رحلتُ عنكِ وقلبي معكِ❤️🌷﴿لـ جهاد ابنة أحمد﴾💕

مسك الختام🤗❤

في صباح اليوم التالي...

صحيت زهراء علي صوت حور..

زهراء: حور!... انتي بتعملي ايه هنا..

لسا حور هترد بس طلعت جميله من وراها وقالت: انا حكيتلها ع اللي حصل وهي اصرت تيجي...

سكتت زهراء لما افتكرت اللي حصل.... واستأذنت مامتها وسابتهم لوحدهم

حور طبطبت عليها وقالت: انا مافهمتش من مامتك بالظبط اللي حصل...

زهراء ساكته ومش عايزه تتكلم حاسه انها ندمت علي قرارها المتسرع بس هي فعلا حست انها حبيته حب مرضي لدرجة تعيط انه مابقاش ليها..... هي مشتته مش عارفه تعمل ايه...

_رفضته يا حور...

&طب ليه... ايه السبب... انتي كنت بتحبيه اوي... خانك؟.. شوفتيه مع واحده؟

_لا طبعا.... نضال محترم مايعملش كده... هو بس...... ما احترمنيش انا...

شهقت حور وقالت: اييييه اتهجم عليكي... والله لامسكه اقتله... انا اصلا مش مرتحاله الواد ده من زمان.. نظراته كانت كلها كده قلة ادب و...

_حوووور اييييه... انا امنية حياتي تسيبيني اكملك موضوع للاخر... اتهجم عليا ايه انتي عبيطه.... اقصد يعني ما احترمش مشاعري....

وبدات زهراء تحكي لحور اللي حصل..

_حاسه اني اتسرعت اوي اني رفضته ياحور.... انا لسا بحبه...

&لا يا زهراء انتي ما غلطتيش... اللي انتي عملتيه ده عين العقل... ايه هو ده اللي ييجي يقولك بحب واحده وهتقدملها وفي الاخر بخخ كنت بعمل فيكي مقلب... هي القلوب لعبه يا زهراء بصراحه حركة مستفزه جدا وعلي راي المثل ابنك علي ماتربيه وجوزك علي ماتعوديه..

_بس ده مش جوزي..

&قصدي جاي يعني بنية جواز... المهم دلوقتي انك تعوديه انه مايلعبش بمشارعك كده تاني وكمان تخلي لنفسك قيمة مش مجرد مايرجع توافقي علي طول كده.. الراجل مايحبش الست المدلوقه مهما كان بيحبها ولا بردو بيحب الست المُعرضه عنه
خليكي في الوسط..

_حور بتقول حكم ياجدعان...

&يابنتي عيب عليكي... بقولك ايه فكي كده وتعالي نتجمع انا وانتي والبت كارما حكم انا مابحبهاش بس بما انك بتحبيها ناخدها معانا ونروح الكافيه اللي مالحقناش نشوفه ده..

ضحكت زهراء ووافقت علي طول علي عرض حور... هي كانت عايزه تخرج تشم هوا وتتجمع شويه بصحباتها...

وفعلا ال3 بنات اتجمعوا عند زهراء اللي راحوا بعربيتها الكافيه...

كارما كانت عرفت اللي حصل من حور في التلفون قبل ماتيجي واول ما قفلت مع حور لاقيت نضال بيرن عليها..

كارما: الو السلام عليكم ايه نضال

نضال: كارما انا واقف قدام بيتك معلش انزليلي عايزك