تحت مسمى القسمه والنصيب

الثالث والثلاثون

#تحت_مسمى_القسمه_والنصيب

لـ حـــوراء آلـ طائـي

آنة العايش على عيونك ،
آنة الما يدري وين يروح من دونك !
<><><><><><><><><><><><><><><><>

-اذا ماقبلتي اگول لخوالچ عدها علاقه بهذا الي تگعدين تسولفين ويا ع السطوح فـ ماعندچ غير حل اقبلي وفكيني منچ اني هم اريد اخلص واشوف حياتي كافي تعبتني برگبتي انت واختچ اريد اتزوج واشوف حياتي

-ضليت صافنه اريد استوعب الي داتحچي اشرت على نفسي وحچيت بتسائل:اني؟ عندي علاقه ويامن؟

-ويا نَـيـار اعرفچ اني يوميه اراقبچ من تصعدين للسطح وتضلين تسولفين ويا ومن تنزلين عود چنتي تقرين

-صدمتني صراحه اني حتى ماحاچيه ويا بس مره وحده من السطح وعرفت انُ هذا الچذاب گايللها اني عندي علاقه بالولد باوعتلها وحچيت بثقه: اني مامسويه شي ومتأكده من نفسي روحي گولي للتردينه اني مايهمني وعبدالله لو يبقى بس هو تعرفين اني ماراح اتزوجه

-خوش لـعـد اليوم احاچي خوالچ

-روحـي حاچي الي تردينه اني ماعندي شي

-باوعتلي صفح وراحت واني ضليت صافنه لهسه مامستوعبه هاي ام عود؟ مستحيل اكو ام تسوي ببنتها هيچ لـ الليل التمو خوالي وعادي هم بين فتره وفتره يلتمون واني لزمت گلبي گلت ع يا ساعه تحچي گاعده بالغرفه وايه تگمز فوك راسي دخلت امي وحچت بلا مقدمات

-فكرتي ؟ حتى اذا بعدچ رافضه اگول لخوالچ

-رفعت حاجبي وتقربت يمها: باعي حُبي لاتلعبين وياي هـ اللعبه اذا انتِ تحچين ماعندچ دليل وتتهميني باطل فـ اني اسولفلهم وعندي تسجيل صوتي اذا تتذكرينه؟

-بهتت وضلت صافنه عليه شوي وحچت: بس السالفه انسدت؟

-مو بهل سهوله حبيبي

-اريدچ ترتاحين ابن عمچ يحبچ ويريدچ وتگعدين يم اهلچ تاخذين اختچ يجوز اليتزوجچ مايقبل تاخذين ايه وياچ وانتِ متعلقه بيها شلون

-مااريد اتزوج هسه لاتضلين تدوريلي عرسان واطلعي برا وسدي الباب وراچ

-اذا مااكسر خشمچ العالي اني مو سناء

-حچتها وطلعت صحت وراها: مو گلتلچ سديييي البابب

-روحي طالعه منها وهي يوميه جايبتلي سالفه جديده وتكرهني بيها اكثر واكثر اني مااعرف شلون هددتها بالتسجيل بسس هذا الي لازم يصير اذا اضعفلها عادي عدها تبيعني مثل ماسوت قبل

<><><><><><><><><><><><><><><><>