صباح يوم يديد
يوم الجمعة
قام حمد من النوم رفع ايده عشان يشوف ساعته كانت الساعه 10 الصبح
لف و شاف غيث راقد
قام و راح الحمام و غسل ويهه و فرش اسنانه و طلع
لفه على غيث و تم يطالعه شوي و بعدين شل المخده و فرها عليه
حمد : قوم
غيث فر المخده و رجع رقد
حمد شل مخده ثانيه و فرها
حمد : قلت لك قوم
غيث بصوب مبحوح : واحد ما يرقد نفس الناس
حمد : لا قوم
غيث : حمد اطلع برا
حمد : قوم ولا بنقز فوقك ترا
غيث لف عليه : اتحداك
حمد : صدق؟ يلا عيل
ركض حمد و كان بينقز
غيث : اتغشمر والله امزح وربي استهبل
حمد : اذا مب قد الكلمه لا تقولها ... يلا قوم
غيث : افف زين
قام غيث و دخل الحمام
طلع حمد من الغرفة و نزل تحت
كان كل حد قاعد الا التؤام
حمد : صباح الخير
الكل : صباح النور
راح حمد و قعد عندهم
علي : وين غيث؟
حمد : غيث توني موعنه و دخل الحمام و انا طلعت
علي : زين
ريم لفت على سلمى
ريم : الا... وين البنات؟
سلمى شافت الساعه : اوه الساعه عشر و ربع بسير اشوفهم
قامت سلمى و راحت غرفة ميرة اول
دخلت و شافت ميرة نايمه على الشبرية و مهرة نايمه على الارض
سلمى : مهرة..؟
قربت منهم
سلمى : بنات يلا قومو الساعه عشر يلا قومو
راحت عند ميرة
سلمى : ميرة...ميرة ماما يلا قومي يلا الساعه عشر
ميرة : بس شوي....
سلمى : يلا عاد قومي
ميرة : بس خمس دقا..."رجعت رقدت قبل ما تكمل"
سلمى تنهدت و راحت عند مهرة
سلمى : مهور ...مهور يلا قومي ماما الساعه عشر
طبعا مهرة لا حياة لمن تنادي....
سلمى : انتي بذات ما بتعب عمري معاج لاني اعرف انه ما تسمعيني حتى
طلعت سلمى و سكرت الباب وراها
و رجعت تحت عندهم
تمو يسولفون لين صارت 11
قامو الشباب كلهم عشان يجهزون حق صلاة الجمعة
حمد و غيث راحو الغرفة
حمد : بتسبح انت اول ولا؟
غيث : هيه
حمد : خلاص تمام تبا كندوره بيضة ؟
غيث : هيه
