صباح الخير ورداتي 🌺
رجعت وياكم بلحلقه ١٩ من جبࢪوتهم وكسرتي
اتمنى تنال اعجابكم لا تنسون التصويت والتفاعل
اترككم ويه ابطالنه ونگول
بسم الله
"" "" "" "" "" "🌺
ترك الريموت على رجل القنفه واخذ من ايدي الصينيه وعافها على الطبله وبحركه سريعه حوط رگبتي بيده جفلتني حركته ورفعت ايدي لايده بعيون غرگانه دموع
:- متيم خنگتني !
عيونه غازيهن الغضب گال وضغط على رگبتي :- لو اشرب من دمج ما يبرد گلبي الي شعوطتي من البارحه لليوم
احاول افارغ ايده بس ما اگدر :- متيم لا تستعجل واسمع مني والله جذب مو مثل ما وصلوها الك والله
قرب وجهه مني وگال :- انتي فضه!!!!... انتي؟؟ وويامن؟؟؟؟... ويه اياد!!!!.. اخوي وصاحبي..
دفعت ايده عني بقوه ودنگت اكح ابتعد عني خطوات ورجع لزمني من وجهي :- شلون انطاج گلبج وانه مأمنج على گلبي؟؟؟.. شللللون؟؟؟
عيوني بعيونه :- وداعتك...وداعت عيونك ماكو شي الموضوع مو مثل ما فهموك.. الي صار ايـ
لطم حلگي بيده وگال :- ما اسمع منج كلمه... انه يخابرني النذل ويگلي شوف مرتك وصويحبك بليل بگعده رومانسيه؟؟؟؟.. ولج دين ما ضل براسي
خليت ايدي على حلگي گاتمه صرختي وگلت :- انطيني مجال احجي مو بس الك الحجي اسمعني متيم اسمعنييي
:- ولج شسمع شسمعععع؟؟؟ ولج السمعته كافي كاااافي
صحت بيه :- تسمع مني مو منهم متيمممم
خزر عيونه وگال :- زلم مشوربه تجذبيهمممم؟؟؟ التصوير هم جذببب؟؟؟
تقدمت خطوه اله وگلت :- اي اجذبهم.. والتصوير ما بيه شي... وانته تعرفني شنو وتعرفهم همه شنو ...
:- ولج شلون ماكو شي شللووون ؟؟؟ جا شلون لازم ايدج ودموعج تجري وتباوعيله..!!
:- ما لازم ايدي لزم معصم ايدي
تقرب خطوه بغضب وگال :- وشنو الفررررق؟؟
دموعي تنزل مسحتهن بعبايتي وگلت :- لا اكو فرق لو لازم جف ايدي جان گلت ميخالف خلي يشك بيه بس هو لزم معصمي من لطمت وجهيي واصلا ما خليته بسرعه وخر ايده .. والنذل صور ليش ما سمعت الحجي لو نتبهت بس على الي شحنوك عليه
لزمني من ايدي حيل وگال :- لج جلبه منو الشحني.. احجي عدل لا افرك حلگج فوق شينها گواه عينها الادبسزز
دفعت ايدي منه وگلت :- انه مو ادبسزز وعمري ما كنت ادبسزز
:- ولج انتي شنوووو...؟؟ يعني يجي واحد سگط مثل زياد ويگلي مرتك تلعب بذيلها وهذا الدليل نص الليل وبلحديقه الظلمه وحدكم ولازم ايدج شتردين اگله عادي خليها.. فضه تلعبين عليه؟؟؟ فضه انه ينضحك عليه هيج؟؟ ومن منو من زياد ابو العرك والكبسله
