انتصار امرأة

البارت الاول

..

اهلا بمتابعاتي الحلوات (فرولاتي)
قصتنا اليوم تبدي في سنه 1978 بزواج بنت ذات ال 16عاما ومن هنا تنطلق قصتنا
سناء: اعرفكم عن نفسي اني الام ل4 بنات و ولد واحد تزوجت بعمر صغير بعد وفاه امي ووتزوجو قبلي كل اخواني الاثنين الاكبر مني الجبير حميد والاصغر،منه بسنتين مجيد  وبقيت اني البنيه بين اخواني ومابعدي اخ صغير بخمس سنوات وليد اخي المدلل الصغير  مابعدها تزوجت ابن خالتي (لطيف) ودعت اهلي بغصه قويه بداخلي بعد ماتركت اهلي والبيت الي ربيت بي وواخويه الصغير الاحسه ابني
بس الشي الوحيد الهون عليه انو زوجي لطيف عسكري 10ايام يلتحق و10 ايام ينزل من دوامه وبوقت الي يكون بدوامه اني ابقه يم اهلي 
بلبدايه جانت صعبه واحد يفارك اهله لحد ماتعلمت وره 3 اشهر،اكتشفت روحي حامل ووجانت الفرحه مالها وصف بالنسبة لعمري وتجيني طفله واربيها .. ووكضيت حملي ووبديت اثكل يم اهلي وومن يرجع لطيف من دوام ارجع وياه ومستمره لحين يوم 1979/6/10 وولدت اول بجر ووسميته فاديه زينت حياتي وفرحنا بجيتها ..
وراها ب3سنوات 1982نورت حيااتنا سمر ووصرت ام لبنوتين ووضليت يم اهلي يدارني نسوان اخواني وولطيف وقت الينزل من دوامه كبل يجي لاهلي لحد ماا كدرت اربي سمر وتكبر شويه ورجعت لبيتي
وومابعد سنتين صارت اسيل 1984 وتعبت بيها حيل بولادته وولحد ماجت حسيت نهايتي قربت لحد مانخيت ام البنين وطلعتني سالمه اني وواسوله حياتي بنيتي الحلوه ووبوقتها جان لطيف هنا نازل من دوامه بل بدايه لان بنيه حجو عبالهم ولد وولطيف فرحان جان كال ذني ال 3بنيات حيكونن دخولي للجنه وهنه يشيلني بكبرتي ووفرحت على فرحته ،، ضليت يم اهلي لان فاديه وسمر صغار ووميكدرن هنه وحدهن يدارني ف بقيت يم نسوان اخواني
حميد مرته (سماهر)ومرت مجيد(نوال) بنات كلش حبابات وماقصرن ويايه ابد لان اني من ولدن هنه هم حظرت ولادتهن وساعدتهن
بديت اتحسن وصرت زينه وكدرت ارجع لبيتي وولطيف جان يساعدني بل بنات لحد مااجه وقت التحاقه وودعني وودع البنات ووحظرتله غراضه وودعته بأسم الرحمن وانطلق لدوامه ..
وجانت الحرب باديه بين العراق وايران ومشتده الاوضاع ووكلبي ضال يأذيني ومتوتره على لطيف ووضلينا على هل حال ووالبنات كبرن ووصارت مشاكلهن وولعبهن ويه بعض يزيد هنه المصبراتني على بعده وتفكير بل اوضاع ووجان الوضع مو زين المفروض هوه بهل وقت ينزل من دوامه بس ماكو خبر عنه ووجماعته الي وياه هم مانزلو ووكلوبنا ضلت ترعد من الخوف ونريد نوصل اله ونطمئن عنه بس ماكو خبر كالو نفقدو الجماعه احتمال بلحرب ووضليت الوب بمكاني وماعرف شتصرف واني انخي (بأهل البيت)يرجعلنا بسلامه وجان ابويه واخواني ابد ماقصرو يجوني وواروح يمهم ويدزون يسئلون على لطيف بس لسه اي خبر ماكو لحد ماكالو ممكن بعد مايرجع نفقد والناس فقدت الاامل بس اني ضليت مصممه وعدي يقين باالله يرجعلي بيوم الي ولبناته الي بدن يسألون على ابوهن واني يوميه واعدتهن اكلهن ايي ماماتي اليوم وباجرر لحد مامر على فقدانه 7 اشهر كضيت هل اشهر بل حزن والالم ووماعرف مصيري اني وبناتي ال 3 شنو عشت يم اهلي وومرات احن لبيتي ووتواجده ويانا ووخليت ورجعت لبيتي وورا يومين كاعدين اني واسوله جان عمرها 5سنوات ووفاديه صارت بل مدرسه بثالث ووسمر بل اول ابتدائي رجعن من المدرسه وحده تدفع بثانيه وتصييحح ماما جوعااانه
سناء: اي ماما شبيجن كولن يالله طبن غسلن هسه ووبدلن واني راح اكوم اصب الجن ونتغده سوه بس لااتتعاركن يلا بل شطورات،، رحت حتى اصب الغده الهن ووياكلن وكعدنا على سفره وكلمن تحجي شسوت اليوم وشنو انطاهم تحاضير المعلمات ووسمر جانت تتنحس شوي لان اول بس فاديه تروح يمهاا وتحاول تعلمها كملن البنات ووحده تدفع بل الخ اني اغسل قبل واني رغم حزني وتعبي ضحكت عليهن وعلى فطاريتهن هنه الي مصبراتني ومتمحمله كل هل الم في سبيل مااحسسهن بفقدان ابوهن يوميا اكلهن بدوام وميكدر يجي هسه ،غسلت الاماعين وكعدت اشوف بدفاترهن وشنو انطوهن ووكتله يلا بنات نامن ارتاحن وشوي ونكعد نقره ووصدك نمنا شويه وكعدنا ماحسينا اله وهيه بل 4العصر
سناء:ولجن يلا يبنات كومن اقرنن عدجن هواي تحاظير يلا بل شاطرات واسوي واهس الهن ووراحن غسلن وكعدن حتى اقريهن شوي اقري ب فاديه وهيه تكمل ووارجع ل سمر اعلمها مو بسهوله تتعلم لانو بعدهاا اول ووتحسه صعب ووست اسوله الحلوه تتعارك وياهن هيه هم تريد دفتر وقلم حتى تكتب وجنت اعلمها شوي شوي حتى متعبني من تسجل وولحد ماكملنا دراسه وتعشينا وحظرت الهن ملابس المدرسه مال ثاني يوم ووكلمن لفراشها حتى تنام وومرت الايام بين الدوام والشغل وساعة  الي اروح لاهلي واخذهن يغيرن جو ونرجع لبيتنا علمود المدرسه ومر اكثر من اسبوع على هل حال الى ان اجه يوم الخميس وهل يوم ميروح من بالي جان بل نسبه الي وللبنات صدمه ومفاجأة
جانن فاديه وسمر بلمدرسه واجن خطيه تعبانات تغدن ونامن وواسيل تلعب بلعاباتها اهم شي هاي وتسولف وياهن ووكعدت يمها اضحك على سوالفها مدري اصفن على الوكت الي ماعرف شراح  يصفه بينا ووهاي العالم كلها خايفه لو على رجلها او ابنها وومصبرين بروحنا اكو عالم اجت ووراحت وواني لطيف لسه ماكو وواثناء تفكيري وولعب اسوله وصوتها العالي هنا بهل يوم والوقت تحديدا ب3 الظهر مانساه هيج لحظه نصدمت بيها
ندكت الباااب بقووه والبنات كعدن اخترعن وكامن وياي للحديقه حتى نشوف منووو هيج يدك الباب بهالطريقة  ونكول منو ومحد يجاووب ويرد علينا حظنت بناتي وراي ووسميت بلرحمن وووفتحت الباب وووماااشوف اله واني نصعقت من الشافته عيوني ....
يتببع ....
لا تسولفلي اعِلة حزنك انه اميزك
من مكاتيبك نبرتك والملامح
وماعليك من المسافه
وحتى لو نحچي
برسايل انه يمك
ولا تخاف عليه
انت ولا يهمك
انه حزني يضيع
من اندل ضحكتك
ومن يسألوني اعله
حلمي اذكر اسمك؟
§§ ..... 🌸🌸