ﺟـبـࢪوته‍ـ۾ وڪسࢪتـﻲ

الحلقه ١٢

صباحكم حسيني 💔
ورداتي الغوالي اسفه للانقطاع الطويل بس صارت هوايه ظروف عندي واخر شي ختمها ابني شمر تلفوني بلمي وحركلي الشاشه 🤭
المهم رجعت الكم بلحلقه ١٢ من جبࢪوتهم وكسرتي

اتمنى تنال اعجابكم

نبتدي بأسم الله

🌺🌺🌺🌺🌺
"" "" "" "" "" "" "" "" ""

بلسوگ نمشي انه وامي وذهب ويانه لافه روحي بلعبايه ومستوره احسني شي مميز هوايه.،

مو لئني لابسه العبايه انتقص من السفور بلعكس.

والله اكو سافرات لبسهن يجنن مثلا اكو الي لابسات فستان عريض وما مبين بيها بس جمالها..

واكو الي لابسه البنطلون بس بحشمه وقميص طويل..

واكو لابسات تنورات عريضه تحسينها ملكه وتمشي...

بس انه من جنت سافره جنت البس كلشي بس جانت اكو النظرات الوسخه من بعض حثاله المجتمع تخترق جسمي كله محسسيني انه عريانه

نفسها هسه جاي اشوفها بعيون البعض من تمر من يمهم وحده سفور

نمشي وصادفتنا صديقه امي ودك سوالف باوعت النا انه وذهب وگالت : فدووووه فطيم ذني بنياتج؟؟؟

ابتسمت امي وگالت : اي ذني فضه وذهب

ابتسمت المره بفرح وعيونها تفتر بيني وبين ذهب : يمه صدقه لمحمد هاي الجبيره جنها زنيبه... يفدوه حتى بلطول ولا جنج امها مخليتكم جواها

ضحكنه على كلامها شويه وراحت دارت عليه ذهب وگالت : خو انتي تكيفين واحد يگلج اطول منه

گلت وانه اعدل عباتي : طول هيبه دعبوله..

فاطمه : هو الطول خرب من صار عدج وعد خالتج العيطه.. امشن امشن لا يسووها علينا قيامه اليوم

گلت: بس اشوفها اگلها عليج

فاطمه : دمشي امشي وفكينه من لسانها ولسانج

ضحكنه ورجعنا وره ما خلصنه من السوگ للبيت

ثاني يوم ما رحت للدوام مدرستنا بيها اجتماع وما رحت

بس گعدت من الصبح وطلعت انظف بالكراج اباوع من فوك الباب واشوف واحد يروح ويرجع

كتلني الفضول اشوفه منو الجماعه بعدهم نايمين بس كوثر راحت للسوگ وامي جوه تشتغل هيه وعمتي ليلى

مديت راسي واشوفه شافني وگف تقرب من الباب

وگال بسرعه من شافني : اليوم مدري شمالني... گلبي نار احس بيه... ومن ما داومتي ضل بالي عليج!

ابتسمت : صباح النور...

دنك راسه ورفعه يباوعلي : اگلها ضل بالي تگلي صباح النور... ولج بت الجلاب ليش تضلين شالعه گلبي انتي؟؟