ستكونين لي ✨

✨لو صار لك شي اموت✨

تذكير /
رولان كسحتها وسجى سكتت من قوة الكسحة
رولان "عطتها نظرة ومسكت بيد اختها ودخلو"
_____________________________
هاي كيفكم حبايبي المهم حبايبي مابطول عليكم خنبدأ بالبارت واتمنى يعجبكم ، حطو نجمة وكومنت واعطيكم كندر وبوسه 🫶🏻✨             
________________________________________
" رولان كانت ماشية وكانت تكلم نفسها وجت رهف "
رهف : رولان
رولان : هلا
رهف : وشفيك قاعدة تكلمين نفسك ؟
رولان : لاوالله ولاشي بس سجى وخويتها جو عندي ودفوني وانا تنرفزت منهم
رهف : من خويتها ؟
رولان : سلمى ماغيرها
رهف : الطيور على اشكالها تقع
رولان : اي والله صدقتي
رهف : المهم ماعليك ويلا خنمشي للطابور تراه بدأ
رولان : يلا
وراحو رولان ورهف وصفّو فالطابور وجت طالبة جديدة اسمها سمر
جت الطالبة الجديدة وجت قدام سجى
سجى "تكلم سلمى" : يع ذي شكلها جديدة
سلمى : اي شكلها بس من شكلها مبيّن انها مابتأذينا وتخرب علينا نفس رزان وشلتها
سجى : لاتجيبين طاريها تكفين
سلمى : سمي
" جت سمر وصفّت ورا رولان ورهف "
رولان : رهف ناظري شوفي البنت ذي ياحلوها واضح عليها بنت جديدة
رهف : تكوين صداقات "وغمزت لرولان"
رولان : تم
" وطلعو للفصول وكان فيه مكان رزان فاضي وكان جنب رولان سمر : هالمكان فاضي ؟
رولان "ماكانت تبي احد ياخذ مكان رزان"وقالت : لا مكان خويتي بس فيه ورا مكان فاضي
سمر : تمام ياعيني شكراً
"وراحت سمر ورا وجلست"
رولان : وش اسمس ؟
سمر : اسمي سمر وانتي ؟
رولان : عاشت الاسامي ، اسمي رولان
سمر : الله اسمك حلو
رولان : وانتي بعد
"ودخلت المعلمة"
المعلمة : طلعو كتبكم
"وطلعوها البنات وسمر كان مامعها قلم ومتوهقة وكانت جنبها رهف"
سمر : اء لو سمحتي عندك قلم زائد ؟
رهف : اي عندي خذي ياروحي
سمر : شكراً مرة
رهف : شسمك ؟
سمر : ههههههههه عاد توها خويتك سألتني اسمي سمر
رهف : اسفين والله وتشرفت فيك خوي جديد هاه
سمر : عيوني والله
"وابتسمت رهف لسمر"
______________________________
"عند رزان ومسلط"
( الساعة 10:30 الصباح )
رزان كانت نايمه وجاء مسلط لها
مسلط : رزان قومييي يلا لاتخلين جدولنا كله نوم
رزان : سم "وقامت وراحت وتروشت وفرشت اسنانها ولبست ونزلت"
رزان : هايي
مسلط : هلا هلا
رزان : الجوع ملياااااار ودي نروح ناخذ لنا اكل ونبي نجرب الاكل الاردني
مسلط : يبي لنا كبسه الصدق 😭
رزان "ضحكت" : ياورع كبسة مع الصباح وبعدين اظن مايعرفونها اصلا ههههههههه
مسلط : يمكن ، المهم يلا نمشي
رزان : يلا
"ومسك يدها مسلط واخذها وراحو وركبو السيارة"
مسلط : شرايس بهالمطعم ؟
رزان : اي حلوهيا ننزل
مسلط : شرايس ناخذ لنا فرة ونرجع
رزان : ياورع تبي تبلع مخالفات !
مسلط : عادي عادي
رزان : هيا تم ما اقول لا
"وفرو رزان ومسلط ورزان طلعت مع الفتحة حقت سيارة مسلط"
مسلط : انزليييي لايطيرس الهواء
رزان : يوه ياورع يجننن يجننن ليتك تجرب الشعور
مسلط "مسك يدها" وقال: قولي اللي تبين ترا محد بيسمعس حتى لوبغيتي تصرخين
رزان "صرخت" وقالت : احبببب مسلط
مسلط "يناظرها ويبتسم": وهو يعشقس
رزان : اخ الجو يجنن
مسلط : شوفي انفس كيف صاير وعيونس كلهم حمر لا مرضتي محد بيهتم فيس اقولس من الحين
رزان "حطت راسها على كتفه" وقالت : اخوي اكيد بيعتني فيني ههههههههههههههه
مسلط : ياليل
رزان : يلا الحين خل نروح ناكل
مسلط : يلا
"راحو رزان ومسلط ونزلو للمطعم وجلسو عالطاولة"
مسلط راح وطلب الاكل وجاء واحد لرزان ..
الشخص : كيفيك ؟
رزان : نعم ؟
الشخص : بدنا نتعرف ! ازا بتسمحي
رزان : لا مابسمح فاهم ويلا اذلف عن وجهي
"جاء مسلط وعطاه نظره"
مسلط : وش عندك هنا ومن انت ؟
رزان : جاي يتحرش فيني ويقول ممكن نتعرف يع
مسلط "بقسه براسه على خشمه"
رزان "شهقت" وقالت : مسلططططط!!!
مسلط : من انت ياكلب من انت ؟؟؟ "وصفقه"
رزان : مسلط هد سلوطي خلاص "ومسكت يده"
مسلط : اشوفك متحرش بأختي او اي احد مرة ثانية ماتلوم الا نفسك فاهم
"وقام الشخص وقاله": مصيرنا نتواجه فاهم!
مسلط : ايه ايه زين رح بس
رزان : يوه ياولد وشبك هد شوي الحين ترانا بغربه ماله داعي تتهاوش مع الرايح والجاي
مسلط "صرخ عليها" وقال: يرضيس اخليه يتحرش فيس وما اسوي شي !
رزان "ضمّته" وقالت : لامايرضيني لكن لو صار لك شي والله اموت تكفى انتبه لنفسك اوكي
مسلط : اوكيه
"وفطروا مسلط ورزان وطلعو من المطعم وكان الشخص يراقب مسلط"
رزان : مسلط شوف من يراقبنا
مسلط : لاتهتمين له
رزان "دمعت" وقالت : تكفى قسم خايفة يسوي لك شي
مسلط : لاتخافين إن شاءالله مابيسوي شي
رزان : سلوطيي قسم بديت اخاف تكفى مقدر خل نرجع السعودية هنا مره يخرشون
مسلط : رزان انتي عارفه ان اهلنا هم مانعينا
رزان : اهلنا سبب مصايبنا كلها اكره..
مسلط : لاتكمليننن ، ان شاءالله بنرجع قريب ثقي فيني بس
رزان : اه والله تعبت يعني ماعندي احد غيرك من يصبرني عالحياة غيرك والله لو سوا لك شي اموت قسم بالله امووووت 😔
مسلط : باذن الله مابيسوي شي
رزان : ان شاءالله
______________________________
" في المدرسة اخر النهار"
كانو رولان وشوق يلبسون عباياتهم وطالعين لأخوهم وجت سمر ..
سمر : رولان
رولان : هلا ؟
سمر : رايحة ؟
رولان : ايه
سمر : انتبهي لك
رولان : اء اوك
وراحت رولان وكانت مستغربه من تصرف سمر وانها قاعدة تتقرب منها بس رولان عادي عندها بس ماتبي احد ياخذ مكان رزان ..
" راحو رولان وشوق وركبو مع اخوهم "
بهاج : يالله انك تحييهم حبيبات اخوهم ، هاه كيف المدرسة اليوم ؟
رولان : احلى اخ ، والله المدرسة ماتنطاق بدون رزان صراحة 👎🏻
شوق : والله صدق
رولان "تنهدت" وقالت : الله يعوضني
شوق : البنت الجديدة احسها لطيفة وحبتس كوني معها ثنائية "وغمزت لرولان"
رولان "عصبت"وقالت: ممكن تاكلين تراب !!
شوق : اوكيه ماقلت شي
بهاج : هدو هدو الحين نروح للبيت ونتغدا ونشوف لنا مسلسل بطل كذا ونبدأ فيه واذا حبينا نطلع العصر نتمشى تمشينا المهم انتي لاتضيقين تمام ؟
رولان : عسى الله لايحرمني منك
شوق : اسفه رولان
رولان : انا اللي اسفه
بهاج : ياحليلهم خواتي النتف يلا نروح
رولان "ضحكت" وقالت : يلا
"سجى كانت مع سلمى وتنتظر احمد"
سلمى : يوه سجى بقولك شي بس لاتعصبين علي
سجى : قولي
سلمى : اخوك مره جميل
سجى : منهو ؟ احمد ؟؟؟ يع والله ماشاف الجمال
سلمى : والله انه يجنن تبين الصدق مره مايشبه لك؟
سجى : شقصدك ؟؟ انا مو حلوه
سلمى : لا بس صدق يعني مره ماكأنكم اخوان بس اخوك عزوز يشبهه مره
سجى : الا اشبههم بس انتي ماتلاحظين
سلمى : مدري مره ماتشبهينه ابداً
سجى "شكّت بس ما اهتمت"
سلمى : مو كأنه هذاك ابوك ؟
سجى : الا والله هو بس غريبة ماجاء اخوي
سلمى : يمكن ملّ بس ياليته جاء كنت بروق عليه ، تكفين سجى شبكينا انا وهو
سجى : ياليل فاضيه لك انا انتي وهو يلا سلام
سلمى : مالت انا بجيبه بطريقتي
" وركبت سجى مع ابوها "
سجى : يبه ليه ماجاء احمد؟
رحيّم : من اليوم ورايح انا اللي بوديس وانا اللي بجيبس فاهمة ! واحمد اصلاً مهوب طايقس
سجى : بالطقاق اللي يطقه جعله معد طاقني للابد والله
رحيّم : سجى ؟؟ تراه اخوس الكبير احترميه
سجى : ليه مايحترمني هو
رحيّم : انا لله الله يهديس بس
سجى : الا صدق يبه ليه ما اشبه اخواني ؟
رحيّم "ارتبك من سؤالها وقال" : موشرط وبعدين انتي احلاهم وبنوته اكيد ملامحس غير
سجى : مدري صراحة لكن يلا اصلاً الحمدلله ما ابي اشبههم شيون هم
__________________________________________
" عند بيت زايد "
اميال : زايد ماودك ترجع تداوم للجامعة
زايد : فكيني شرك مالي خلقك ما ابي ولاجامعة ولاشي
اميال : وش بتضل حياتك كذا ؟
زايد : ايه الين ماترجع رزان لي
اميال : بتحط يدك على خدك وبتنتظر رزان ترجع ! رزان خلاص موب راجعة وكل اللي ابيه منك تتقبل الامر الواقع فاهم
زايد : تخيلي حتى انها بلكتني
اميال : لاتلومها اللي صارلها اخر فترة موبسيط
زايد : اخ كل يوم كل يوم اتذكر الصدف الحلوة واتذكر كل شي كان بينا وكيف كنا نخاف على بعض حتى لو احنا مو مع بعض بلحظة بس انهدم كل شي وسبب سجى اللي ماتتسمى
اميال : ياروحي صدقني رزان ماراح تتركك وواثقة ومتأكدة بعد
زايد : يارب
______________________________
" رزان ومسلط وصلو للفندق وراحو علطول ينامون جاء اليوم الثاني وجاء مسلط عند رزان يقومها كأي يوم "
مسلط : رزاني قومي
رزان : ماليخلق تعبانه
مسلط : وشفيس
رزان : مدري احس بحراره وخشمي مقدر اتنفس منه
مسلط : لاحول شكلس مرضتي قلتلس امس بتمرضين بس ماسمعتي
رزان : اخ وربي مقدر
"ومسك مسلط راسها"
مسلط : اوووححح حرارتس مره مرتفعه امشي خل اوديس للمستشفى
رزان : لا ما..ابي
مسلط : ليه !
رزان : خايفة عليك ، ما ابي نطلع ونشوف هذاك ويسوي لك شي تكفى مسلط خلاص مافيني شي
مسلط : الله معنا وماعليس امشي فيه حكومة
رزان : اوك يلا
وراحو رزان ومسلط للمستشفى ورزان كانت جداً تعبانه لدرجة ماتشوف شي قدامها ..
مسلط ماسك بيدها وداخلين للمستشفى وفجأة طلع لهم اللي تهاوش معاه مسلط
مسلط : وخر عن وجهي
الشخص : هه مستحيل تروح من هنا بدون ماتاخد جزاك
رزان "خايفة وبهمس قالت لمسلط" : مسلططط
والشخص سحب مسلط وضربه ضرب لان مسلط ماكان منتبه له وماسك بيد رزان
رزان : اترك اخوي يالكلب "وجالسة تبكي"
الشخص مكمل ضرب لمسلط ولا اهتم لرزان ..
فجأة رزان طاحت عالارض
الشخص انخرش وهرب
مسلط "وهو مبقس والدم ينزل منه" : رر..ر..زان
وصرخ بصوت عالي : يادكتوووووررررر اختييي
وجاء الدكتور وخذا رزان وركبها عالكرسي وراح فيها ..
مسلط "خايف ومو عارف وش يسوي"💔
_________________________________
" بيت احمد "
سجى : احمد
احمد : خير وشتبين ؟
سجى : بروح لرسيل
احمد : تلعبين على مين تبين تروحين لزايد
سجى : والله مابروح له تكفى
احمد "يفكر" : زين اذا وافق ابوي وديتس
سجى : صدق
احمد : ايه
وراحت سجى وكلمت ابوها ..
سجى : يبه
رحيّم : نعم
سجى : يبه ابي اروح لرسيل خويتي منزمان عنها
رحيّم : لا
سجى : يبه تكفى قسم منزمان عنها بروح لها وبرجع بسرعه تكفى
رحيّم : تمام بس بشرط
سجى : وشو
رحيّم : احمد يوديس مو السواق زين
سجى : تم
رحيّم : يلا روحي الله يهديس
وراحت سجى لأحمد
سجى : احمدد
احمد : هلا
سجى : خلاص ابوي وافق
احمد : اوك امشي
وراحت سجى ولبست عبايتها وحطت روج وتكشخت اخر كشخة وراحت مع احمد ..
احمد : والله لو انس رايحة عرس وشذا طولتي
سجى "وهي تترشرش بالعطر": مالك دخل
احمد : داري كل ذا لمين اياني واياس تسوين اللي ببالي ولاتقربين من زايد تفهمين !
سجى : زين
__________________________________________
" في المستشفى "
طلع الدكتور من عند رزان ومسلط كان يبكي ووجهه احمر وموقادر يتنفس
الدكتور : انته بتقرب لها ؟
مسلط : ايه اخوها
الدكتور : يحتاج لها عناية اكتر واهتمام لان طلع عندها نقص بالحديد واتمنى تهتمون فيها لان البنت تمر بحالة نفسية سيئة ويبيلها اهتمام اكتر وبالذات هالفترة ماتزعلوها
مسلط : ياعمري عليها اي بأخر فترة صارت لنا مشاكل وكذا
الدكتور : انا بوصف لك ادويه وانته انزل الصيدلية تحت وبيساعدوك ماتشوف شر من جديد
مسلط : اوك
ودخل مسلط عند رزان وهو خايف ويبكي ومسك يدها على طول 
رزان : وشفيك وشفيك لاتخاف مافيني شي
مسلط : يوه تدرين اني بغيت اموت قسم خفت عليس خوف مهوب طبيعي
رزان : حبيبي والله داريه ، اسفه 🥺
مسلط : ليه تعتذرين انا اللي مفروض اعتذر لاني بأخر فترة ما اهتميت فيس اكثر ولا ساعدتس ولا فهمت سالفة زايد وكله ازعلس واذيس واهاوشس تكفين اسف "باس يدها"
رزان "مسكت وجهه وقالت": لاتفكر ولا واحد بالمية انك مقصر معي بالعكس انت افضل اخ لاتفكر كذا ابداً مالك دخل باللي صار لي تمام ولا بهبدك لو فكرت زي كذا مرا ثانيه
مسلط : اه احبس
رزان : اموت فيك
مسلط : اي صح بجيب لس اكل من تحت عشان تاخذين ادويتس لان الدكتور يقول ضروري تاخذينها
رزان : والله مالي نفس
مسلط : لازم ولا ازعل منس ترا
رزان "ضحكت" وقالت : ههههههههههه زين
وابتسم مسلط بوجهها وراح يجيب لها الاكل والادوية
_________________________________
" عند سجى "
احمد : يلا وصلنا انزلي لها
سجى : مابتنزل انت ؟
احمد : ياليل مالي خلقس ترا انزلي
سجى : اوك زين
ونزلت سجى ودقت الباب وفتح لها زايد ..

وكذا خلص البارت ادرييي انه قصير بس ماحبيت انزله بوقت متأخر اكثر من كذا ف قلت بقصره وبكره اعوضكم المهم لاتقصرون بالدعم ترا الدعم يخليني اتحمس واكتب اشياء اكثر ❤️‍🔥❤️‍🔥❤️‍🔥❤️‍🔥