مرحبا ورداتي الحلوات 💐ورمضان كريم على الجميع
رجعت وياكم بلحلقه ٢١ من جبروتهم وكسرتي
لا تنسون التصويت والتفاعل 🤞
ونبدي بأسم الله
"" "" "" "" "" "" "" "
انجريت من الغرفه وذهب تصيح:- عوفهااااا
حاولت اوكف بس ما اگدر ايده بشعري ويجر بيه حيل احس بخصلات شعري تتشلع بيده صرخت حيل مستنجده بأي احد
اجت امي تركض وصاحت :- ولك عوف بنتي جلب حيوان
وتقربت منه محاوله توخره دفعها سمعت طيحتها بهوسه الصياح الصاير بنيه تغلط وتسب وكوثر تأيده وهو شمرني گدام رجلين بنيه دفرتني برجلها
گال:- اذبحها تحت رجليج وروح امي ما عاش الي يغلط عليج وانه عايش
گالت كوثر :- عفيه بأبني
ردت اوگف دفرني وگال :- نهايتج اليوم على ايدي تغلطين على امي بنيه وتگولين هذا بيتكم طالعلج لسان
... ضربني برجله صرخت
بنيه گالت :- من يوم ما رافجت ذاك الهتلي ابن الحيه وهيه لسانها صار متر وتغلط على الرايح والجاي
فاطمه :- بناتي ما يغلطن على احد لا تجذبون
كوثر راحت لامي وصاحت بيها :- كافيجن شني انتن ما تنكسر شوكتجن
ردت اگوم بس جر عوجيه بنيه وهيه ضربه وهيه صرخه حسيت برجلي انشلت الضربه الثانيه خليت ايدي احمي بيها سمعت صوت كسر كل ضني العوجيه انكسرت بس من شفت ايدي من الساعد نسيت حتى شلون ابجي كمت اصرخ صريخ رجلي ما اگدر اوگف عليها وايدي عضمها طلع رجع يدفر بيه وامي تصيح وتنعل بس شيفيد همه ظلام واحنه ما نكدر عليهم
ضليت افرفح بلگاع وما يخلون لا امي ولا عمه ليلى يتقربن عليه
اصرخ واصرخ ايدي شكلها مدري شلون ورجلي ما تجي وياي من اريد اگوم وبنيه گاعده ويمها العار گاعد كل ما اتحرك يضربني برجله وين ما تجي الضربه تجي كوثر مانعه امي تجيني وانه استنجد بيها ولونه وليه واشوف ابوي من الباب طب يرعد بس شفته صرخت
:- بوييييه
شافني تحت رجليهم وحالتي حاله وامي تگله :- راح يموتوهااااا
بركضه ما نشوف بس زياد انشال ونرگع على المعرض الي بلهول اجت امي الي وشافت ايدي لطمت خدها وذهب تبجي وتگول :- انه خابرت ابوي.. انه خابرته
امي تريد توگفني صرخت :- رجلييييي يمممه
ابوي ما اشوفه بس اسمع الغلط والمسبه والتكسر والضرب
اجت عمه ليلى ويه امي يردن يوگفني ما اگدر اصرخ من كل گلبي ما اعرف من وجع رجلي لو وجع ومنظر ايدي
صاحت امي:- سعدد عوفهم وتعال لبنتك راح تمووووت
بنيه گالت بكل حقاره :- وموتت الجلاب ولكم بعد ما الكم گعده بيتي
ابوي صاح :- يا بيتتتتت بنيه يا بيتتت بس خلي اخذ بتي للمستشفى وارجع الكم اليوم اخلي طشاركم ماله والي
