صباح الخير ورداتي 🌺
طبعا رغم ماكو اي تفاعل بس هم ابقى انشر لئن وعدت بأن انزل لو مهما صار
رجعت وياكم بلحلقه ٣ من جبࢪوتهم وكسرتي
😒زعلانه ماكو تفاعل..
نبتدي باسم الله
"" "" "" "" "" "
اوجاع اجسامنا تهون الا وجع القلوب 💔
"" "" "" "" "" "" "" "" "" "" "" "" ""
مرات احس امي بدريه ما تحبنه...
وليش مرات اصلا هيه ما تحبنه بعد مره ابو ما بيها حنيه ما شفنا منها الحب
تحب بس غالي لئن ابنها وهم من تعصب عليه تگوم عليه تلعب بيه لعب تخليه يهچ من البيت وتضل تاكل بروحها
وهذا الشي ما شفنا منها انه وخواتي
ما يوم انكسر خاطرها علينه لا من نتمرض ولا من نجوع ولا من نحزن ولا بأي وگت
مرات اگول لاخواتي هيه خلينه نعوفها ونعيش وحدنه يضلن يضحگن وعفاف لئنها الجبيره تگعد تبرر الها
: لا تگولين هيچ هم تنحسب امنه وهيه تحبنه... بس ضايجه... تعبانه... احنه نشلع گلبها
رغم كل هل شي ما اشوفنه بيها
لا شفتها حبتنه.. ولا گاعده هيه بلبيت خاطر تضوج.. ولا متعوبه من شي
كل شي احنه شايلاته من جنه صغار وانتكلنه على ارواحتنا اصلا مي ما تشرب روحها لو ما احنه نخلي گدامها المي
ابوي من مات عاف النه بيت وعاف راتب تقاعدي النه يعني ما محتاجين والحمد لله بس هيه مدري ليش هيج ويانه
هاي هيه امي بدريه ما مسويتلنه شي بحياتها غير انها ملفيتنه بلبيت على حسب گولها
وروحها بغالي اخوي
وخالتي نوريه تگها الثاني ااااخ ....
شگد جان ابوي يتخبل منها يگلها ما خربتچ بس اختچ
من يوم ما ترملت وضلت تفتر من بيت البيت وديحتچ وياها
خالتي نوريه التؤام هيه وامي بدريه بس ما يتشابهن خالتي احلى من امي بدريه هواي ولئن ما تخلف ما مبينه هيه وامي تؤم جنها اصغر منها بهوايييي
من مات ابوي عمت عيني عليه اجت گعدت عدنه لئن جانت گاعده يم حماتها بعد ما مات رجلها وضلت هيه وياها عرك منا لمن طردوها وصدگ من اجت يمنه بعد ما شفنه ام غير عفاف
شفنه بعفاف حنيه الام وخوف الابو الي انحرمه منه من الصغر ....
شفناها اخ واخت و سند وعون....
شفنه صدر حنون يحضنه بخوفنه.....
وايد دافيه تمسح على روسنه بوجعنه....
وتصير قاسيه لو رادت تعلمنه غلطنه....
وصديقه تسمع اهمومنه....
