تحت مسمى القسمه والنصيب

البارت السابع عشر

تَحـت مُسمى القسمه والنَصيب

للكاتبه حَـوࢪاء

فَزيت مُن حُبَك بعَد
ترخص گُمت مَا تغِلى
وحَليآن بغيابكَ نَعم
صَاير أنه هوآي أحلى
وحَتى بوگعتي آنه أختلف
وگعتهآ حلوهَ الگذله
عايش على الله و؏ الصور
مو سهله اشگهن اي چنت
بس هسه كلش سهله !

-------------------------------------------------

امـــير "

-اذا انت صدگ رجال تطلگ ترتيل وبأقرب وقت

تنهد طلع جگاره شعلها وحچه بحسره

-مااگـدر

-شنو اليمنعك انت متريدها ولا هي تريدك كافي هيچ باقين

-اني مااكره ترتيل لا غلطانين انتو احبها والله يشهد عليا بس مو الحُب الي ببالكم كل عمري اشوفها اختي ابد ابد مافكرت بغير هل شي هي اقرب وحدا النا من البنات تضحك وتشاقي وتسولف

تحسر وسكت

-اميـر: طفيتها ترتيل الچانت شمعه البيت طفيتها وكسرت ضحكتها

- مو بيدي كلشي انفرض عليا من ماانفرض عليها، هه هسا تگول ماكو ولد ينجبر حالك حال هواي ناس حچوها اگلك لااني جبروني حطوني گدام الامر الواقع ماچان الي غير خيار

-مادام بعدكم ع البر انفصلو احسن ما بعدين تتأذون

-گلتلك مااگدر ترتيل عرضي مااقبل واحد يحچي عليها واذا ننفصل انت متعرف بحچي العالم راح تضل تحچي عليها ويگولن ابن عمها وتركهاا اكيد شاف عليها شي

-اليحچي هيچ اگص لسانه

-انت مو بكيفك وتگص وتسوي هذااا حچي العالمم

-بس هي ماتريد يااخي وانت هم متريدها شعليكم بحچي العالم

-احنا عايشين بمجتمع يمشي ع حچي العالم صح نگول معلينا بيهم بس محد راح يرحمها الحچي ميصير عليا بس عليها وتعرف بمجتمعنا شگد مظلومه البنيا

-فهمني شسوييي فهمنييي

-لتسوي شي "هي هاي قسمتنا"

عفته وگمت ماادري وين اروح ترتيل حيل جاي تتأذه وهو متأذي اكثر منها ومابيدي شي اسوي حتى يرتاحون ويخلصون من هل موضوع ومن جهه لمار الي تكتم في سبيل متخسر ترتيل ومن جهه ثانيه يوسف الي مالحگته عافيه من يوم خطوبه ترتيل واني حاير بيهم كلهم

---------------------------------------------------

مَـــرام"

مر ع زواجي ٣ ايام وهو ماتقربلي وچنت كلش مرتاحه من هل ناحيه صح مخلصانه من اهله ومشاكلهم بس هم ميخالف المهم هو ممتقربلي ولا جابرني ع شي خواته اربعه وعشرين ساعه يمنا عبالك ماعدهن ازواج ولا بيوت والمشكله حتى جهالهن عايفاتهم ولا مهتماتلهم تروح وحدا تجي الثانيه وهكذا هم صح بيت عمي بس ابد مچنت متوقعتهن هيچ عنده ثنين خوات ممتزوجات