مساء الخير يشباب
حابب اوضح نقطة بسيطة علشان تكونوا على علم مفيش حاجة اسمها تسويق نمطي ولا شبكي تمام؟ مفيش حاجة اسمها تشتغل تسويق وهناخد منك فلوس علشان بإذن الله تبقي من رجال الأعمال مستقبلًا كل دا هري وكدب وضحك على العقول مفيش شغل هيطلب منك رسوم علشان تشتغل ودا أثناء التقديم وللأسف أول الفئات اللي بيعملوا معاها كدا الطالب المسكين اللي خارج من ثانوية عامة وقوقعة ثانوية عامة ونفسه يشوف حاله هيبدأ يقنعك إن دي وسيلة التطور وهيستغلك ماديًا ويقعد يديك أمثلة ويعملك فيها ابو هشيمة ٢
وهيدفعك فلوس كتيرة على أساس إنك داخل برأس مال وهيعود عليك بعائد طب ازاي رأس مال بعائد من إستثمار ملوش سجل ضريبي مثلًا؟
مفيش أي حاجة هتجيلك عامةً
وبعد كدا هيخليك تجيب ناس صحابك تدخلهم معاك؛ بحجة إن الفلوس تزيد أو بمعني اصح تضحك عليهم زي ما اضحك عليك 😅
متبقاش المادة الخام للعبيط وترجع تزعل يخويا وفجاة كل دول هيختفوا من قدامك وهيتنصب عليك وفونهم هيتقفل ومقرهم بيتغير إختصارًا مفيش حاجة اسمها تسويق شبكي ولا نمطي مفيش حاجة اسمها رسوم شغل وقت التقديم كل دا سرقة ومتخليش حد يضحك عليك ويستغلك اللهم بلغت
والسلام. 💙
