورزان قفلو الباب وراحو وسجى لسى تناظرهم فالشارع )
سجى : يع لا من اخ ولا من حبيب ولا من احد يع وش هالناس حتى نسى ان اخته انا وخلاني انا هنا ..
______________________________
" في سيارة مسلط "
مسلط : خذيتي كل شي ؟
رزان : اي
مسلط : ابوي حّول لنا ٢٠٠ الف
رزان : اولللههه شكلهم يبون الفكة منا
مسلط ضحك وقال : شكله
رزان : يلا
مسلط : خل ناخذها سياحة ونتمشى ونستانس وامي اساسا بعد فترة بترجعنا ماتعرفين امي
رزان : ماظنييييت
مسلط : ماعليك هنا الاقناع بكلم ابوي وحنا مسافرين يحاول فيها وبعدين ابوي وعدني انه بيكلمها وبيحاول يقنعها
رزان : طيب شرايك مانروح للاردن ؟
مسلط : فين تبين نروح ؟
رزان : نروح لجورجيا مثلاً ؟
مسلط : ابوي كلم واحد هناك ولازم نروح هناك ضروري
رزان : اوووه مدري ليه احس انو معد بنرجع
مسلط : ليه تقولين هالكلام لا الله لايقولها بنرجع أن شاءالله
رزان : نشوف
______________________________
زايد ارسل لرزان رسالة بالجوال وقالها :
" رزان ما بنساك وبضل انتظرك لين ترجعين "
رزان شافت الرسالة وقالت :
" انت بعتني يازايد ليه خربت كل شي ؟ ليه انهيتنا ؟"
زايد ارسل :
" والله ما ابيها ولا بيني وبينها شي يارزان "
رزان شافتها وقالت :
" هالسفرة جت بوقتها لازم ارتاح يازايد شوي وانت شوف حياتك الله يوفقك ترا الجرح اللي جرحتني اياه لسى بقلبي ويوجعني لاتحسبني نسيت "
زايد :
" والله اسف وتراني احبك جداً ولا احد سكن قلبي غيرك تذكري هالشي "
رزان ابتسمت وقالت :
" موفق زايد "
مسلط شافها وهي مبتسمه ..
مسلط : وشفيس مبتسمه خلينا نضحك شوي
رزان : لا ولاشي بس رولان ارسلتلي شي وضحكت
مسلط حس انها مب رولان لكن مشّى الموضوع ..
______________________________

نجمة وكومنت حبايبي ماكنت بنزل بارت اليوم بس لعيونكم ولتفاعلكم على اخر بارتين واذا كذا تفاعلكم بيضل فأبشروا بالدلع ❤️‍🔥❤️‍🔥❤️‍🔥