تحت مسمى القسمه والنصيب

البارت الثلاثون

تسوي روحَـك جـاي تنسه،وماتجيهم
ومِـن بَعيد هَواي تنشد
يمتى ناموا؟
يمتى فزوا؟
والقميص اللايگ عليهمِ تبدّل
بعده نفسه؟
تَسوي روحك تچذب وگلك صدگ
غطي گلبك،
ذاك هَوّ مبينّ بگلبك"عشگ"

__________________________________

تَـرتيـل "

-توجه للحمام بعد ماابتعد مني واني نايمه ع السرير دموعي تنزل تحرگ روحـي تعـبت اني والله تعبت حسبي الله عليكم يااهلي ،طلع وره شوي يلبس ملابسه بعصبيه وطلع ورگع الباب وراه صفنـت وتذكـرت الصار لعبت نفسي ركضت تقيأت گعدت بالحمام منهاره مر شريط حياتي قبل گدام عيني شلون چنت مرتاحه

طفله سعيده بحياتها تلعب وتركض مدلله عند اهلها واخوانها ماتطلب شي وينرفض كلشي تريده يوصل يمها شنو الغيرهم هيچ لـيش خلونـي انـذل بـهل طريقه گمت سبحت وطلعت نظفت الغرفه من الهوسه السواها والغراض الكسرهم ونزلت اذب الي خرب بالزباله لاگتني مرة عمي وجهها اصفر وتلوب بس شافتني باوعـتلي بـقهر تجاهلـتها وطلعت ذبيت الغراض وانـي جـاي ادخـل صاحـت

-ترتيل يمه

-نـعـم نـعـم نـعـم شـتريـدين؟

-يـمـه لاتزعلين منه زوجـچ هــو

-بـاوعتلها بـ استهزاء ودخـلـت اهــز بـ ايـدي
اختـنگـت حـيـل فكـرت اتـصل بـ امـيـر واسولفله وبعدين تـعوذت الشيطان وگـعدت هو البـي كـافي خطيـه لـفيـت راسـي وگـعدت ابـچـي بـخنيگ مااريدهم يسمعوني واني ابـچـي غـفيـت ماادري بـنفسي بـعـد لـحـد ثانـي يـوم فزيت على صوت امـيـر يـم راسـي يحچـي

-امـيـر: لعد رجلها وينن؟ شلون عايفـها وهـي هـيـچ مـصخـنه؟

-عـمـه مـو تعرفه عـنده شـغـل

-وهـاي الچـلبـه عايـفها هـنا وهـي مصخنه لا يـسأل لا حـتى يتصـل وانـتِ گـلتيلي اتصلتي بي؟

-عمه والله عنده شغل

-عمه لاتحلفون لاتحلفون بـ الله لا يسطركم شجابكم على الله انتوا؟

-خلف الله عليك يمه

-لا لاخلف الله عليه راح اخذها واروح ومن ارجع ارجعها لبيتنا وهذاك عندي حچي ثاني ويا

-اذا رجـع ومـا لگاها يحرگ الدنيا

-ايي طـ**** گام يرجف

-شالني امـيـر وحطني بالحمام مااگـدر اتحرك بـس من شفته خلاني بالحمام فتحت عيني بتعب همستله: اطلع اني اسبح

-بـس غسلي اخذچ للمستشفى

-مابيه شي

-شلون مابيچ شلونننن؟ حرارتچ عاليه ووجهچ اصفر شلون مابيچ
شجاچ متگليلي البارحه چنچ ورده مفتحه