طريق الهداية 🌙مكتملة🌙

الجزء 17 🌙

🌙........طريق الهداية.......🌙
🌸بقلم :سعيدة🌸
👑الجزء 17👑.

عند دار ياسين كانو مجموعين كاملين وكانت عندهم فدوى لي جات تزورهم

اميمة: بنتي كيف غادة مع لحمل
فدوى: حمدلله دبا مزيان حسن من الاول
فاطمة: واش كنتي في حمام ابنتي
فدوى: لا علاش
اميمة: وعلاش مغطية شعرك ولابسا طويل مملفاش بيك
فدوى: قررت ندير حجاب
سناء: كفاش لا ابنت خالي نتي اتر عليك حمل ديال بصح
امال: هدشي مفيهش شك حجاب وطويل غتحرمي حياتك ونتي باقة صغيرة
فدوى: عجبني بغيت نديرو
سناء: باقة صغيرة او باغية تحرمي راسك من حياة عيشي حياتك
اميمة: مالكي ابنتي على حالتك
فدوى: عجباتني بنت لي كانت ديراه وماخبى والو من جملها بلعكس زادها جمال بسبابها تصالحت مع راجلي وفادتني بزااف او اصلا قريت حجاب فري
اميمة: شكون هادي وفين تلقتيها
فدوى: مشيت عند خويا لدار او لقيتها تماك باينة من اطيب خلق الله او ضريفة وعارفة بينها او بين الله
اميمة: كينا مع ولدي كفاش
امال: من اطيب خلق الله او جالسة مع راجل في دار بحدهم فنهوا منطق
سناء:( بتسمات بمكر) مزيان
فاطمة: راك نتي لي نية دغيا ضحكات عليك هاديك شي شطانة باغية ضور بيه
سناء: ياسين هداك متاخوش عليه
فدوى: إن بعدا ضن إثم متهضروش ونتوما معرفينهاش
اميمة: غير حيدي دكشي بلا متسدي على راسك عيشي حياتك ها حنا مديرينوش اش وقع لينا او متبقايش نية لي جا يديك بشراوطك
كلسات معاهم شوية وقلبها داق من لي قالو ليها او عي ممتاكظاش مزيان واش فريضة ولا غير ختياري ستأدنات منهم او ناضت خرجات كان في بالها غير مريم هي لي غتفهم منها مشات لفيلا عندهم دخلات لقات مريم او إكرام كيقراو قران غير شفتها او وقفات
مريم: ختي فدوى لباس عليك
فدوى: حمدلله إكرام لباس
إكرام: لباس
مريم: ياك معندك شي مشكل
فدوى: صراحة انا منهار شفتك بقا قلبي متعلق بيك عجبني تصرفك او شكلك قررت حتى انا ندير حجاب ولكن من بعد هضرة لي سمعت معرفتش واش انا على خطأ ولا صواب
مريم: اجي جلسي ورتاحي ونهضرو بشوية
فدوى: وخا واش بصح لدرت حاب غنتحرم من حرية
مريم:(ضحكات ) علاش غتحرمي بلعكس حجاب سترة للمرآة
فدوى: وعلاش كنديرو حجاب
مريم: امرنا بيه الله وذكر في القران 3 اياة الاولى( وليضربن بخمرهن على جيوبهن) وتانية (يا أيها النبي قل لأزواجك وبناتك ونساء المؤمنين يدنين عليهن من جلابيبهن)،وثالثة
(وإذا سألتموهن متاعا فأسالوهن من وراء حجاب)
ماشي هدشي كيدل على ستر المرأة
فدوى: بصح ممكن تشرحي ليا كتر
مريم : غنشرح ريك المعاني بثلاثة باللغة العربية
فالخمار هو ثوب تغطي به المرأة رأسها،
والضرب على الجيوب يعني أن ترخيه ليستر الرقبة والصدر،
والجلباب هو قميص واسع طويل له أكمام وغطاء للرأس وهو من الملابس الشائعة بالمغرب،
أما الحجاب فهو الساتر.
فدوى: يعني ندير حجاب
مريم: اكيد إلى كان قلبك عامر بحب الله ورسوله او لباس 2 انواع
الأول ساتر للجسد وهو فرض أمر الله ورسوله به،
والثاني لباس ساتر للروح والقلب وهو خير من الأول كما قال تعالى
(ولباس التقوى ذلك خير)،
لأن المرأة تقدر تكون محجبة جسديا ولكن فاقدة للباس التقوى،
والصواب أن تلبس المرأة اللباسين. او في الاخر غنلبسوه راه راجل كيتكفن بي 3 ثواب او مرآة كتكفن بي 5 ثواب محسن نتحجبو هنا في دنيا بي رضا الله ولا حتى نموتو ويكفنونونا وحنا على معصية
فدوى: شكرا بزاف ملي سمعت هضرة لي تقالت ليا مرضت او قلت نجي عندك كنت حايرة
مريم: عمرك متخلي هضرة تاتر عليك ديري لي نتي مرتاحة ليه وخلي قلبك متعلق بالله
إكرام: حتى انا بغيت ندير حجاب
مريم: حتى تكبري إن شاء الله وديريه