سمعو النداء مال الطيارة
حمد : يلا
مهرة قامت : يلا
قامو هم الاثنين و راحو عند البوابة
عطوهم التذاكر و كل شي و بعدين ركبو الطيارة
قعدو كان حمد عند الدريشة
تم يطالعها بتوتر بس تم ساكت
ربطو الأحزمة و اقلعت الطيارة
مهرة لبست سماعة و لفت عشان تدور فلم تشوفه
حمد تنهد بثقل و مسك ايدها و هو مغمض عيونه
مهرة : شو فيك
حمد : ماشي
مهرة تمت تطالعه بقلق
حمد كان يتنفس بصعوبه و مغمض عينه
و كان يتفادى الدريشة قد ما يقدر
مهرة : حمد
حمد فتح عيونه و لف عندها : ها
مهرة عقدت حواجبها : انت..خايف..؟
حمد : لا ابد...
مهرة حست انه حمد خايف
بطل الحزام و قام
حمد : انا بسير الحمام
راح حمد
و انتهزت مهرة الفرصة و بدلت مكانها مع مكان حمد
هي يلست عند الدريشة
شوي و رجع حمد و استغرب
مهرة لفت عليه و هي مبتسمه و اشرت على الكرسي
مهرة : ايلس
حمد يلس بدون ما يتكلم
لفت مهرة و سكرت الدريشة و بعدين رجعت لبست سماعة
مسكت ايد حمد و رصت عليها شوي
حمد ابتسم و بعدين تساند و غمض عيونه
.
.
وصلو
بدو الركاب ينزلون
بعد ما شلو اغراضهم و شنطتهم
طلعو و كان السايق ينتظرهم
جيمز (السايق) : hello Mr. Hamad ( مرحبا مستر حمد)
حمد ابتسم : hi James how are you (هلا جيمز كيف حالك)
جيمز : I'm good what about you (انا بخير و انته)
حمد : I'm good (انا بخير)
راح حمد عشان يحط الاغراض
جيمز لف على مهرة
جيمز : oh and you are ? ( و انتي ..؟)
مهرة ابتسمت : Mahra (مهرة)
جيمز : Mahra ? ... you are his sister (مهرة ؟ انتي اخته؟)
مهرة : his wife actually (انا زوجته)
جيمز : oh.. sorry you guys kind of look alike I thought you were siblings (اوه سوري .. تتشابهون عشان جي فكرتكم اخوان)
مهرة : it's okay (مب مشكلة)
راح جيمز عشان يساعد حمد فالاغراض
و ركبت مهرة السيارة
شوي و ركبو حمد و جيمز
و حركو
جيمز : Mr. Hamad are we going straight home or are you guys going somewhere else (مستر حمد اوديكم البيت على طول ولا بتروحون مكان اول ؟)
حمد لف على مهرة
حمد : تبين تروحين مكان
مهرة : لا لا بسير البيت تعبانه ابي ارقد
حمد : تمام
لف حمد على جيمز
حمد : straight home would be fine (روح البيت على طول)
جميز : okay (اوكي)
