صباح الخير ورداتي 💐
رجعت وياكم بلحلقه ١٧ من جبࢪوتهم وكسرتي
بارت طويل تعويض التأخير
نبدي بأسم الله
"" "" "" "" ""
گمزنه ثنينه من عيطه خاله زينب دفعته عني ضل لازمني وحاجاها بحديه وصوته يرجف من الخجل مدري الخوف :- يمه!!! خرب ... شبيججج؟؟؟
ضربت خدها على كيف وگالت :- ياااا... ولك حاضن البت واهلها موجودين بالله شافك ابوك عمك شتسوي ومحمد يعلگوك من كرعانك
گال وهو يلف ايده على جتفي :- اي شمسوي قابل غير مريتي.!
باوعتله وگالت :- ندري مريتك متيم بس بعدها عد بيت ابوها من تنزف الك عود حضن بيها وين ما تجي
وخرت ايده من عندي مستحيه وگال هو يباوع عليه :- وعلي اذا ما خليتوها حسره بگلبي اگعد يمها اطلع معتب
ابتسمت ودنكت راسي گالت خالتي :- خاب هوووي الفاهيه ما گتيله عيب وما يصير... لو مكيفه؟
ضحكت وخليت ايدي على حلگي هزت ايدها خالتي وگالت :- اويلي عليج زينب عفتي النسوان كلها خذيتي فاهيه بت فاهيه
اجتها امي من باب المطبخ وضربتها على ظهرها :- ولج العيطه انتي ما تكبرين مو ولدج صارو بطولج وراح تصيرين بيبيه
خالتي باوعت لامي وگالت :- خاب البرغي خرب غيرتج.. ايدي ما تتعب من الضرب انتي... دشوفي بتج اول شي
بلعت ريگ خايفه من امي متيم سبق امي وگال :- هو غير هاي الروح والريه... هم شفتو خاله وعمه بنفس الوگت نوب يربي اشلون عمه.. بويييييييياااي تگتل گتل
امي ضحكت وگالت :- هههههههههههه يبعد گلبي يا خاله... يالله ويگلولي ليش تحبينه
گالت خالتي متعجبه :- ياااا ضحك عليج بكلامه؟؟
متيم گال وهو يغور بخالتي :- اي غير نسيبها... شبيج محترگه زنوبه؟؟؟
خالتي گالت :- يااااااا
وامي ضحكت وگالت :- يمن اروح فدوه ونذر لنسيبي
خالتي خلت ايدها على ظهر امي وگالت :- ما يخصني بيكم مو تجين بعد كم يوم وتگولين البت حامل
ضحكنه على خالتي ومتيم قرب الي وگال بأذني :- والله فكره اقلاها اضمن روحي يصير عندنا جهال لااا
ضربت صدره وصحت :- خاااااله اخذيني وياج
دخلت وياهم بعد ما توضيت للهول خليت السجاده وامي وخالتي يصلن بلغرفه والولد بالاستقبال وود وذهب بغرفتها
عباتي مخليتها على المجمده واعدل بحجابي على المرايه الملزوگه على الشباج الي بين الهول والممر ما اشوف اله متيم رفع العبايه ولبسها الي بعيون هايمه وابتسامه تخبل خلاها على راسي و
