تاني يوم كانت زهراء صاحية من النوم سعيدة جدا وبتتنطط من السعادة بسبب اللي نبيل قالهولها......
نضال وهو مستغرب حالها: صباح.. الخير؟
زهراء وهي سرحانه ومبتسمه: صباح النووور
نضال ابتسم من حالتها الغريبه: انتي.... كويسه طيب؟
زهراء: انا؟.... انا كويسه جدا جدا جداا
_ياستي يارب دايما بس ايه اللي حصل؟
بصت زهراء في الساعه لاقيت نفسها اتأخرت ع المدرسه وراحت بسرعه وخرجت.... ومارديتش علي نضال وقالتله سلام...
...............
جاسر عند جميله في المستشفي بيمضي علي الاجرائات اللازمة عشان يخلصوا العمليه... وداها لاحسن دكتور قلب وفي افضل مستشفي ولو عليه كان يسفرها برا كمان تعمل العمليه...
جميله: ياجاسر انت كلفت نفسك كدا ليه؟ يعني الفلوس دي زهراء اولي بيها يا حبيبي
_شششش اهدي خالص انا متولي مسئولية زهراء بالكامل وهي مبسوطه اخر حاجه صحيح قلقانه عليكي بس عايشة مرتاحه...
ابتسمت جميله وغمضت عينها وهي متطمنه علي بنتها....
....................
راحت زهراء المدرسه..
حور: مالك يا اسطا مبسوط كدا النهارده...
زهراء: تؤ انا مش قلتلك بلاش الاسلوب ده في الكلام...... وبعدين اه ياستي انا مبسوطه اوي اوي اوي عارفه ايه اللي حصل بعد مامشيتي امبارح....
حكت زهراء لحور اللي حصل وقالتلها انها من زمان وهي معجبه بنبيل ده بسبب وسامته وجنتلته وشياكته دايما....
حور: هههههههههه ايوا بقي ياعم لاعبه معاااك...
زهراء: ااااه يا حور لو يبقي من نصيبي..... بجد انا بحبه اوي مش مصدقه انه قالي اني حلوه واني عاجباه...
ضحكت حور وبدات ترخم علي زهراء بالكلام وفضلوا يهزروا سوا كتير
...........
عند رامي...
مازن: الحق يااسطا... عم قلبظ اهو ههههههه
رامي: يادي النيله الواد ده سم جدا وعجل كدا تعالي نتسلي عليه شويه...
كرم: ايه ياجدعان بقي ماحرام عليكم هو كل ماتشوفوه تتريقوا عليه... الواد قاعد في حاله
رامي بصله بغضب فانسحب كرم بعد رامي مسكه من قميصه وقال: والله ياسكر دي شلتنا ودي وظيفتنا اننا نرزل علي خلق الله... مش عاجبك روح في شلة بنانيت هناك اهو يليقوا عليك....... وبعدين مالك بقيت فافي كدا ياض
كرم: خلاص خلاص اعملوا اللي يعجبكم...
راح رامي ومازن وبدأوا يتنمروا علي الطالب التخين ويرفعوله التيشرت ويطبلوله علي كرشه........
كان الطالب بيعيط وبيترجاهم يسيبوه... بس هما كانوا زي الشياطين بالظبط...
............
بعد انتهاء اليوم الدراسي وقفت زهراء مستنيه العربيه اللي هتوصلها الفيلا بعد ماودعت حور.......
واثناء وقفتها جه نبيل بالمتوسيكل بتاعه ووقف قدامها....
أنت تقرأ
رحلتُ عنكِ وقلبي معكِ❤️🌷﴿لـ جهاد ابنة أحمد﴾💕
Romantiekلن احرق لكم شئ ولكن متاكدة انها ستعجبكم ❤️ الرواية تحكي قصة فتاة تزوجت زواجا جميلا بسيطا وكانت تحب زوجها وهو يحبها كثيرا ولكن بعد انجاب اول طفل لهما تغيرت الاحوال تماما وحدث ما لم يكن في الحسبان ....ليس بسبب الطفل ولكن بسبب حدث عظيم غير الموازين تما...
