تحت مسمى القسمه والنصيب

مُـقتطفات

#تحت_مسمى_القسمه_والنصيب

الكاتبه حَـوࢪاء
---------------------------------

ومدري ليش
الگاك يمي بكل حلم

----------------------------------

[المُقتطف الاول]

-طلعت من المدرسه شفتهم محد جاي ياخذني
-هاي صدك سووها مااجوني
يلا بعد احسن خلي اتمشى لبيت جدو مو بعيد هواي وبابا بعدين ياخذني
-توني مشيت واجاني واحد كال
-علاوي كال عدنا شغل رجعها وياك
-هزيت راسي وصعدت ويا اول مصعدت اندار عليا ورش بوجهي مثل العطر وبعدها محسيت بشي.

------------------------------------------------

[المُقتطف الثاني]

-جسمي كله يرجف انزفيت لشخص مااحبه والاحبه سنين حضر عرسي ودموعه بعينه انزفيت لابن خاله وهو واكف.

----------------------------------------------------

[المُقتطف الثالث]

-دااحجي ويا وانفتح الباب بقوه التفت وجان اشوف حسين!
-منو هذا الجاي تحاجي؟
-م م محد شجابك انتَ؟
-جابني حظج.

---------------------------------------------------

[المُقتطف الرابع]

-اصوات العالم واني مصدومه شدااشوف؟
بابا نايم وناگع بدمه وماما تعيط واخويا الي ميدري وين يروح وخالاتي التمو بسرعا واني واكفه احس اطرافي جمدت مااكدر اتحرك واوصل يمه اجو خوالي شالو بابا وراحو.

----------------------------------------------

[المُقتطف الخامس]

-رجعت من المدرسه وشفت هوسه بباب البيت كلبي انعصر تقرب عمو محمد عليا ودموعه بعينه كال
-تعاي بابا طبي جوا هوسه هنا
-عمو شكو ليش متجمعين هنا
-عمو اهدي واني افهمج
-عمو اهلي وين؟؟؟؟؟؟؟
-اهدي بابا......... اهلج ع الطريق صارلهم حادث.

---------------------------------------------

[المُقتطف السادس]

مسحت دموعي اباوعله يعني مو بس اني تعذبت حتى هو؟ مو بس اني عشت ايام مره حتى هو زين ليش؟ احنا ضحيه المن؟ شسوينا وتعاقبنا بهل طريقه؟ حقدت ع اهلنا حقد مو طبيعي بهل لحظه الشهگه بعدها بيا: كمل شصار بعد؟

---------------------------------------------

[المُقتطف السابع]

گالو الاطباء اديان صاير عدها خفقان وانهيار عصبي ومن هلسوالف انطوها علاج وگالو تگدرون تطلعوها قبل لنطلع دخل ادم يمشي بممرات المستشفى يدور علينا من شافنه استقرت عيونه ع مكان انتبهت يباوع ع لمار وهي حتى مشايفته درت وجهي استغفر  وهو عيونه عليهاا مشالها منها ولا لحظه سلم ووگف يمي حچه وهو يباوع عليها

-لَـــمار شلون صارت اديـ...

-ضليت صافنه بوجها هذا صدك ديحچي هو من انتبه لنفسه باوعلي مسح وجها وحمحم واستغفر وگال

-شلون صارت اديان

---------------------------------------------

[المُقتطف الثامن]

بين النايمه والصاحيه حسيت ع حركه بصفي ع السرير ماهتميت رجعت نمت وراها حسيت بـ جسم عاري يلامس جسمي كأنما اني ملابسه ملابس مدري شبيا اريد افتح عيوني مااگدر بالبدايه عبالي حلم بسس طولل الوضع وصحيت ع نفسي بس راسي مسطور وعيوني مغلوقات شهگت من حسيت لمسات صارت ع جسمي بصعوبه فتحت عيوني الغرفه ضلمه بس ضوه من الصاله داخللها شوي اگدر اشوف منو يمي بس مااميز ملامح

---------------------------------------------

[المُقتطف التاسع]

لفلفت نفسي بالغطا وكلي ارجف لا مستحيل متسويها باوعت عليه وتقدمت جرت حزامه من ع الچربايه وصلت يمي شاغت روحي من حسيت بلسعه الحزام ضربه والثانيه والثالثه عافتني من فقدت هم مدري شمنطيني والخوف الصابني والضرب انتهيت جرت حبل من الشباك رجف گلبي من شفتها

---------------------------------------------

[المُقتطف العاشر]

-فدوه اروحلك استعجل راح يموتونها اذا ماوصلنا بسرعه

-يعني شسوي گليلي اتصلت على الولد بلكي واحد يوصل قبلنا

-جسمي كله يرجف خوف هم صح عرفو بعلاقتهُم بسس هم اهلها مستحيل يأذوها يجوز الكلام السمعته بالاتصال بس يردون يخوفونها انهد حيلي علما وصلنا بيتهم صاير بنص بُستان كلش چبير سمعنا هوسه بنهايه البُستان وصوت عياط ركضنا اني ويااا

رجليا صرت مااحس بيهن من سمعت صوت امها تتوسلهم يعوفوها سحبني مُرتضى وركضت ورا شفتها بمنظر ياريتني ميته ولا شايفه هلمنظر الدم مغطي كل وجهها ملابسها الي لونهم رصاصي صايرات حُمر من الدم وتنزف من بطنها انهد حيلي اريد اوصللها اخذها بحضني مااگدر واني مركزه نظري عليها اشتعلت نار بالمكان الهي بي والنار غطتها واهلها كلهم ابتعدو بس امها تصرخ تريد تروحلها

هذا اخر شي شفته وبعدها دخلت بظلام دامس

---------------------------------------------

سَويت شوي تعديلات وضفت مُقتطفات اكثر بطلب من الابطال

لاتنسون التصويت سُكراتي 🤎✨