راح نضال لوحده وفضل واقف قدام الجامعه واستني كتير اوي الجو كان حر فقرر انه يدخل الجامعه نفسها بس في امن علي الباب فضل يفكر ازاي يدخل ما ياخد باله نجح في انه يلهي الحارس فعلا واتسحب ودخل الجامعه وفضل يلف فيها شويه لحد ما اتصل علي يوسف عشان يعرف من حور هما في انهي قاعه وفعلا حور قالت ليوسف واتصل يوسف علي نضال وقاله علي مكان القاعه......راح نضال واقف مستني المحاضرة تخلص.... وشويه وكانت المحاضرة خلصت والقاعه كلها فضيت... فضل نضال علي باب القاعه يبص بعينه ويدور عليها لحد ما شافها......
كانت قاعده جنب حور اللي غطست في سابع نومه وكانت زهراء في اليوم ده لابسه خمار جميل بلون نبيتي وفستان كافيه غامق
خلصت المحاضرة وكانت زهراء بتلم حاجتها وبصت حواليها واتطمنت ان الكل خرج..... صحت حور عشان تجيبلهم سندوتشات وبعد معاناة صحيت حور وخرجت تجيب سندوتشات ونضال استخبي قبل ما تشوفه.... واول ما حور خرجت استغلت زهراء ان القاعه فاضيه وطلعت كراسة الرسم وبدات ترسم.....
كانت بترسم شخص في المطار بشنطة السفر، نضال اتسحب من غير ما تاخد بالها ودخل القاعه وقعد وراها بكام بينش كده......
ولما بص علي اللي رسماه وشافها متاثرة اتوقع انها مانسيتهوش وفرح من جواه جدا.... فاق علي صوتها وهي بتدندن وبدات تغني....
لوصلك تاقت عيوني وقلبي
فالقلب يأن والعين تبكي
عُد فالشوق في دمي يسري
والكون داق بي وانهد صرحي
كلي ومالي فداك وعمري
والروح والأشواق وكل كوني
حضنت اسمك ضمن وردي
وحصنتك بالرب عن كل مؤذي
عزائي طيف يؤنس قلبي
وذكراك سعدٌ أَيا كل سعدي
البعد أرهقني.. والخوف بعثرتي
وصرت حنينا وشوقا أغني.. أغني
صبرًا أيا قلبا من البعد يكتوي
فلعل الأيام تزهر ويعود خلي..
صبرًا أيا قلبا من البعد يكتوي
فلعل الأيام تزهر ويعود خلِّي....
كانت زهراء قاعده مدياله ظهرها ....
نضال:ولقد عاد بالفعل ...
اتخضت زهراء وقامت وقفت وبصت وراها واتصدمت من اللي هي شايفاه وقفت زهراء مكانها متخشبه..... لالالالا اكيد بيتهيألي مستحيل يكون هوا مستحيل..... بس فضلت ثواني تدقق في ملامحه وهي مش مصدقه عينها..... ومن صدمتها
=ن... ن.... نضال!
ابتسم نضال ولسا هيرد عليها بس كانت زهراء من صدمتها اغمي عليها..... اتفزع نضال وفضل يفوقها كتير بس ما كانتش راضيه تفوق وبسرعه اخدها قعدها وبدا يفوقها
وبدأ يهويها لان الجو كان حر جدا وفعلا بدأت زهراء تفوق واول ما شافته في وشها وقريب منها صوتت وضربته بالشلوط في صدره لدرجة انه وقع برا البينش علي الارض جامد....
_اااااخ يا بنتي اهدي اهدي...
=انت... انت ميين وانا هنا لييييه اععععععععع الحقوني
_يا زهراء اهدي انا نضااال
سكتت زهراء من صياحها وبصتله بصدمه وهي مش مصدقه: يعني انا مكنتش بحلم.... يعني انت.....
وبدات تعيط وتنهار في العياط
أنت تقرأ
رحلتُ عنكِ وقلبي معكِ❤️🌷﴿لـ جهاد ابنة أحمد﴾💕
Romanceلن احرق لكم شئ ولكن متاكدة انها ستعجبكم ❤️ الرواية تحكي قصة فتاة تزوجت زواجا جميلا بسيطا وكانت تحب زوجها وهو يحبها كثيرا ولكن بعد انجاب اول طفل لهما تغيرت الاحوال تماما وحدث ما لم يكن في الحسبان ....ليس بسبب الطفل ولكن بسبب حدث عظيم غير الموازين تما...
