صباح الخير ورداتي 💐
رجعت وياكم بلحلقه ٢٣ من جبࢪوتهم وكسرتي
البارت مكتوب من زمن بس الواتباد صارله فتره مجاي يشتغل عندي وشلع گلبي ومسحته وراح الحساب وگوه گدرت ارجعه
اتمنى تستمتعون بلقراءه
لا تنسون التصويت والتفاعل واكيد مرات تتفاعلون كل عاده اعرف 🌚
بس المهم
نگول بسم الله ونبتدي
"""""""""""""""""""""""🌺
ايام الحزن طويله...
وساعاته مؤلمه...
كل ما تمر عليك تحسها سجاجين تنحر بيك...
وانت ما بيك تصرخ ويطلع الك صوت...
تستنجد بلي حواليك بس تحسهم ما يسمعوك لأنهم مثلك جاي تشوفهم يفارقون الحياة وهمه احياء...
مر على وفاة متيم اسبوع ولا فاتحه انصبت ولا عزاء الصار لابسين اسود ونبجي يوميه دح ولطم ما مفارگنه بس فاتحه بأسمه ماكو ولا جادر انصب وعمي ما يرضى ياخذ بعزاء ابنه والي يجي ويريد ياخذ من خاطره ما يرضى ...
بقيت احنه عد بيت خالتي انه وامي وذهب حتى ابوي مرات يروح للبيت ويرجع يم عمي الي ما غفاله جفن وهو ما يعرف كتال ابنه العريس
مهيمن يگول :- طلب مني اروح ارجع القميص ما عجبه واحنه بعدنه بدايه السوگ ومتيم گاليله راح اروح اجيب ثريات من هذا المحل الي گبالنه يگول رحت ورجعت لگيت العالم ملتمه سألت شكو گالو ولد نگتل يگول حالي حال الباقين الفضول كتلني اشوف تقربت ولن اشوف متيم غرگان بدمه شمرت البيدي ورحت اله شلته من الگاع لا حس ولا نفس حضنته لحظني وگمت اصيح ولكممم اخووووي ولكم هذا اخوووي
صحت على العالم :- اسعاااااااف.... خابرو الاسعاف
... بس العالم جانت خايفه... خافين نورطهم بگتلته
يگول شلت اخوي على صدري وصادفت اياد اخذناه للمستشفى واحنه نلطم مثل النسوان اول ما وصلنا گالو ميت ما عرف شصار بيه وشلون ابوي وخالي محسن وخالي حيدر وعلي صارو يمنه
سألني ابوي :- ياهو الي سوه هيج بأخوك ؟؟؟؟ وانت وين جنت عنه
كلساع ويعيد :- هو دزني ارد القميص والمحل شويه بعيد فما راد نروح ثنينه والمغرب صار علينه واحنه ما مخلصين شغل گالي روح وحدك وانه ادخل اشتري ثريات رحت ورديت وشفت الهوسه بس انه ما اعرف الي شفته ماخذين تلفونه ومحفظته والفلوس الي جانت عنده وساعته الي جابتها اله مرته هديه حتى الحلقه الي بيده الفضه انوخذت يعني بايگينه بنص السوگ وضاربينه بخاصرته ووحده برگبته
من نسمع هذا الحجي يعلى صوت الصياح والبجي يزيد ويوميه على هل حال يوم عن يوم وعمي وابوي ومهيمن وعمي محسن واخوانه يوميه يرحون يدورون ويسألون يردون خيط يدليهم على الي سوه هيج ماكو
وهاي مرت الايام واحنه ممرمرين و كل كم يوم يرحون للمقبره يزورونه واجه يوم الاربعين ااااااااخ شفته وشفت گبره صورته التخبل مخلينها ومكتوب
