Winter Begonia [Burmese Translation]

အပိုင်း-၃၄ (ယွမ်ရှောင်းတိနှင့်တွေ့ခြင်း)

ထိုအချိန်မှစ၍ ချန်ဖန်းထိုက်သည်သူ့ကတိသူတည်ကာရှန်းရှီရွေ့ဆီသို့နေ့တိုင်းလာပြီးဒူးထောက်အရိုအသေပေးလေသည်။ ချန်ဖန်းထိုက်သည်ရှန်းရှီရွေ့အားတွေ့သည်နှင့်ခပ်ကျယ်ကျယ်အသံနှင့်အော်ကာဆုတောင်းပေးတတ်သည်။

" ဆရာရှန်း ကံကောင်းကျန်းမာပါစေ! "

ရှန်းရှီရွေ့သည်လည်းခေါင်းညိတ်ပြကာ တည်တည်ငြိမ်ငြိမ်ပြုံးပြပြီး

" ဒုတိယသခင်၊ မတ်တပ်ထပါဗျ! "

ရက်တွေဘယ်လောက်ကြာလာလာ သူတို့နှစ်ယောက်သည်ထိုစကားနှစ်ကြောင်းအားပြောရသည်ကိုငြီးငွေ့သည့်ပုံမပေါ်ကြချေ။ ရှောင်းလိုင်နှင့် အစ်ကိုလောင်တို့ပင်သူတို့၏ရူးနှမ်းသည့်အပြုအမူအား မြင်နေကြားနေကျလိုဖြစ်လာသည်။ တခါတရံ ချန်ဖန်းထိုက်နောက်ကျမှရောက်လာတတ်သည့်အခါ ရှန်းရှီရွေ့မှာဝမ်းနည်းတတ်သည်။ အခုဆိုလျှင် ချန်ဖန်းထိုက်သည် သူကော်ဖီနှင့်စားတတ်သည့်မုန့်အားလုံးကိုရှန်းရှီရွေ့အိမ်တွင်အကုန်လာထားထားသည်။ သူ ဒီကိုရောက်လျှင်ကော်ဖီနှင့်မုန့်များအားသူ့အိမ်မှာကဲ့သို့စားလိမ့်မည်။ ရှန်းရှီရွေ့၏အိမ်မှာ သူ့အတွက် တည်းခိုခန်းအလားဖြစ်လာသည်။ 

အစက ရှန်းရှီရွေ့သည် ချန်ဖန်းထိုက်ယူလာသော ကိတ်မွှေးမွှေးလေးများနှင့် ကြွပ်ကြွပ်ရွရွကြက်ဥလိပ်မုန့်များအားမြင်တော့ ပျော်ပျော်ကြီးသွားမြည်းကြည့်မိသည်။ ရှန်းရှီရွေ့ကအချိုကြိုက်သော်လည်း ချန်ဖန်းထိုက်မှာသူ့လိုဟုတ်မနေခဲ့သည့်အတွက် သူ့မုန့်အားလုံးမှာခပ်ငန်ငန်အရသာသာရှိနေခဲ့ကြသည်။ ချန်ဖန်းထိုက်သည် အင်္ဂလိပ်စတိုင်လက်ဖက်ရည်အားသောက်ရသည်ကိုကြိုက်နှစ်သက်သဖြင့် သူ၏ဘလက်ခ်ကော်ဖီထဲသို့နွားနို့နှင့်သကြားဖြူထည့်ကာသောက်လေ့ရှိသည်။ ရှန်းရှီရွေ့သည်လည်းချန်ဖန်းထိုက်ဖျော်သည်အားနှစ်သက်လေသည်။ ချန်ဖန်းထိုက်၏မနက်စာစားချိန်သည် ရှန်းရှီရွေ့၏နေ့လယ်စာစားချိန်နှင့်တူနေသဖြင့် သူတို့နှစ်ယောက်အတူတူစားဖြစ်ကြသည်။ ရှန်းရှီရွေ့သည်အသားပါမှစားတတ်သော်လည်း ရှောင်းလိုင်၏ချက်ပြုတ်နည်းမှာမြောက်ပိုင်းဆန်နေ၍ တခါတရံတွင်အရသာမှာလေးလွန်းနေတတ်သည်။ ထို့အပြင်သူမ၏ဟင်းလျာများတွင်သုံးသောပါဝင်ပစ္စည်းများတွင် ကြာဇံနှင့်နွေကြက်သွန်နီများပါပါဝင်တတ်သည်။ ချန်ဖန်းထိုက်သည်ရှောင်းလိုင်ချက်သည့်ဟင်းများအား စားနေမကျသဖြင့် တူအားထမင်းပန်းကန်ပေါ်တင်ကာ