انتصار امرأة

البارت التاسع

حَبيبي براحتك نمشي على
وين تريد بَس لا تترك خيالي
حَبيبي الدنيا مابيها نفس ينراد
لازم عُطرك گبالي
حَبيبي وأربعِينك سالفة نيسان
يا هو الـ يگدر يشبهك ؟
حَبيبي الرية متعلمة على شم ملگاك
هَلبت شوغتي تنبهك !
هَلبت يا حرك روحي تجي وأطفى
ويطك بِيهن ربيع
الـ صايرات رماد
حَبيبي الليل ما ينگاد
ليلية الحچي ينعاد
بيني وبين كِل صورة تلم وجهك
هَلبت شوكك يحَنلي ! ويفز منها
هَلبت حوبة أيامي الـ گضت يمك
تذكرك بـ الكضيت سنين
ماسامع خبر عنها .🦋💙

سمر: قلقنا كلش على امي عبرت الساعتين واحنا ننتظر مر علينا هل وقت واحنا بالنا ويه امي وره اقل ربع ساعه ...
طلعوو امي النا والحمدالله تطمئنيا عليها ونزلوها لردهه النساء،،،

سناء: اول مادخلت لصاله العمليات واني اردد آيات وادعي اطلع بخير لخاطر بناتي وابني وين يرحون من بعدي.

سمر: وره يومين طلعنا من المستشفى وخاله زهره ماقصرت ماقبلت نرجع للحله لان الطريق موزين عليها وخفنا خاف تتاذه اضطرينا نروح لبيت خاله
وماقصرن كلهم جانو باستقبال امي .

سناء: بعد ماطلعت من المستشفى رحت لبيت خالتي وخوالي الاثنين كاعدين وياها هم ونسوانهم
سمر وخالتي كعدن يدارني ويكومني وشنو احتاج طبعا اكلي جان خاص كلش ميصير ابد دهون وحميه والتزام ..

زهره: سمر بنيتي كومي نسوك كم غرض للبيت ،،،
سمر: اي خاله تدللين بس اكلها لامي، ،
كتلها لامي ورحنا لسوك قريب يمهم اسوكت فواكهه واحنا راجعين للبيت لكينا جيرانها يم الباب واكفه، ،
زهره: ها حبيبتي ام سمير شنو صارلج هواي تدكين بلباب..

ام سمير: هلا بيج خيتي والله هستوني اجيت داسئل عنج صارلج 3 ايام ماكو ومانشوفج كلت خاف جرالكم شي لاسامح االله..

زهره: يابعد گلبي والله مابينا بس الخير انشالله تعالي يختي طبي شنو بلباب واكفه ..
تعاالي واسولفلج وين جنت بهل ايام،،،

سمر: المره تباوعلي بنظره حيره يعني منو هاي اول مره تشوفني ..

زهره:تعاي يبعد كلبي البيت بيتج طبي

ام سمير: الله يسلمج داده بس فشله جن يمكم خطار ..
زهره: لا ذول من البيت هاي بنت اختي سناء وبنتها سمر،،
خيه صارلي 3 ايام ماكو جنا ملتهين بلمستشفى هاي شوفه عينج طاحت علينا بنت اختي طلع عدها مراره وكبل دخول عمليات وجابوها من الحله لبغداد وسواها الها وكضينا يومين هناك تاكدنا واطمئنينا عليها وشالو الصونده ياله كدرنا نطلعها وهاي الحمدالله بعد كتلها ماترجعين للحله هسه وانتي ماتكدرين تمشين حتى وحدج اله تستقرين حتى ماتعبين من الطريق والبنات وياي خطيه وبنيتها هم هنا يمها ..
ام سمير: هلا بيج حبيبتي والحمدالله على سلامتج واهنا اعتبريني مثل اختج خاف تحتاجين شي لايردج اله لسانج گلبي..