اندق الباب و دخلت ريم
ريم : مهرة؟ مهرة حبيبتي يلا قومي الساعة 1:30
مهرة فتحت عيونها شوي شوي
مهرة : ها؟
ريم : الساعة 1:30 قومي يلا غدا
مهرة : تمام
ريم : يلا قومي اتغسلي و انزلي نترياج كلنا تحت
مهرة : ان شاء الله
طلعت ريم و مهرة راحت الحمام غسلت ويهها و لبست هودي و غطت شعرها و نزلت
مهرة : صباح الخير
الكل - حمد : صباح النور
سلمى : الساعه وحده وينج كل ها راقده؟
مهرة : نمت متأخر
يلست مهرة على الطاولة
ريم : شو تبين تاكلين حبيبتي
مهرة تمت تطالع الاكل الي على الطاولة
مهرة : ابا ها "اشرت على صحن كان قدام حمد"
ريم : ان شاء الله حبيبتي
لفت ريم عند حمد
ريم : حمد عطني الصحن .. حمد؟
حمد فز
حمد : ها؟
ريم : عطني ها الصحن
حمد : تفضلي
شلت ريم الصحن و عطته حق مهرة
مهرة حطت لها من الصحن و رجعته
حمد : امي عطيني الصحن
ريم : تفضل
تمو ياكلون
مهرة تهمس حق ميرة : مب عساس كنا بنتغدا برا؟
ميرة : انتي ما قمتي يعني شو نسوي
مهرة : اونه
ميرة : والله
سكتو البنات
ريم : انزين الحين وين بنطلع؟ خلو اليهال يختارون
ذياب طالع مهرة و ميرة : انتو وين تبون تطلعون؟ "لف على حمد" و انت؟
حمد : ما ادري وين ما هم يبون "لف على البنات"
ميرة : امممم شرايكم نروح حديقة الملاهي
سلمى + ريم : حديقة ملاهي؟
مهرة فزت : هيه والله خل نروح
ريم لفت على ذياب : شو رايك
ذياب : اوكي ليش لا
ميرة ابتسمت و لفت على مهرة
مهرة ردت الابتسامة
حمد : انزين الساعه كم عشان اقول حق غيث
منصور : شرايكم نخليها الساعه 5
ذياب : بس تم "لف على حمد" قول حق غيث الساعه 4:30 يكون هني بنسير كلنا مع بعض
حمد : تمام
قام حمد و طلع برا عشان يكلم ربيعه
غيث : هلا
حمد : 4:30 تكون موجود عندي
غيث : بس تم شو الجدول
حمد : حديقة الملاهي
غيث : طع ش ها الجدول
حمد : مب انا الي مختار المكان
غيث : من ها الحمار الي مختار
حمد : بنات عمتي
غيث : اكيد يهال
حمد : للاسف لا مب يهال
غيث تنهد : خلاص تمام
حمد : تمام
غيث : باي
حمد : باي
