رحلتُ عنكِ وقلبي معكِ❤️🌷﴿لـ جهاد ابنة أحمد﴾💕

.....💔..... 🥀

زهراء منهارة علي الارض من العياط.... ومش عارفه تعمل ايه..
نبيل واقف برا بيشرب سيجارته ودخل ليها حمص عشان يحرسها....

حمص بابتسامة حمدي الوزير ونظرتة ليها: الله عليك يانبيل بيه جايبلنا حتة صاروخ بحق... بقي دي عندها 15 سنة؟ هاهاهاهااااي....

قرب حمص منها راحت زهراء صوتت وزقته برجلها ووقع لورا من زقتها...... اتعصب حمص جدا والدم فار في دماغه راح جري عليها ولسه هيمسكها من شعرها دخل نبيل وشده من دراعه وخرجه بره

حمص: يا باشا البت دي محتاجه اقسم بالله امسكها الطشها علقه محترمه...

نبيل: شششش اصبر واهدي بقي..

حمص: طب وانت ناوي علي ايه..

نبيل: والله انا كنت ناوي نتسلي بيها شويه وبعدها اخد مبلغ كويس وارميهالهم بعد ما اخد اللي انا عاوزه منها ومن ابوها..... بس بصراحه البت حلوه ومش عايز افرط فيها...

حمص: ايه؟ .... قصدك يعني انك حبيتها وهتتجوزها بقي وكده

نبيل: لا لا مش لدرجة حبيتها يعني ماتزيطش.... بس البت جامدة يعني ممكن اهدد ابوها بيها لو ماجوزهانيش..... واهو ممكن اوديها اي كباريه خمَّارة شقه مفروشه كده اكسب منها كويس... هههههههه

.............
عند زهراء...

زهراء سمعتهم وهما بيتكلموا وحاسه ان كل اللي بيحصل ده كابوس....... قعدت تعيط وتعيط وتندم علي اليوم اللي عرفت فيه نبيل..

بصت وراها لاقيت تلفون..... كان تلفونها وقع من حمص اما زقته..... حمدت ربنا وطلعت تزحف لحد ما وصلت للتلفون وايدها كانت مربوطه ورا ظهرها والفستان ديق مش عارفه تتحرك منه...... فتحت زهراء التلفون اخيرا ولاقيت اول رقم في وشها... كان نضال اللي رن عليها فوق ال30 مرة....

رنت زهراء عليه ونزلت علي بطنها جنب التلفون عشان لو رد عليها..

.........
عند نضال....

يوسف: اهدي يانضال... اهدي اكيد هي قافله تلفونها مثلا عشان............ عشان اي حاجه..

نضال بدأ يأفأف وهو شايل هم الدنيا......

وفجأة تلفونه رن.... وكانت زهراء..
قام نضال مفزوع ورد بسرعه..

نضال: الو زهراء الو.... انتي فين تلفونك مقفول ليه... الو يابنتي

زهراء كانت بتحاول تهمس عشان محدش يسمعها: الو...... نضال انا..... انا مخطوفه..... مش..... مش عارفه اكلم........ الحقني

زهراء كانت بتقول كل كلمه وهي منهارة عياط....

نضال كان هيتجنن مجرد ماسمع صوتها

نضال: طب اهدي اهدي يا زهراء... خليكي فاتحه المكالمة عشان اعرف الموقع بالظبط...

نضال كلم الرائد محمد اللي كان صديقه وفعلا جاله محمد بأسرع ما عنده ونضال طلع يجري ووراه عربية محمد، ونضال بيجري وبيكلم زهراء يطمن انها كويسه وانها لسه في مكانها...