رحلتُ عنكِ وقلبي معكِ❤️🌷﴿لـ جهاد ابنة أحمد﴾💕

لقد قتلني💔🥀

وفي نفس اليوم اللي زهراء كانت في المستشفي فيه

اتكتب لمامتها خروج لانها بقت افضل واتصل الدكتور يبلغ جاسر...

_سلام عليكم
=وعليكم السلام
_مستر جاسر مدام جميله تقدر تيجي تاخدها لانها بقت افضل دلوقتي واتكتبلها علي خروج...

سكت جاسر شويه..... هو مش عايز جميله تخرج دلوقتي من المستشفي.... لو عرفت اللي حصل لزهراء هتنهار...

شكر جاسر الدكتور وقاله انه هييجي ياخدها علي طول...

قفل جاسر مع الدكتور ودماغه بتفكر في اكتر من حاجه، اتصل جاسر علي نضال بس مش بيرد...

راح جاسر يسأل يوسف..

جاسر: يوسف..... ماتعرفش فين نضال..

يوسف: اه هو خرج قعد في عربيته برا

خرج جاسر يشوف نضال بس لاقاه نازل من العربيه نده عليه بس كان بعيد وماسمعوش..... فضل بيمد في مشيته عشان يلحقه لاقاه دخل الجامع اللي قدام المستشفي.... وهنا جاسر اتجمد مكانه....... نضال دخل الجامع؟....... ماهو حاجه من الاتتنين يا اما نضال تاب وقرب من ربنا يا إما داخل يدعي لزهراء والاتنين مستحييل...... انا حاولت معاه كتير جدا وعمره ماكان بيسمعلي انه يقرب من ربنا ويصلي...... ولو هو بيدعي لزهراء... من امتا اصلا ونضال بيهتم بحد وخصوصا بنت؟!

دخل جاسر براحه ولقي نضال قاعد يصلي.... كان جاسر واقف وراه ومستنيه يخلص..... ولما خلص نضال قعد يدعي بصوت مسموع وماكانش في حد في المسجد غيره هو وجاسر ونضال مكانش يعرف ان جاسر قاعد...

نضال: يارب ارجوك تقومهالي بالسلامه...... يارب انا حبيتها اوي ومش عارف ده حب بجد ولا مجرد بس ان ماصدقت لاقيت حد بيفهمني و....... مش عارف يارب مش عارف...... انا محتار اوي يارب محتار اوي..... انا حتي مش عارف ابقي شخص ملتزم ومتدين.... حاسس اني.... اني تايه..........
انا مش عارف حتي قربي منها ده حرام ولا لأ.... مش عارف اي حاجه...

جاسر وقف مصدوم...... مش مصدق اللي سامعه.... نضال بيحب زهراء؟.... طب ازاي.... هما لحقوا قعدوا مع بعض؟...... اااااااخ انا السبب..... انا ازاي مافكرتش في ان اوقات كتير الفيلا بتبقي فاضيه عليهم؟

اتسحب جاسر وخرج براحه من غير مايعمل صوت....... وبعدها كح كحتين وقال بصوت عالي وهو علي باب الجامع: ايه ده نضال؟ انت هنا يا ابني وانا بدور عليك...

قام نضال ومسح دموعه بسرعه وراح لجاسر واعتذرله انه ماردش علي تلفونه...

عمل جاسر نفسه انه ما سمعش اي حاجه من اللي نضال قالها وقال: خلاص خلاص حصل خير....... المهم اني عايزك ترجع الفيلا عشان ام احمد في أجازة النهارده واخواتك لوحدهم في البيت....

نضال: طب وزهراء...

جاسر: مالها زهراء يا نضال... انا ابوها وانا جنبها... مالك قلقان عليها اوي يعني..