ميرة : مهور شفتي البلوفر الابيض الي دوم البسه؟
مهرة : اي واحد؟
ميرة : الي عليه حرف M
مهرة : اتوقع نورة (البشكارة) حطته في كبتي انا
دخلت سلمى
سلمى : ها بنات جهزتو؟
ميرة : هيه بس ادور بلوفري
سلمى : انا ما قلت جهزو من بدري ليش تخلون كل شي لاخر لحظة؟
مهرة : احلى لما نتجهز و نحن مستعجلين
سلمى : انتي يالكسوله توقعتها منج بس ميرة لا
ميرة : هههههههههههههههههههههههه
منصور يصارخ من اخر الممر
منصور : اقولكم الطيارة الساعه ثمان الصبح نامو عشان تقومون نشيطين لازم سبع نكون فالمطار
ميرة + مهرة : انزيييننننننن
سلمى : مهرة تقوم الصبح؟ يصير خير
مهرة : افا
ميرة : اخر وحده بتقوم صدقيني
سلمى : انا ادري
مهرة : انزين ماما شو العشاء؟
سلمى : بس تفكر ف ها البطن
مهرة تمسك بطنها : هههه انزين يوعانه
سلمى : افااا يوعانه و انا موجوده تعالي بسوي لج احلى عشاء
ميرة : و انا؟
سلمى : هههه تعالي انتي بعد
طلعو و نزلو تحت عشان يتعشون
تعشو كلهم و كل حد راح يرقد
الا مهرة تمت واعيه
قررت تواصل لان تعرف انها ما بتقوم الصبح
4:00am
نزلت مهرة المطبخ عشان تسوي لها كوفي
عشان اتم مصحصحه لين الساعه سبع
سوت لها كوفي و ردت الغرفة
انسدحت على السرير و دخلت تويتر
غردت كم تغريده و طلعت
تمت تطالع مسلسلها .
5:45am
دخلت سلمى على ميرة
سلمى : ميرة الساعه خمس و شي قومي انتي يبالج وقت لين تجهزين
ميرة تفتح عيونها شوي شوي : ها؟ اوكي اوكي
سلمى : يلا حبيبي قومي
ميرة قامت شوي شوي من السرير و دخلت الحمام تتغسل
طلعت سلمى من غرفة ميرة و دخلت غرفة مهرة
سلمى : مهور... اوه واعيه ... غريبه؟
مهرة : ما نمت اصلن
سلمى : انا ما قلت نامو؟
مهرة : اذا نمت ما بقوم اعرف نفسي قلت اتم واعيه و ارقد فالطيارة احسن
سلمى : براحتج يلا قومي اجهزي
مهرة : تمام
طلعت سلمى و راحت تقوم منصور و البشكاره عشان يجهزون
كلهم جهزو و طلعو اغراضهم عشان يحطونها فالسيارة .
كانت الوجهة المطار
منصور سرع شوي عشان يوصلون بسرعه عشان يلحقون يحملون الشنط و التفتيش و هاذي السوالف.
وصلو المطار
نزلو الاغراض و راح منصور و معاه مهرة عشان يشوفون وضع التذاكر
بعد التفتيش و حوسة الاغراض
قعدو في صالة الانتظار مال المغادرين
