تحت مسمى القسمه والنصيب

البارت الثاني

الكاتبه حَـوࢪاء
-------------------------------------
‌‏⠀
بلايـة وداع !
مثل العود من يذبل بلاية وداع
ومثل الماي من ينشف بلاية وداع
تدريني هرش واوجرت بية الگاع
يا رخص العشگ من ينشرة وينباع
--------------------------------------------
-لمار: سمعت صوت صياح جوا ركضت ع الشباك وجان انصدم بالشفته حسين لازم يوسف ويضرب بي!عطت
-بناتتت هاي شكو؟..... نزلنا نركض فاككوهم الولد وامير يصيح

-شبيكم صدك جذب هاي عود انتو الكبار
-حسين: كله مااشوفه ببيتنا مرت ثانيه النذل
-امير:لتضل تحجي حجي زايد شبيك؟
-ترتيل: شفتهم شلون صايرين بارود من الاعصاب واني بس دموعي تنزل فات حسين من يمي خزرني ومشه اباوع ليوسف يمسح الدم الي بوجهها ودخل جوا راح ورا امير

-وين مولي ؟
-امير بعد ماالي كعده ببيتكم باوع لتخلي يضرب ترتيل هي بأمانتك
-شدخل ترتيل بالسالفه شبيك؟
-بعدين تعرف
اباوعله راد يطلع باوع عليا عيونه مدمعه تقرب يمي حط ايده ع خدي وهمس

-بالج ع نفسج يروحي انتي واي شي يسألج عليه حسين ذبي براسي خوش؟
-لا مو خوش هو مو ذنبك
-ولا ذنبج افهميي
-راح وعيني ورا
-اديان: اباوع ع ترتيل موتت روحها بالبجي كاعدين نسكت بيها وجان ينفتح الباب بقوه ويدخل حسين صاح

-ترتيل لحكينيييي للغرفه بسرعه
-اباوعلها لزمت ايد لمار وايدي همست
- هذا مجرم والله حيضربني ادري بي
-لمار: اشش ميسويلج شي .... شوي وسمعنا صوت امير جوا يكله معليك بيها اني هم اخوها لازم نفتهم منها مو كله ضرب
-ترتيل:سمعو اكيد حيضربني

-مرام:ميضربج لتلحين امشي ننزل.....نزلنا امير واكف كدام الدرج وحسين لازم الحزام بأيده وكفت ورانا ترتيل خايفه منه...... صاح
-نزلي احاجيج
-نزلت ترجف لزمها امير من ايدها ورا ضهره وكال
-تعاي يروح اخوج تعاي

-ترتيل:كعدت يمهم وهما منتضريني احجي واني ارجف حجه امير بهدوء
-احجي توته تحبينه.......بعدني محاجيه وصاح حسين
-متحجييييننننن؟؟

-ا اي
-امير: من شوكت؟
-حسين: لا وجاي يسألها خاب شو انطينيها خل انعل الخلفوها
-امير: حسين انت اخوي الجبير لتخليني اتجاوز عليك هي حبت ماسوت جريمه شبيككك؟
-حسين:هو منو طيح حظها غيرك انت وابوك خليجي واكله اشوفه شيسوي ابن اخته الكو*د شلون يخونه واحنا حاطينا ببيتنا ومأمنين بي
-امير:شسوا هو شسوا كلي شسو حب ترا مسوا شي يعني انت مو حبيت وتزوجت؟

-اني حبيت وتزوجت هو جاي يضحك عليها
-شمدريك يضحك عليها
-اني اعرفه
-ايي هو يعرفه استغفرالله ياربي
-مرام:الجو متكهرب وترتيل بس تبجي وامير صاير وياها وحسين متحلفلها نهو السالفه بأنو هي وعدتهم متحجي ويا بعد.... اباوعلها تبجي وترجف اخذو حاجيتها
-توته حَبيبي هسا يجي يخطبج وينتهي كلشي والله وتصير سوالف

-ترتيل:مراح ينطوني اله والله
-لمار:دكولي ياالله شبيج؟... نحاول نصبرها وكلنا نعرف شنو النتيجه ونعرف مراح ينطوها رجعنا كلمن لبيتها بعد ماتطمنه عليها دخلت للبيت لكيت ماما وبابا بالطرمه جنهم عصافير حب صحت بصوت عالي
-اجت شمعه بيتكم
-الاب:هلا ببنيتي هلا