انتصار امرأة

البارت التاسع عشر

حبني على نيتي
وطينتي وفطرتي
حبني بكثر عمري
الگضه اتوسلك
حبني بكثر ما
فرهدت ضحكتي
بگد ما دست
عالروح واتحملك
حبني العشك
بي عافيه لليحب
لمن تحب
انسان يستاهلك
امنيتي اطب
بداخلك وافتهم
من  النده
البداخلي شواصلك
لدير وجهك
دير بالك عليّ
حطهن بوجهي
ان كونّي مزعلك
يا هيبتي وياكشختي
على الهوى
من كون فدوة
سنيني تتبده الك
يمبدي عافيتي
على وجه الصور
توجعني روحي
من اگعد اتاملك
اجمل صور
راسملك بداخلي
وامنيتي اغيّر
صورتي بداخلك ... 💭

فاديه: اي دكتور يعني شنو ؟؟

دكتور: المريض فاقد الوعي هسه وصار عده نزف بل دماغ والرئه كلش متاذايه مالته بسبب الضربه، وحاليا هوه تحت رقابه اطباء الانعاش ومحتاج دعواتكم ..

سامر: يعني دكتور منكدر نشوفه ومنعرف شوكت يكعد؟ ؟

علي: دكتور أمل للعيش اكو طمناا عنه

الدكتور: ماكدر اكللكم شي لان موبيدي اي شي هسه غير بس رحمه الله وماكدر انطي وقت شوكت يكعد من الغيبوبه ممكن شهر ممكن سنه او اكثر اول اقل يجوز يومين محد يعرف ويعلم الغيب، ادعوله وانشالله خير

فاديه: 😔 مريت بحاله صعبه واني اسمع هيج اخبار كلش تاذيت ومادري شسوي بوقتها وعدنا بس رحمه الله وندعيله ونتتظر ....

ريم: رجعت من الدوام دوامي ظهري وواول مادخلت البيت لكيت شمس تحجي وتبجي وبقيت واكفه مصدوومه! !!

- هاييي شبيج خبله تحجين وتبجين

شمس: ولج ابويه سوه حادث بل مستشفى وفاقد الوعي وماكو اخبار حلوه عنه ،،

ريم: هاااي شتحجين انتي شون سوه الحادث ووين ??

شمس: ويه صديقه على دراجه راحو يشوفون البيت وصار الحادث ..

ريم: بقيت بصدمه ومحتاره شهل خبر الصاعق الي مادري منين طلع النا! !

فاديه: بقيت اروح وارجع للمستشفى ولزمو خفارات عليي اخوان بشير وعلاوي اخويه ووكل يوم ننهبط  جلطتين دماغيه نضرب وعدته وبقو الاطباء يراقبون حالته وكل هذا هوه فاقد الوعي مااابعد 10 ايام كعد من الغيبوبه بس جان فاقد نص ذاكرته هواي اشياء نساها بشير وبدينا نعامله كأنما معامله الطفل ونعلمه من جديد انمنع من التدخين والطلعه للمحل وأي صدمه تاثر كلش على دماغه ..

- اسبوعين بل مستشفى وطلعنا للبيت ونخبص البيت خبصه من الخطار والي يردون يشوفوو ويطمئنون عنه والحمدالله يوم عن يوم احنا وياه ونعلمه شوي شوي وعلى علاج مستمر.. 

(مرت اربع اشهر)

بشير: فاديه اني اريد اطلع اختنكت

فاديه: وين تروح ياعيني؟

بشير: اريد اطلع للمحل

فاديه: ماشي راح اخابرلك علاووي يجي ياخذك واطلع.