أصول التربيه الصحيحة

🌺الحلقه العاشرة🌺

الحلقه العاشرة🤍

و ليه سيبتوا أهلكوا في مكة ؟ ...

قام جعفر .... جعفر بن أبي طالب .... أبن عم الرسول عليه الصلاة و السلام ...و قال :

يا ملك ....أحنا في مكة كنا عايشن مع أهلنا ...و كنا كلنا بنعبد الأصنام .. و مكناش عارفين الصح ..
و كنا بنعامل بعض وحش ...و محدش بيهتم بقرايبه ... و بنضايق جيرانا ...و القوي بيضرب الضعيف .... و بنظلم بعض

لغاية لما جه سيدنا محمد ... الصادق الأمين ...
النبي اللي ربنا أختاره ....و علمنا ...علمنا الصح ....و علمنا الخير ....
خلانا نعرف أن الأصنام دي متقدرش تعملنا حاجة

علمنا نعبد ربنا ...و ندعي ربنا ... عشان هو بس اللي يقدر يعملنا كل حاجة .
علمنا نقول الصدق ..

علمنا يبقي عندنا أمانة و نحافظ جيرانا و نساعدهم ...
علمنا ما نأذيش الضعيف ولا اليتيم و نحافظ علي مشاعرهم و نحبهم و نساعدهم ...

فسمعنا كلام سيدنا محمد ... و آمنا بيه ....
لكن الكفار اللي لسه بيعبدوا الأصنام ....
أذونا و عذبونا عشان يخلونا نرجع نعبد الأصنام بتاعتهم ...

فجينا عندك الحبشة لما عرفنا إنك ملك عادل ... و مش بتظلم حد ...و بتدي كل إنسان حقه

فالملك بص لجعفر ...و قاله :

قولي كلام ربنا ...القرآن .... اللي سيدنا محمد علمهولكوا .

جعفر قاله حاضر و فضل يقرأ قرآن " سورة مريم " .

الملك الدموع نزلت كتير من عينه ... عيط عشان اتأثر بكلام ربنا ...

و قال للمسلمين :
أنا مش ممكن أسلمكم للكفار أبدا .... أنتوا هتفضلوا عايشين عندي في الحبشة في أمان ...
و محدش من الكفار هيقدر يضايكوا و أنتم عندي

فرجع الكفار لمكة ... و هما حاسين إنهم متغاظين أوي

ونكمل الحلقة الجاية ..

اللهم صل علي سيدنا محمد