تحت مسمى القسمه والنصيب

البارت السابع والعشرون

#تحت_مسمى_القسمه_والنصيب

لـ الكاتِـبه حَـوࢪاء آل طـائي

"اديــان"

مَن بَرا تلگاني ابتَسم
مِن جوه اطگ مَن البَچي
مابيَه اكمل هلدرب
تَعبانه!
خَلوني انتچي

-----------------------------------------

اديــان"

‏ ‏"شعرتُ في كثيرًا من المرات بأن البُكاء لا يكفي، الحديث لا يكفي، والنوم أيضًا لا يكفي، شعرتُ حينها بمعنى كيف للمرء أن لايسعهُ أي شيء"

-بَـديت افتح بـ الصور وحيلي كُـله يرجف صوري بوضعيات واشكال لعبان نفس المُـشكله متأكده مليار بالميه اني مامصوره هلصور؟ اصلا واضحح اني نايمه ومصوريني لـ لحظات ردت اهجم على امي لأن ماكو غيرها تسوي هيچ بس بسرعه صلتني رساله من نفس الرقم

"ها يحلو؟ شلونهم الصور؟

-منو انت؟

-افاااا ناسيتني حَبيبي؟

-احچي منوو؟

بعدني دااكتب ووصلتني صوره جمدتني بمكاني رجعتني لنقطه الصفر لذاك اليوم المشؤوم نفس الولد الي چان ويا امي الذكريات صارت تتمطر عليه گمت اشوففف المنظر ذاك عبالك توه ديصير عصرت راسي واحس عيوني تطلع شرار كتبتله

-شتريد مني؟

-اخخ كلشي اريد
-لتضل تمسلت احچي بسرعه

-اول شي لاتخلين واحد يعرف بالموضوع حتى صورچ متصير بمواقع اباحيه وتنذبحين

-لاتستفزنيييييي احچييييي

-حبيبي العصبيه مو زينه عليچ بشرتچ تتجعد خليني اعوفچ هسه من تهدأين اراسلچ

-وين مولييييي تعالل فهمني شتريدد لاتخبلني الصور تحذفهن لااهجم راسك

-شتسوين بلا؟بس لا **** يمعوده ديري بالچ لاتتعبين واضافرچ تتكسر هدي نفسچ وولي نامي ولاتتجاوزين لا اندمچ

-حظرني وراح بقيت اكل بنفسي صوري فضيحههه فضيحههه كلهننن بلااا ملابسسس تخبلت شسوي وين اروح لحد ما انفجرت بالبچي اخذت موبايلي ورحت لغرفه امي دفعت الباب ودخلت

-سناء: شبيچ مثل الهمج داخله عليه شتردين؟

-بس لا مشغوله يمه؟

-ايي ويلا اطلعي بره

شمرت الموبايل عليها واني داخله ع المحادثه گالت وعينها ع الموبايل بلا ماتاخذه: شنو هاي؟

سحبت الموبايل شافته وفتحت عيونها بصدمه واني انهاريت الطم واعيط بكل ماعندي صوتت: حراااممم عليچچ شسويتلچ حتى تسوين بيه هيچ يمهههه اني بنتچ لحمچ ودمچ ليش هيچ تأذيني؟