ميرة : مههرهههههههه!!!
مهرة : هاااااااااااا
ميرة : بعد لين ثلاث ان ما قمتي بقلب السرير و انتي فيه
مهرة : افففف انتو ما تخلون واحد يرقد في هالبيت؟
دخلت سلمى الغرفة
سلمى : مهور امي يلا قومي بسج رقاد بتتأخرين شوفي مرمر (ميرة) لابسه و جاهزه
ميرة تبتسم بانتصار
مهرة : قمت قمت والله قمت
قامت مهرة و راحت الحمام فتحت الشاور و دخلت تحت الماي البارد و هي بملابسها
تمت واقفه خمس دقايق لين حست عمرها صحصحت و طلعت
بدلت ثيابها و راحت عند التسريحة نشفت شعرها و رتبته و قامت لبست شيلتها و نزلت تحت
مهرة : صباح الخير
ميرة + سلمى + منصور : صباح النور
يلست مهرة على الطاولة
منصور : كالعاده اخر وحده تنش
مهرة : يعني شو اسوي الرقاد يغلبني
سلمى : طالعه على ابوج
منصور : لا والله؟ عيل انا كنت اوعي منو كل يوم الصبح عشان يروح دوامه؟
سلمى : هههههههههههههه
ميرة : ههههه
مهرة : ههه
سلمى : بس جب..."لفت عند البنات" انتو يلا بسرعه عشان لا تتأخرون
ميرة + مهرة : ان شاء الله
خلصو البنات و قامو
كل وحده شلت اغراضها و طلعو برا يلسو ينتظرون الباص
ميرة : اليوم شو جدولج؟
مهرة : بسير الاسطبل اشتقت حق رعد
ميرة : انا عندي تدريب اليوم
مهرة : الساعه كم؟
ميرة : خمس يبدأ
مهرة : انزين يوم بنرد ذكريني اقول حق ابوي
ميرة : تمام
وصل الباص و ركبو
"في مكان ثاني"
حمد : صباح الخير
ريم : صباح النور حبيبي تعال تريق
قعد حمد عند امه و بدا ياكل
حمد : وين ابويه؟
ريم : ياي
دخل ذياب
ذياب : صباح الخير
حمد + ريم : صباح النور
قام حمد و باس راس ابوه
ذياب : ها ابويه حمد "شاف ساعته" للحين موجود متى بتروح الجامعه؟
حمد : ادري اني متأخر بس والله يوووعااااانننن
ذياب : ههه بالعافيه وليدي بس عن التأخير ها؟
حمد : ان شاء الله
ريم : يلا حمد كل بسرعه عن لا تتأخر
حمد : تمام
قام حمد و شل اغراضه و طلع
ركب السياره و اتجه لجامعته
