تحت مسمى القسمه والنصيب

البارت التاسع عشر

#تحت_مسمى_القسمه_والنصيب

لـ الكاتِـبه حَـوࢪاء

-------------------------------------------------

مرّني چِذبة
مرّني عيد بلا ظفيرة
لو حِلم مَغشوش مرّني
وانتَ تدري ركضة المَحروگ
ركضتها السنين
وكل بَسامير التوابيت اشتهتني
وهل مِتت موتت غَريب
بلايه بَچيه بلايّه أُمي
بلايّه أنت بلا ونين
وهَلبعدها عيوني مَفتوحه على طولَك
ردّلي بَس سَرگيلي عيني يَ الحَنين المو حَنين .

-------------------------------------------------
لَــمار"

-فتحو الظرف لگو بي طلقه وسچينه صغيره دخلو انذار وكل واحد يحچي شكل راحو لكامرات الجيران وحچو ويا الولد الي ساعد اديان معرفو شي السيارات مضلله ومابيهم ارقام ابو ترتيل بمعارفه گدر يعرف كم معلومه يومين من البحث يلا توصلو ان الدخلو للبيت نفسهم الي قتلو ابو اديان

دخلنا برعب مو طبيعي خصوصاً من گامت يوميه توصل لاهلنا تهديدات اشكاال يوم للولد بجامعاتهم يوم النا بالمدارس يوم لعمامي بالشغل كلهاااا مرعوبه امهاتنا مبطلت بچي وادعيه بسس شيسوون مابيدهم شي اصلا مظعرفون اماكن الي هددو حاسبين حساب لكلشي من صدك مجرمين

اديان ماادري شبيها ضعفت حيلللل وعبالك كبرت ميه سنه كلهمم عبالهم نفسيتها تعبت من الصار بس محد يعرف بگلبها ولا حتى احنا وامها الخوف واضح بعينها بس معبالك خوف ع بناتها لا خوف ع نفسها مدري من شنو اجينا كلناا وحتى مرام هم اجتت لان سمعنا بيها متخربطه وناقليها للمستشفى تخبلنااا بچي وصياحح صاحت مرام بكل صوتهااا

-فدوا اذا بيهااا شييي احچوو فدوااا

-امير:لتعيطن شبيچن مابيهااا شيييي

-مُرتضى:يعني اذا بيها شي احنا نگعد گبالچن

-لمار:اخذوني الها

-امير:يابه هسااا بس اسكتن هسااا اخذچن

-مُرتضى:وين توديهن وينن لخاطر ربككك هو لعب؟

-مو تشوفهن شصاير بحالهن ناخذهن يتطمنن عليها

-استغفرالله يربي ...فضنها خمس دقايق استعجلن تتأخرن نروح

-ترتيل:هسا نجي

مـرام"

ركضنا لبسنا بشتات وطلعنا بوجهنا للمستشفى اول موصلنا سأل مرتضى ع مكانهم ودلونا صعدنا خوالي كلهم هناك وولد عمها هم وامها گاعده ع صفحه لازمه موبايلها ولا عبالك الي بالمستشفى بنتها صاح عبدالله ينتر بالولد

-عبدالله:انتو متگدرون تتحملون مسؤليه البنات جيبوهن النا احنا اهلهن من تحچون بس انتو وانتو وبنات مگدرتو تديرون بالكم عليهن بس حچي