رحلتُ عنكِ وقلبي معكِ❤️🌷﴿لـ جهاد ابنة أحمد﴾💕

❤لقد سكنتي بين ضلوعي❤

مرت الايام والاسابيع و نفسيه زهراء اتحسنت ونضال قرب منها اكثر ما كانش عاوز يعلقها به بس هو خاف نفسية زهراء تبوظ اكثر من كده وخصوصا بعد الحادثه اللي حصلت وبدات زهراء تقسم الايام ما بين مامتها وباباها كانت بتتمنى اليوم اللي يجمعهم مع بعض سوا وخطه جاسر ان هم يشتروا الشركه لهم ويطلق هايدي ما كانتش ماشيه اوي لان كان في ظروف في الشركه محتاجه تتظبط

ويوسف كان بدا يشوف دراسته فعلا دخل كليه حظه ان تنسيق السنه دي كان لطيف وفي كليه قبلت مجموعه و حور اول ما سمعت الخبر ده من زهراء فرحت حتى زهراء استغربت من فرحتها...
زهراء: انا حساك مبسوطه اكثر منه...
حور: ايه لا لا لا انا مش مبسوطه على حاجه....... هو كل ما في الموضوع بس اني باحب الناس تهتم بالتعليم اكثر.

ضحكت زهراء من منظر حور وماحبيتش ترخم عليها اكتر من كده.....

نضال كمان قرب من ربنا في الفترة دي.. حس انه كان ميت ورجع للحياه ثاني بس المفاجاه ان يوسف قرب من ربنا اكثر من نضال والدليل على كده انه ما كانش حابب انه يقابل حور خالص مش حابب انه يبقى في علاقه ما بينهم نهائي هو اه وبيحبها جدا وقرر انه يكمل تعليمه عشان خاطر يبقى راجل ويروح يتقدم لها لانه حاسس ان حياته ما فيهاش اي شيء مفيد
قرر انه يكمل تعليمه ولو في فرصه يسافر بره ويكمل كمان ويجيب قرشين حلوين علشان يجي ويتقدم لحور كان سمع من الشيخ قبل كده لما كان بيروح المسجد ان علاقه الولد والبنت خارج ايطار الزواج هي لا تجوز ابدا يعني ما ينفعش انه يحب بنت او يكلمها او حتى يصاحبها لازم يبقى في علاقه شرعيه ما بينهم الشيخ كمان قال ان العلاقه اللي بتبدا بحرام صعب ان ربنا يبارك فيها فكان لازم يوسف يبعد تماما عن حور واي مكان هي متواجده فيه بيحاول انه ما يبقاش موجود لانه عارف انه هيضعف وهيكلمها وممكن كمان يتصاحبوا هما الاثنين بس يوسف ما يعرفش ان حور كمان كانت بتعمل كده كانت بتحاول تتجنب وجود يوسف في اي مكان بس مش عشان حرام لان هي ما كانتش تعرف انه حرام هي كانت خائفه تتعلق به وهو ما يكونش انسان مناسب......

وكان نضال على عكس يوسف تماما نضال كان مقتنع ان اللي بيعمله مش حرام لانه ما لقيش اي حاجه تدل عن كده لان درجة تدينه برده كانت قليله......

هو في الحقيقه ان الموضوع مش موضوع تدين ده موضوع اسلام انا مسلم ولازم اشوف اوامر ربنا لي ايه سواء سميت نفسي متدين او مش متدين،

يوسف استمر انه يتعلم اكثر عن دينه ولكن نضال اكتفى بس بالفروض اللي هي الصلاه والصوم وكتاب اللي قراه مش اكثر من كده اكتفى و وقف لحد كده وكان متخيل ان هو كده بقى خلاص متدين وقرب نضال من زهراء اكثر وباءوا الاثنين يومهم مش بيكمل غير سوا...
وكمان كانت زهراء زي نضال ما فكرتش في يوم ان هي تكمل تعليم عن دينها وده طبعا بسبب العز اللي هي بقت عايشه فيه كل ده شغلها تماما عن تدينها او عن ان هي كانت بتتمنى في يوم تبقى انسانه متدينه تعرف دينها كل حاجه هي برده ما كانتش عايزه تلبس الخمار من الفراغ لان جميله مامتها كانت دائما بتكلمها عن ربنا وعن دينها بس من ساعه ما زهراء راحت تعيش مع باباها ما بقاش في احد بيكلمها على ربنا ما بقاش في احد بيذكرها وانغمست زهراء في فتن الدنيا بدات زهراء تحس باحساس ناحيه نضال بس كانت دائما بتقتل الاحساس ده خافت يحصل لها زي ما حصل مع نبيل، اما نضال خلاص بقى مستمر في انه يكمل كلامه مع زهراء ويحبها اكثر لانه خلاص أيقن ان هي دي اللي هتبقى من نصيبه وهي دي اللي هو هيكمل معها حياته.....