بلا ذنب

part 6

عدت إلي منزلي ولا اراي امامي إلي صورة انهياريها كلماتها مست قلبي وذكرتني بفقدان ابي وامي وبعد ان استدعينا الطبيب واعطاها مهدئ لم يكن هناك مفر من انصراف الجميع وظلت إلي جوارها احد زوجات اعمامها عجبا فقد اسقطت دموعي التي ظننت انه لا وجود لها ولكن اسوء الامور هو انني اشتقت لتميم وامه التي كانت لي بمثابه ام بعد ام تمنيت لو كان امامي ف افضيت إليه بكل الالم وحدتي ولكن فات اون ذلك حاولت الهاء نفسي وندمت حقا علي الغاء الحصص المخصصه لليوم اغمضت عيني علي ارجوحتي قليلا فوجدت اماندا امام عيني تبتسم وتنظر لي بسحرها الاخاذ حاولت الاقتراب منها فوجدتها السراب ففقت من غفوتي واتخذت قراري بالذهاب إليها لطلبها من والدتها لعلي افوز بها تلك المرة ارتديت ملابسي ونزلت سريعا ممرت باحد محلات الحلوي المشهور واخترت تلك الكعكه التي تحبها و ذهبت إليها ظللت في سيارتي وقت ليس بالقصير مترددا في صعودي المفاجئ وانا اعلم انه ردت فعلها لن تكون بالهينه ولكني في اتم الايتعداد لبذل كل ما في وسعي كي افوز بها حسمت امري و لكن في تلم اللحظات وجدتها امامي تغادر سيارتها ويبدو عليها اثار البكاء حتي ان عينيها قد تورمت كان حزنها يذبحني حقا فذهبت بأتجاهها
ادهم : اماندا اماندا
اماندا : انت تانب مش كفايه خربت بيتي عاوز ايه تاني
ادهم : انا بحبك محستش بنفسي وانا بعمل كده من كتر ما حبك سيطر علي عقلي وتفكيري
اماندا : ده مش حب اللي بيحب ما بيأذيش وانت تعمدت تأذيني كنت عارف انه تميم جاي وراك وبرغم من كده عملت عملتك السودا
ادهم : مخي وقتها ما ترجمش غير انه بيحبك وعاوزك
اماندا : انا بكرهك دمرت حياتي وخسرتني بناتي
ادهم : مقدرش اتحمل الكلام ده منك انا جاي هنا لاني نفسي اتجوزك واسعدك واعوضك عن كل حاجه وحشه شوفتيها
اماندا : كل الوحش اللي شوفته كان علي ايدك وبسبك ابعد عن حياتي ومش عاوزة اشوفك مرة تانيه قدامي
ادهم : وانا مش هبطل احاول اخليكي ليا ومعايا
نظرت لي بنظراتها الحزينه نظرة غامضه لم افهم ما تعني ومن ثم انصرفت من امامي بلا وداع ظللت انر في اثرها فترة لا بأس بها ولكن ما ان رفعت عيناي واتجهت إلي حيث سيارتي حتي اجزم انني رأيته نعم انه تميم حقا ولكنه اختفي بلمح البصر كيف اتوهم شئ كذلك هل جن عقلي ام انني اشتقته حقا
******
كنت عائدا من الخارج حينما وجدتها امام المنزل ظللت انتظر اي فعل منها ولكن بعد مده من الزمن انصرفت تذكرت كلمات امي انها بريئه وكان تصرفها يثبت ذلك تحرك قلبي لها لعلي اشتقتها لا اعلم فتلك مرتي الاول في رؤيتها منذ ذاك اليوم حينما تحركت بسيرتها وجدتني اتبعها رغم عني وقررت الحديث معاها لعلها تبرء نفسها بعيني ولكن عبثا فعلت ف كان حبيب القلب ينتظرها اسفل منزلها لم يصل إلي مسامعي كلماتهم ولكن يبدو انها لم تنهره اذن فكان علي ما يبدو انه معاد مسبق الاتفاق بينهم اظنهم ينتظرون انتهاء اشهر العدة كي يرتبطا كانت طعنه جديده علي قلبي فكنت اتمني ان تكون امي علي حق ولكن هيهات فالخيانه في دمائهم لن اترك لهما بناتي علي طبق من ذهب بلا مجهود فكيف اتركه يسرق ابنتاي بعدما سرق زوجتي
لن انتظر ايام الإجازة فسنسافر غدا وسأرسل لامي اورق الاقامه من هناك كم اشعر بالدماء تفور في رأسي اتمني ان اخرب علاقتهم كما خربا حياتي ولن يؤرق منامها الا غياب ابنتيها
******
حسناء حسناء فوقي ياحبيبتي
حسناء : ماما انتي هنا
الام : اه ياحبيبتي هروح فين انا دايما معاكي
حسناء : بابا سابني يا ماما
الاب : عمري ما سيبك انا جنبك كل وقت وشايفك
حسناء : قالولي انك موت
الاب : انا جواكي
الام : احنا حواليكي صح منقدرش ندخل في حياتك بس تقدري تشوفينا بقلبك يابنتي
الاب : طول عمري غارف بنتي قويه قويه اوي اوعي تضعفي وخليكي مع ادهم ادهم هيقوكي ادهم هو السند
حسناء : ادهم مين
ولكن اختفي الاب والام ولم يجيباها
حسناء : بابا ماما روحتو فين وسيبتوني تاني
شريفه وهي تضمها : حسناء ياحبيبتي فوقي انتي اكيد بتحلمي قومي يا ماما ياعيني عليكي يابنتي مالكيش حظ ابدا وبقيتي كمان وحيده الله يعينك لو ترضي والله لا اجوزك واحد من عيالي وتفضلي في حضننا دايما
استفاقت حسناء ببطئ فلم تسمع كلمات شريفه : هو بابا فين
شريفه : ياحبيبتي الله يرحمه انتي طول عمرك قويه وهو اكيد حاسس بيكي ومش عجبه وقعتك دي
حسناء بصوت يغالبه الدمع : متقلقيش انا كويسه هو علاء مشي
شريفه : مظنش هيرجع تاني بعد العلقة اللي اخدها
حسناء : عشان متعرفيهوش طالما جيه مش هيسبني قي حالي
شريفه : يبقي لازم تقعدي معانا
حسناء : اقعدي انتي معايا انا مش عاوزة ابقي لوحدي
شريفه : حاضر يا حبيبتي اهدي انتي ونامي
******
مجهول : ياعني ورثها ده يطلع كام كده بالصلاه علي النبي
علاء : الشقه اللي هي فيها ومكافئة ابوها من الشغل و الاراضي اللي فالبلد وبيت هناك بردو والشقتين اللي كنا عايشين في واحده فيهم  ياعني حسبة ٤ او ٥ مليون بس واكيد في فلوس سايله هنا ولا هنا ودهب امها يعملم يجي ٢ كيلو دهب الوليه كانت في كل مناسبه تاخد بنتها وتنزل تجيب حاجه دهب
مجهول : وهي هترضي ترجعلك بقي ان شاء الله ده انت مطلقها بفضيحه هتثق فيك ازاي
علاء : دي هبله كلمتين تلاته حب وغرام يثبتوها وان مكنش فيديوهاتها معايا وصورها واحنا متجوزين موجوده وممكن تنور النت في ثواني ويا كده يا النص بالنص
مجهول : يخربيتك ده انت مخك سم
علاء : والله هي جت كده ياسطي وانت عارف الواحد مزنقه معاه ازاي والحياه فرص لازم نستغلها
مجهول : ربنا مايجيبنا تحت ضرسك
علاء : ولو جيت هبقي حنين متخفش
مجهول : وولاد عمها اللي مخرشمينك كده هيسكتولك مش بعد يدفنوك حي
علاء : الصور يابني الصور دي كنز هيخرصهم كلهم ده انا لو طلبت ورثها هيوافقو دي عيله بتترعب من الفضايح
******
اياد : يلا انا داخل علي البيت انزلي عشان معادك عند الدكتور
مريم : يابني انت بردو حجزت هروح عشان شويه نقص كالسيوم ولا حبة تعب من الجري ورا العيال
اياد : اهو نطمن بردو ياستي هتخسري ايه
مريم : ماشي هقوم اجهز اهو
وارتدت مريم ملابسها كان الم ظهرها فوق احتمالها و قد تضاعف الالم في الفترة الاخيرة بل انه يزداد يوم بعد يوم ولكن كان كل توقعها انه نقص كالسيوم او من حقنة البينج النصفي لم تتوقع شئ اكبر وصلا للطبيب الذي استمع إلي شكواها جيدا ومن ثم طلب ان يفحصها واعاد بعض الاسئله علي مسامعه وكانت تجيبه متعجبه
الطبيب : طب هو احنا هنحتاج مقطعيه علي الفقرات القطنيه عشان نشوف الوجع مصدره ايه
اياد : حضرتك متوقع ايه سبب الوجع
الطبيب : خلينا منسبقش الاحداث في اكتر من مشكله للاعراض اللي بتوصفهم المدام مابيظهرش الا فالأشعه
اياد : تمام ان شاءالله الصبح تعملها
الطبيب : والاستشارة اول ما تستلم الاشعه تمام وهنعمل شوية تحليل كمان عشان نطمن علي كل شئ
مريم : بس يا دكتور مفيش اي كريم او حاجه تسكن الوجع ده الموضوع صعب اوي بحس انه عمري عدي ال ١٠٠ سنه من شدة الوجع واني مش قدرة اتجرك كمان مبقيتش بعرف اسوق نهائي في كهربا بتبقي في رجلي مقدرش اتحكم خالص
الطبيب : انا حاليا هكتبلك مسكن قوي للالم ده مقدرش اكتب اي نوع علاج تاني قبل التحليل والاشعه للاسف عشان مبقاش بضرك
اياد : تمام ان شاء الله نعملهم الصبح وبمجرد ما النتيجة تظهر هنيجي
الطبيب : في انتظاركم