صباح الخير ورداتي💐 شونكم شخباركم عساكم بخير
رجعت وياكم بلحلقه ٢٠ من جبࢪوتهم وكسرتي
اسفه على التأخير واشكر انتظاركم وتقديركم لضروفي
ان شاء الله احاول اقدم النشر اكثر اذا سمحتلي ضروفي
لا تنسون التفاعل والتصويت وخلونه نبلش
بأسم الله 🌺
"" "" "" "" "
زينب
"" "" "" ""
دخلت البيت ولگيت حسن واكف بلباب مال الهول وعيونه حمر شافني سألني
:- وين جنتي؟؟
:- يم ام زيودي.. شبيك ليش عيونك هيج؟؟؟
انتجه على الحايط وگال :- راسي يأذيني وين علاجي مال سكر
ذبيت عباتي على الباب وطلعت علاجه وجبت مي اله وگلت :- نفس السالفه؟؟؟
اخذ الحبايه مني وشربها بدون ما يباوع الي ولا يحجي
گلت :- هم رحت لسعد... هم رديت تتوسل بيه وما يسمع منك؟؟؟
باوعلي وعيونه الحلوه صايرات حمر ومغورگات دموع :- ضاعت خوتنا زينب.. ما جنه اخوان... ظلمني وظلم ابني وبته...
دنگ راسه وگال :- گتله خويه ما تسوه السالفه هلگد شايلها على راسك لا ابني الغلط بحق بنتك ولا بنتك الي غلطت السالفه كلها من وره واحد سگط وتربيته سگط تدرين شيرد عليه
گعدت گباله بعد ما گعد على الكرسي :- شيگول؟؟؟
باوعلي:- يگول انه من البدايه غلطان انطيتها لواحد مثل ابنك مستهتر وما يحترم.... تربيتك وصلت ابنك يتجاوز عليه بيتك... سعد الي ما يوم سمعني كلام يعور گلبي يجرحني هسه بتربيتي لولدي...!!! وما يريد شوفتي ويفشلني وانه ماد ايدي اسلم عليه..
گلت وانه اخلي ايديه على رجليه :- بعد گلبي حسن تره متيم ما تجاوز ولا غلط بلعكس متمسك بفضه لهذا اليوم بعد ما طلبت هيه بلسانها يجي يخلصها... حسن انه رحت توني لسليمه وخليتها تفتح الي القرآن
دار وجها عليه ورفع حاجبه :- شنوو؟؟؟
ادري بيه ما يحب هل سوالف بس لأن حالتنا صعبه سكت بلعت ريگ وگلت :- شافت السالفه وگالت مو خاليه حتى ذهب فضه حجت بيه وگالت ما ضايع مبيوگ
گال :- يعني شنو؟؟ ما فهمت!!!
گلت :- ام زيودي تگول الذهب ماخذه زلمه وانطتني مواصفاته ومنطيه المره وهيه مسويه بيهن او عليهن سحر والسحر مو بس تفرقه لمتيم وفضه لا النه كلنه بعد ما واحد يشوف الاخر وهاي صدك من ذاك اليوم واحنه ويه بيت سعد ما نتگابل بعد ما جانو بين يوم ويوم لو كل يومين عدنه اختي بلگوه تخابر وانته وسعد هذا حالكم من غير متيم وفضه سوده عليه متلجوعين تلجوع
:- اي وشلون يروح هذا السحر؟؟؟
گلت :- لازم نفگه ما نخليهم يلعبون بينه ويخلونه واحد يكره الثاني من وره سحوره كوثر وبنيه وانه متأكده مليون بلميه هنه الي مسوياتها وهسه فرحانات خربنها
