انتصار امرأة

البارت الخامس عشر

لاتقل أين ليالينا وقد كانت عِذابا
لاتسلني عن أمانينا وقد كانت سرابا
إنني أسدلت فوق الأمس ستراً وحجابا
فتحمل مُرَ هجرانِك واستبقِ العتاب ❄️🦋...

سناء: بعد ماجاني خبر وفاه ابويه انكسر ظهري بهل شي وبقيت منهاره لحين ماستوعبت فكره فقدان والدي
جان هل شي كلش صعب عليه اني وصغيرة فقدت امي وتيتمت ووهسه زاد همي اكثرر من فقدت ابويه جان هوه السند الوحيد بحياتي الي عوضني عن فقدان الام ودللني ودلل بناتي والكل يحبه ويحلف براسه وجان انسان طيب وايده مواله ابد كلش نفسه طيبه على الكل ...

اسيل: جانت ايام صعبه علينا الي عشنا ويه جدي صعب ينسي وصعب نتعلم على فقدانه 💔.. بعد ماخلصت الفاتحه رجعنا لبيتنا ومشت ايامنا حزينه لاجديد بها ،،

-كعدت اشهر واني بلبيت ومقدمه على تعين وماكو وصرت اتخبل من كعده البيت كلش تعبت واختنكت ..
وضلينا نذكر جدي كل اسبوع نروح ونسويله ثواب ومانسيناه ابد وضل الالم بداخلنا بس مجبورين نتأقلم على رحيله 💔.. 

     بعد مرور سنه ** 2006

- الى ان اجه اليوم الي فرح گلبي وتغيرت حياتي ...
طلع تعيني باحدى دوائر بابل صح ماتعينت بنفس تخصصي معلمه .. بس حصلت تعين بدائره حكوميه وجانت حياتي حلوه بديت اداوم واعتمد على نفسي وفرحانه باول راتب الي وعنت اهلي شويه وبديت اجهز اثاث بيت والي يبقه اضم واجمع واشتري ملابس

-عشت حياتي بحدود جنت ويه الموظفين وكلها تحب شغلي والدقه بي وجنت حيل لطيفه بتعاملي ويه الكل وصارت عدي صديقات وزملاء عمل.

———————&&&

سمر: ماما اكعد يلا حبيبي وراك دووام

سمير: عوفي الطفل هسه خاف ماله خلك يداوم،

سمر: لا شنو ماله خلك شبي هوه خل يكوم يتعلم ويصير شاطرر

سمير: هسه الي يسمعج ميكول الطفل هذا سادس ابتدائي .. لو ما هوه هستوه روضه داخل. 

سمر: اي ميخالف حتلو روضه هذا اساس يتعلم شوي شوي حتى يصير ذكي وميتعبني بلمدرسه وشعدي اني هوه هل واحد غير اتعب وياه ياعيني ..
- يلا وليدي كوم حبيبي خل اوديك لنتاخر،،،
- بدلت لياسر وسويتلهم ريوك وتريكنا وسمير راح لدوامه وواني طلعت يسوري للروضه وجاي يتعلم ويستفاد وحبيبي مامتعبني ابد ..

نهى: اكلج يمه شو هاي طلعت ابنها وراحت وين؟

ام سمير: اي ودته للروضه عيني تريده يتعلم غير. 

سهى: ايي خيه الطفل عده دوام ووبكلوريوس 😂 ،،

ام سمير: هسه غير يسكتن لااركع راس براس شنو حاطات عقلجن بعقل الطفل لعد متكيفن ابن اخوجن يتعلم ويصير شاطر وذكيي.