ستكونين لي ✨

لاتموت 😰💥

تذكير /
رزان : وش بينك وبين رولان ؟
حامد : كانت حب الطفولة حقي
رزان : طيب انته قلتها بعظمة لسانك حب الطفولة يعني وقت الطفوله مو الحين
رولان : وخرر عنييي ياخي
ورزان عطته كف و صرخت وقالت : والله لو اشوفك لاحق رولان مره ثانيه لتندم فاهم
والعيال كلهم التفتو ..
عزيز يصفق
عزيز : كفو رولان كفو تخونيني ومع ذا بعد برافو
عزيز فك الدبلة وحطها عالطاولة وراح ..
رولان : ع .. عز..عزيز والله فاهم غلط
رولان طاحت عالطاولة وراح لها بهاج وضمها 😔
رزان شافت رولان بهالحالة ولحقت عزيز..
________________________________________________________________
رزان : عزيز ولد وشبك !
عزيز : وخري عني ترا اللي فيني مكفيني لاتخليني احط حرتي كلها فيك
رزان : تراك فاهم الموضوع غلط جدا عزيز اجلس وهد وماعليك ترا رولان ماتحب غيرك صدقني مافي احد بقلبها غيرك وانامتأكدة بعد
عزيز : وشفيها لوكان فماضيها احد عادي
رزان : شتقصد ؟ كان في ماضيك احد !!
عزيز سكت
رزان : قول تكلم
عزيز : اووه مب وقتك روحي عني
رزان : لا مابروح لين تقول
عزيز : كان بس تعرفت على رولان حبيتها وصرت اعتبرها كل شي بالنسبة لي وخطبتها لكن ليش تسوي فيني كذا
رزان : هد وماعليك والامور كلها تتصلح وانا ابيك تسمع لها تكفى ترا رولان جداً تحبك ولاتطالع احد غيرك
عزيز : صدق رزان !
رزان : صدقني والله صدق
عزيز ابتسم في وجه رزان ورزان ابتسمت في وجهه ..
رزان : هاه ندخل لها ونفهم الموضوع احسن من ذا كله !
عزيز : لاني احبها اي يلا
رزان : كفو ذا هو عزيز اللي انا ورولان نعرفه
عزيز : كفوك
رزان : يلا نمشي
عزيز : يلا
ودخلو عزيز ورزان لرولان وكانت تبكي ومنهارة جداً
راح عزيز لها وقال لها : رولان ! انا احبك
رولان : عزوزييي 🥹
عزيز : اي عزيز ترا انا جدا احبك ولو ما احبك ما اهتميت لكن تعرفين الغيره ياخي توجع والله توجع
رولان : ورع قسم لو سويت كذا فيني مره ثانيه اني لاذبحك ترا مره احبك
عزيز : وي وي وانا اموت فيتس
وضمها عزيز وباس راسها وقالها : وش فيه ذا عليك ؟
رولان : اء..ه..
رزان : لاتضغطين على نفسس انا بقوله بكل شي
عزيز : تكلمي يمكن اقدر اساعدها
رزان : هذا ولد عم رولان
بهاج : ايييششش هذا حامد !!
رولان : اي هوو
بهاج : طيب وشفيه متلثم كذا سوا لك شي
رزان : ولد عمك ذا اللي مايستحي على وجهه لاحق رولان لين هنا عشان كذا انتو شفتو رولان متنكره ماتبيه يشوفها ويسبب لها مشاكل
عزيز : ليه وش يبي وشصار
بهاج : هذا كان يحب رولان يوم كنا صغار تقريباً كنا ابتدائي وحتى اصغر بعد
عزيز : طيب رولان مخطوبة الحين يعني اكيد عيب يلحقها من مكان لمكان
رزان : وهو قاعد يهددها فيك وحالف يسوي لك مصيبة لو ماتركتها
عزيز انصدم وقال : اييييشششش
وعصب عزيز جداً والعيال يمسكونه وهو يبي يطلع ويروح له للبيت ويجلده جلد لكن العيال رفضو ومسكوه
رزان : هد هد وشبك انت ياخي رولان كسحته وان شاءالله مايعيدها باذن الله
عزيز : ننتظره لين يعيدها يعني !!
رزان : ماراح يعيدها وان عادها نبلغ عليه انه لاحق بنت مخطوبة ف كل مكان
احمد : اي عزيز هد وترا صح كلام رزان يعني لو جاء مره ثانيه نقدر نبلغ عليه ويوقع تعهد انه مايتعرض لها مره ثانيه
بهاج : اي وترا حامد ولد عمي جداً خطير يعني عادي عنده يسوي لك اي شي ف الاحسن لك انك تكون هنا ولاتروح له واذا سوا او حاول يسوي لرولان شي مره ثانيه ما بنتظرك انت تسوي له شي انا بروح له واجلده والعن خيره
احمد : اي عاد بهاج تعرفه يعني
بهاج : اسكت انت
احمد : سم
عزيز : تمام المهم رولاني لاعد تخبين علي شي تمام !
رولان : اول واخر مره
عزيز : ياحبي لس
رولان : وانا اكثر والله
وطلعو العيال من دانكن وكل واحد راح لبيته
________________________________________________________________
" سيارة مسلط ورزان "
مسلط : قسم حزنت على رولان وعزيز
رزان : اي والله مساكين من اول ما انخطبو وهم في مشاكل ما ارتاحو
مسلط : فعلاً والله
رزان : يعني والله مدري شقول ورولان جداً تعبت يعني فعلاً لو يسرعون ملكتهم احسن لهم
مسلط : والله صدق لكن مدري يمكن ينتظرون هالسنة تخلص ويسوون ملكة عشان ماينلهون عن دراستهم
رزان : مدري والله بس شكله كذا
مسلط : المهم الله يسهل امورهم
رزان : امين
وسكتو شوي ورزان دقت مسلط
مسلط : وجع وشفيس مخبوله ؟
رزان : وجعاه ههههههههه
مسلط : وش تبين ؟
رزان : يوه سلطه ياخي ريتاج واحشتني جداً
مسلط : طيب ؟
رزان : افهمها يعني !
مسلط : لا
رزان : ليه ياورع قسم طفشانه ومشتاقه لها ابا اروح تكفى
مسلط : والله ماليخلق ياخي تعبان وفيني نوم خليها بكره رزاني
رزان : سلوطي ترا كلها عبرة شارع
مسلط : يوه الله يعيني عليس تمام
رزان : يوووه لفيو لفيو
مسلط : لو انك تحبيني صدق كان خليتيني اروح البيت وارتاح وبكره اوديس
رزان : ياخي والله ملل واكيد بيتنا الحين كله نايم مافي غيري وتعرفني ما احب انام بدري
مسلط : ومدرستس
رزان : معليك بداوم مع رتوي
مسلط : الشكوى لله طيب
رزان ابتسمت وناظرته
________________________________________________________________
" سيارة عزيز ورولان "
رولان كانت زعلانه جداً وعزيز يناظرها ..
عزيز : رولانيي حبيبي قسم اسف وربي ماكان قصدي بس بلحظة غيره
رولان : غيره ؟ ذي تسميها غيره ؟
عزيز : والله انجنيت كأني منعمي ماعد شفت شي قدامي غير هالشخص اللي قاعد يكلمس يحاول يتقرب منس لولا رزان كان ..
رولان : كان وش !! كان انا خنتك ؟
عزيز : لا موب كذا
رولان : الا قصدك كذا لكن انا ما وافقت عليك عشان اخونك فاهم وبعدين وش قصدك برزان يعني رزان حمتني ولا وش يعني ما اعرف احمي نفسي ؟
عزيز : لا رولان انا احبس جداً
رولان : خلاص اسكت ووصلني للبيت
عزيز : بنت ياخي والله القصد موقصد كذا !
رولان ساكته وماقالت ولا شي ماغير تبكي 😔
عزيز : يوه والله اسف ياخي مابي اشوف دموعس ذي تكفين انا اسف جداً رولان حبيبي تكفين افهميني
رولان صارخت وقالت : خلااااص تراني متحملة اشياء واجد تكفى فكني شرك !
عزيز : صار شري هاه ! ترا كلنا مرينا بهالشيء .. حتى انتي تذكرين بنت خالتي يعني عادي ترا كلنا نغار ونحب بعض تكفين رولاني
رولان : هذاك شي وذا شي ثاني مختلف تماماً
عزيز : وش المختلف فيه علميني
رولان : انته تشك فيني
عزيز : انا ؟
رولان : اي
عزيز سكت
رولان : علاقة دخلت فيها شك اعتبرها انتهت 💔
__________________________________________________________________________
وصلت رزان لبيت ريتاج ودقت الباب على ريتاج وريتاج فتحت الباب
رزان : سنه على ماتفتحين
ريتاج : ههههههههه شسوي ياخي قسم بالله ماسمعت الباب وبعدين كنت فغرفتي وصوت الجرس فغرفتي ماينسمع لو اني مانزلت اشرب مويه فالمطبخ كان ماسمعتك
رزان : يوه قسم كنت بفقع وجهس لو مافتحتي
ريتاج : تخسين
رزان : تخسين انتي
ريتاج : لاتخليني افقع وجهك قدام اخوك
رزان : جربي حظس
ريتاج : لاتحديني
رزان : ابحدس وريني شلون
ريتاج ضمتها وقالت : لو اني ماني مشتاقة لك كان شفتي شي ثاني
رزان : يوه وربي اكثر ياورع جداً مشتاقة
ريتاج : المهم كلمي اخوك خل يروح وندخل
رزان : طيب
رزان راحت السيارة لمسلط ودقت الدريشة
رزان : خلاص حبيبي روح فتحت
مسلط : اي شي تحتاجينه كلميني تمام وترا بدق عليس كل شوي
رزان ضحكت : تمام تمام يالقيور بس روح الحين
مسلط : اختي انتي
رزان : درينا يلا روح
مسلط : يلا انتبهي لنفسك
رزان : وانت بعد
وراح مسلط ودخلو رزان وريتاج
ريتاج : رزان وينك ياخي قسم بهبدك ولاسجى ذي هي وراسها
رزان : ياليل قسم بهبدس اشغلتوني بسجى كأنها محور الكون ياخي خوية زيس زيها
ريتاج : لا انتي حبيبتي
رزان : يوه 😭
ريتاج : يوه خاطري نطلع برا ونفحط بسيارتي شرايك
رزان : تم يلا بس عبالي سجى دايم فكره ههههههههه
ريتاج : ذي سجى مو ريتاج
رزان : ايه ايه يلا امشي بس وترا فلوسي ولاحبه منها من الحين اقولس الدفع عليس
ريتاج : اقول اصه بس بخيله
رزان : اي بخيله انا عندس شي
ريتاج : توهقي قدام المحاسب ماراح ادفعلك شي اهلي عطوني فلوس على قدي
رزان : خلاص اسكتي بس انا بدفع لس احم طبعاً الفتاة المدللة انا
ريتاج : ارحميني
رزان : الا شرايس اكلم رولان تجي والله مره واحشتني القرد
ريتاج : ياليييل يعني لازم يكونون معي
رزان : يوه خل اكلمها
ريتاج : تمام بس سجى لا
رزان : احد قالس اني بدق على سجى ؟ لا
ريتاج : تمام تمام كلميها
رزان دقت على رولان وماردت
رزان : ماترد
ريتاج : خلاص يمكن مشغولة موشرط
رزان : لا اكيد فيها شي هي ماترد الا وصاير لها شي
ريتاج : يعنني الام اللي تحس بعيالها
رزان : يوه كليزق ، بس والله صدق ترا هالفترة تعبانه شوي
ريتاج : وشفيها
رزان : مشاكل شوي بينها هي وعزيز
ريتاج : ياعمري
رزان دقت مره ثانيه وردت رولان
رولان : هلا رزان وش بغيتي ؟
رزان : رزان ؟؟ ووش بغيتي بعد !! لاواضح فيس شيء تكفين وشبس
رولان : رزانتي والله شوي نفسيتي زق مالي خلق احد احتاج اجلس لحالي عادي ؟
رزان : لا مب عادي
رولان : رزان عالاقل بس اليوم تكفى ..
رزان : تمام بس بكره بجيس
رولان : اوكيه بكره بكون احسن باذن الله
رزان : وش صا..
وقفلت رولان المكالمة بوجه رزان
رزان : لا واضح البنت فيها شي
ريتاج : خلاص بكره تشوفينها الحين لاتخربين جونا تكفين
رزان : تمام
وكان كل تفكير رزان في رولان وخايفه عليها لدرجة موطبيعيه ..
__________________________________________________________________________________
" عند استراحة العيال "
مسلط : السلام عليكم
زايد : وعليكم السلام
احمد : هلا والله فينك ياولد تعال قاعدين نلعب قيمات خطيرة وحرق وجلد فالبلاستيشن تجي ادق راسك ؟
مسلط : تدق راس من اسكت بس بنهيها من اول ١٠ دقايق شعبالك انت
احمد : ههههههههه نشوف ياورع
مسلط : انا ورع هين وربي ادق راسك
ودخل عزيز فجأة وقال : تقول عني شكاك انا شكاك من متى ؟
احمد : بسم الله وشفيك انت سلّم عالاقل بعدها قول خرابيطك
عبدالله : وشفيك تنافخ على ذبّان وجهك هد هد شوي
زايد : عزوز اجلس واهدا وخل نفهم منك الموضوع
عزيز : لاحول جاك الثاني هو والاسم اللي يقولي عنه انت تبيني صح احط حرتي كلها فيك تبي ولا وش وضعك
مسلط : هد هد وشبك تراه ماقال شي
زايد : اقول واضح انك منفس وبتحط حرتك بأي احد انا اروح للبيت افضل لي
عزيز : روح روح من زينك عاد !
زايد : ما برد عليك ومعها حق يوم قالت عنك شكاك
عزيز عطاه نظره وقاله : وش تقصد ياكلب !
زايد : انا كلب ؟ ماشي بس لانك خويي ونفسيتك تعبانه بعديها وانتبه لاتخسر احبابك بكلامك وحركاتك 👍🏻
عزيز : اسف زايد سامحني
زايد طلع من الاستراحة وشايل هموم الدنيا كلها على راسه
مسلط : وشفيك عزيز !
عبدالله : فيك شي ؟
عزيز يبكي ويشاهق
احمد : ياولد تكلم قطعت قلوبنا عليك
عزيز : رولان تقول اني شكاك ! انا شكاك تكفون قولولي وريحوني
مسلط : هد وانا اخوك كلكم اعصابكم تعبانه ارتاحو هالفترة وبعدها لكل حادث حديث
احمد : خلها تولي هي الخسرانه مهوب انت
مسلط : كلهم خسرانين بعض انت اسكت لانك لو تكلمت تراك تجيب الطامه احسن لك لا تتكلم
احمد : وانا شقلت
عبدالله : لا معليك ماقلت شي
احمد : اووه طيب بسكت
وعزيز ضم احمد وقاله : احبك لانك على نياتك 🥺
مسلط : واحنا يعني ماتحبنا !
عزيز : احبكم كلكم الله يديمكم لي انتم اخواني اللي ماجابتهم امي
عبدالله : لاتقول كذا احنا اذا مانكون اخوياك فوقتك الضيق نكون اخوياك متى ؟ بوقت فرحك بس !
مسلط : صح
عزيز ضحك
احمد : ايه هذي الابتسامه الزينه مو نفس قبل شوي منفس وحالتك حاله خلك كذا دوم ياخضير
عزيز: مدحتك وقلت كل شي بس الخضير انت
احمد : ههههههههههههههههههههههه لاوالله انه انت
عزيز : ابي دانتسن
احمد : يجيك احلى دانتسن الحين
عزيز : ياحلوك
مسلط : وياحلوك بعد
وضحكو العيال واستانسو وغيروا من نفسية عزيز وكانو احلى اخوان
__________________________________________________________________________________
" عند سجى "
سجى : يوه فكري يابنت وش تسوين لرزان ورولان ويتركون بعض فكري فكرييي ..
وبعد فترة من التفكير
سجى : لقيتها هيني يارزان قسم لاخليك تندمين ليش تخليني كذا وربي تندمييين
سماح : سجى يمه تعالي هنا شوي
سجى : هلا يمه يلايلا جايتك
ونزلت سجى ..
سماح : وين اخوك احمد ؟
سجى : شدراني انا عنه
سماح : تكلمي معي زين
سجى : اووه
سماح : لما اكلمك ماتعطيني ظهرك وتروحين
سجى : يمه مالي خلق احد تكفين
سماح : يجي اخوك واقوله عن حركاتك
سجى : قوليله خوفتيني فيه يمه
عزوز : هيه تراها امك
سجى : روح انت هناك يالبزر
عزوز : البزر احلى منك عالاقل يحترم امه
سجى دفته وراحت غرفتها
سماح : لاتهمك ياحبيبي تعال تغدا
عزوز : تمام ماما
وراحت سماح وهي مجروحه من سجى جداً 😔
سماح بينها وبين نفسها : ليش قلبت علي سجى كذا فجأة ؟ ليكون فيها شي البنت
طلعت سماح لسجى
سماح : سجى يمه
سجى : لاحول ماتفهمون ياخي مابي اشوف احد فكوني شركم
سماح : وشفيك صايره قليلة حياء كذا
سجى : مدري يمكن منكم
سماح : مننا ؟ ليه احنا وش سوينا
سجى : يمه قسم مالي خلق تكفين فكوني
سماح : طيب لكن برجع مره ثانية واشوف وشفيك
سجى سكرت الباب
__________________________________________________________________________________
" عند رزان وريتاج "
رزان : الاغنيه ذي خايسة بحط لس انا اغنيه احلى
ريتاج : اقول لا يع ترا ما احب عبد المجيد وراشد واصاله وعايض ياخي ابعديهم عني ما احبهم
رزان : اقول لانس طعسه فيه احد مايحبهم اذا ذولاء المغنين اللي ماتحبينهم تحبين من ؟ هذولاء هم اساس الفن والغناء
ريتاج : بغيت انام والله اقصر قصة حزن فالحياة
رزان : اقول ماعندس فن ولا ذوق
ريتاج : انا ماعندي ذوق ؟ اذا انا ماعندي ذوق انتي وش
رزان ضحكت 😭
ريتاج : وشفيك ضحكتي من سرك بلا
رزان : تكفين ادركت حاجة
ريتاج : وش
رزان : ادركت ان اختلاف الاجواء بين الاصدقاء اكبر مشكلة بغينا نتضارب بسبب اختلاف اجواءنا
ريتاج : ايه بس احبك
رزان : ههههههههه ورزان تموت فيس
ريتاج : بخليك اليوم تجربين قهوتي قولي تم
رزان : على حسابس ؟
ريتاج : لوء
رزان : اجل انقلعي
ريتاج : خلاص يالشحاته طيب
رزان : ايوا كذا
وعلت رزان على صوت الاغنيه وريتاج تناظرها وتضحك ويضحكون
__________________________________________________________________________________
" في سيارة زايد "
زايد ارسل لرزان رسالة ..
رزان : تكفين ريتاج مقدر ياخي ورب..
ريتاج : كملي
رزان : فيه احد ارسلي صبر بشوف منهو
ريتاج : طيب
وفتحت رزان رسالة زايد وكان مكتوب فيها :
" رزان اقدر اشوفك ؟ مره متضايق ومحتاج اجلس واتكلم مع شخص ومالقيت غيرك اثق فيه ويفهمني "
رزان : يوه ريتاج ..
ريتاج : وشبك ؟
رزان : زايد ارسلي يقول فاضية اشوفس شقوله ؟
ريتاج : سهله قوليله مع ريتاج !
رزان : قولتس اقوله كذا ؟
ريتاج : اي عادي وقوليله لو يبي شي يكلمك فالجوال خو سهلة
رزان : تمام
وكتبت له رزان :
" والله زايد مدري شقولك بس والله اني عند ريتاج الحين وبنوم عندها ف اسفه جداً مقدر اشوفك لاني موبالبيت 😢"
زايد شاف الرسالة وقالها :
" اقدر اشوفك عند ريتاج طيب ؟ "
رزان : ريتاج ورع
ريتاج : هاه ؟
رزان : زايد يبي يجي عندس شقوله ؟
ريتاج : انتي انجنيتي اكيد لا وبعدين تراني بنت ولحالي فالبيت واهلي موموجودين وشتبين الناس تقول عني ؟
رزان : اي والله صدقتي ! بس الولد واضح متضايق
ريتاج : وانا شعلي فضيقته بعدين حتى انتي عيب يشوفك بمثل هالاوقات وترا لسى ماصار بينكم شي يعني اشوفها عيب بحقك بعد وبنظرته وش تبين يقولك يقول عادي عندها ماتهتم لسمعتها فكري فيها شوي قوليله مقدر اشوفك الا بمسلط وانتهى
رزان : والله كلامس صح مية بالميه مافكرت فيه
ريتاج : لانك دلخة
رزان : ياشيخه لاني احبه وبعدين شخص متضايق وشفيها لو كلمته
ريتاج : اوه بكيفك
رزان ارسلت له رسالة وقالت :
" اوه زايد معليش قسم مقدر ابداً والبنت اهلها موموجودين وانا مقدر اقابلك ومسلط مومعي قدّر موقفي زايد بليز لاتزعل ❤️"
فتح رسالتها زايد وقالها :
" اوك .. بس تذكري اني جداً متضايق بس حبيت اعلمك مع السلامة احبك "
رزان شافت رسالته وفتحتها وقالت له :
" زيود انتبه لنفسك تكفى وروح لبيتكم وانا بكره اوعدك اشوفك تكفى لاتقطع قلبي عليك "
زايد شاف رسالتها وسحب عالرسالة ..
رزان : يوه شكله بيزعل ياخي !
ريتاج : زعل بو يعل بالطقاق
رزان : انتي كويتيه ولاسعودية ؟
ريتاج : تكفين وهم صادقين
رزان : ياليل انا قلبي عالولد وانتي تنكتين وشبس
ريتاج : يوه ياخي وشبك ياخيي فكري فيها مايحل لك
رزان : ادري بس الولد زعلان ومتضايق مستحيل اخليه كذا افهميني عاد
ريتاج : طيب وش الحل ؟
رزان : خل اخليه يجي ونتكلم فالحوش حقس يعني ماندخل بس والله ريتاج مقدر اعرف نفسي مستحيل انوم وهو متضايق افهميني
ريتاج : الشكوى لله طيب
رزان ارسلت لزايد وقالت له :
" زايد تقدر تجي بيت ريتاج لان مستحيل اشوفك كذا وما اقدر اسوي شي تعال وقولي اللي تبي "
زايد شاف رسالتها واستانس جداً انو رزان تخاف عليه وتفكر فيه وقالها :
" احبك "
رزان شافتها واستحت وارسلت له قلب ابيض
________________________________________________________________
وصل زايد لرزان رزان لبست عبايتها ونزلت لزايد ..
رزان : هلا نورت
زايد : هلافيك
رزان : وشفيك تراك خوفتني عليك !
زايد : مدري شقولك بس ابي اشوفك هو صح متضايق بس من عزيز ومو مهم بس ابي اشوفك
رزان : مومنجدك !
زايد : ليه مومستانسه ؟
رزان : يوه زايد .. استانس ل وش !!
زايد مسك يدها ورزان وخرتها ..
زايد : وشفيك
رزان : زايد ترا لسى عندنا حياء وتراك ماتحل لي وتراني مهوب زوجتك !! وانا وافقت اني اشوفك لانك متضايق لو دريت انك بس تبي تشوفني كان ماوافقت اصلاً
زايد : اوك اسف
ونزلت ريتاج ودفته ..
رزان : بنت وشفيك ؟
ريتاج : انت ماتستحي على وجهك يعني تجيني للبيت ولين هنا وتمسك بيدها قدام الناس وانت ماتحل لها وش بيقولون الناس عنها انو راعيه عيال
رزان : ريتاج وشفيس ؟
ريتاج : اسكتي ولاكلمه
رزان بكت : اووه
زايد : انتي وشفيك وبعدين شعليك شادتها !
ريتاج : شوف وش سويت انت جاي بنص الليل وتبي تشوفها ياولد استح على وجهك
زايد : اقول لاتنافخين تراك بنت ومقدر امد يدي عليك
ريتاج : سوها قسم لتبكي هنا
زايد : اقول انتي اللي ماتستحين وماغير تسحبين البنات عندك ماعندك اهل ؟
ريتاج عطت زايد كف ..
رزان صرخت وقالت : خلااااااصص خلاااص بس تعببتت فكوني شركم
زايد راح لها ومسك كتفها
رزان : وخر عني
ريتاج : ر ..رز..
رزان : وانتي بعد
وراحت رزان ودقت على مسلط
زايد : رزان اسمعيني
رزان : وخر عني انت ماتفهم ! خلاص ما احبك اكرهك ارتحت
زايد هنا ما استوعب وش قالت وقال : بس انا احبك
رزان : تحبني هاه ؟ تكفى لاتضحكني لو تحبني صدق ماتسوي كذا
زايد : طيب انا وش سويت
رزان : لا ماسويت شي
جت ريتاج لزايد وقالت له : انقلع برا بيتي
زايد : من زينك انتي وبيتك طالع امحق بيت اقول خل اهلك ياخذونك احسن تجيبين لهم الطامه
ريتاج جت ودفت زايد وطاح من فوق الدرج ..
رزان : زاييييييدددد !!! رييي..

( 2700 ) كلمة ✨..
نجمة / كومنت 🫡🤍
وبكذا انتهى البارت كنت بطوله بس اخليه بكره احلى واتمنى استمتعتو وباذن الله فيه احداث حلوه واشياء اكثر قاعده افكر فيها احبكم وانتبهو لانفسكم 💘💘