حمد ابتسم ابتسامة خبيثة : عبالج نسيت سالفة الصورة ...؟
مهرة انصدمت من نبرة صوته و ابتسماته
مهرة : اي صورة ؟
حمد : الي صورتيها هناك ... ابا اشوفها
مهرة : مش مهمة الصورة ليش تبا تشوفها
حمد : لا لا مهمة ابا اشوفها
مهرة بعدت عنه و ركضت
حمد ركض وراها
حمد : راويني !
مهرة تصارخ : لا!
حمد : ليش انزين
مهرة : كيفيي!!
تمو يركضون فالبيت
طلعت اندريا و شافتهم يركضون و ضحكت
كانت اول مره تشوف حمد جي
اندريا تشتغل عندهم من كان حمد صغير
و اول مره تشوفه مستانس مع احد غير غيث
اندريا : شو صاير
حمد يصرخ من بعدين : امسكيها اندريا !
اندريا ضحكت و تمت تطالع مهرة
مهرة : لا تسمعين كلامهه!!
تمو يركضون
مهرة : انت بطيء ... مش طايع حتى تقرب مني
حمد يوم سمعها تقول جي سرع اكثر و قرب منها و شلها
مهرة شهقت : حمد!!
حمد ضحك : مب طايع اقرب منج ها ؟
مهرة حاولت تفلت من قضبته لكنه كان اقوى عنها
حمد : راويني الصورة
مهرة : لا
نزلها حمد و مسك ايدها عشان لا تركض مره ثانيه
حمد : ابا افهم ليش ما تبين تراويني الصورة
مهرة : بس جي كيفي
حمد : ليش انزيين!
مهرة تنهدت و راوته الصوره
حمد شهق
حمد : كل ها اخر شي هاذي هي الصورة !
مهرة : انت الي مصر تشوفها
حمد : كنتي تبتسمين عبالي صورة نفس الناس
مهرة : و ليش يعني ؟ هاذي الصورة مش نفس الناس ؟
حمد : انا عبالي صورة صورة و اخر شي هاذي ... ليش مش راضية تراويني دام هاذي الصورة ؟
مهرة : بس جي كيفي
حمد رفع حاجبه : كيفج ؟
مهرة : هيه كيفي
حمد شلها مرة ثانيه
مهرة : حمد !! نزلني خلاص
حمد : خايفة ؟
مهرة : هيه خايفة! خايفة تعقني (تطيحني) على الارض بالغلط
حمد مات ضحك : اعقج ؟ مب من ثقلج ترا
مهرة : نزلني يلا عاد
حمد ابتسم : بتنامين في غرفتي الحين ؟
مهرة : عيل وين انام؟
حمد : ينفع انام عندج ؟
مهرة : ....
حمد ابتسم ببراءة : بقول حق اندريا تحط فراش على الارض
نزلها حمد و راح
هي رجعت الغرفة و انسدحت
شوي و دخلت اندريا و فرشت فراش على الارض عدال الشبريه
شوي و دخل حمد و انسدح و رقد
مهرة تمت قاعدة و مشغلة الابجورة و تقرا كتاب
مرت ساعة و سكرت مهرة الكتاب و لفت على حمد الي كان في سابع نومة
تمت تتأمله و هو راقد
