طريق الهداية 🌙مكتملة🌙

الجزء 39 🌙والاخير🌙

🌙........طريق الهداية.......🌙
🌸بقلم :سعيدة🌸
👑الجزء 39 والاخيييير 👑

من بعد 15 يوم لي حدو لعرس دازت غير في توجاد قدرت مريم تغير نضرت اميمة تجها بمساعدة امال لي تبدل فكر ديالها او حتى هي بإرضائها قرات تلبس حجاب  وداك لكتاب لي عطاتها مريم غير من حياتها بزااف مريم لي لبسات نقاب فهاد مدة او كانت فرحتها متوصفش  

ليلة العمر و الفرحة فدار جمال كملات   وكلشي حاضر مشاركين مالين الدار فرحتهم   دايرين عشا بسيط بين العائلة و الجيران  هي مبغاتش عرس كبير وهوا دار ليها خاطرها جمال العرس فبساطتو خصوصا لمريم لي من ديما كتمنى من الله يرزقها راجل مزيان ابغيها و يصونها و يحترمها و الراجل لي ديما كتفكر فيه و ملك قلبها و عقلها هاهي ليوم اتمشي عندو عروسة و تولي مراتو...كانت جالسة فبيتها لابسة لاغوب بيضة بالنقاب بيض  عينيها لي كيبانو  بحر من عسل.كتشوف في خاتم عرسها بتسامة على شفيفها تحت نقابها  جات عندها عمتها او امال واميمة 

امال: تبرك الله جيتي كتحمقي
مريم: شكرا
فاطيمة: ليوما سي ياسين ميبقاش ليه لعقل
امال: حشمتيها  متخافي من والو كلشي غيدوز مزيان
مريم: إن شاء الله 
اميمة: انا فرحانة بزاف حيت غتولي مرت ولدي بصح في لول كنت مبغبتش هدشي ولكن دبا عرفت راسي كنت غالطة بنت بحالك نعمة كبيرة ممنهاش جوج
مريم: لي درها الله فيها خير لينا   ونتي مدرتيش شي حاجة غلط عادي تصرفي هكاك حيت مكنتيش كتعرفيني
اميمة: مبروك عليك
مريم: الله يبارك فيك
اميمة: ويلاه دبا راجلك كيتسنا فيك
مريم: غنمشو دبا
فاطيمة: جات وقيتا لي تمشي لدار راجلك
دخلات رحمو لي باين فيها حزن
رحمة : (شداتها لبكية ) ماسخيناش بيك ابنتي و لكن حياتك مع راجلك تهلاي فيه و تهلاي في ناسك
مريم: غنتوحشكم
رحمة: هادي هي سنة الحياة ودار بنات خالية
عنقاتها كتبكي و مريم  دموعها شلال كتعنق ف خلتها و مها و عاد خرجات شهقات خفاف فحلقها  بداو كيصلو  على نبي حتى خرجو من دار و عنقات باها و خوها حمزة  كتودعهم  كان ياسين وحداه ولاد عمو او باباه قربات حداه حدر ليها التبقة تانية من نيقاب خبا ليها عينيها هاد تصرف لي خلا كلشي يبتاسم  ركبات فطوموبيل حداه  و كتمسح دموعها اما ياسين غير كيشوف فيها و عارف شحال صعيب لبنت تزوج و تبعد على وليديها
عذرها و حط يدو على كتفها حسيها بالامان
ياسين: انا مغنحرمكش من واليديك وقت مبغيتي جي شوفيهم
مريم: بتسمات وسط دموعها.....إن شاء الله ولكن فراق كيكون شوية صعيب
ياسين :ضروري من هاد لحضة

مسافة طريق  نزلو في فيلا  .دخلو لدارهم  هاهية هاد مرة دخلات ليها عروسة  هزها لبيتو دابت فيه او من تصرفو داها لبيتو و كتشوف فشكلو اول مرة دخل ليه وخا كانت في دار معاه
كان بيت بي لكري ولكحل ولبيض تصميمو زوين بزاف خرج خلاها تاخد وقتها و داكشي لي دارت حيدات لاغوب ديالها و نقابها و خدات بيجامة  لبساتها و طلقات شعرها جمالها زاد برز بشعر طويل والاشقر وعينيها لي فيهم لون خاص اما شفيفها لي كيحمقو  دخل ياسين لعندها لي تبلوكا فيها قلبو ضرب و ماينكرش احساس الحب لي حس بيه  اما هي بداتها رجفة من صباع رجليها خصوصا انها معاه بوحدهم ...قرب ليها و شد يدها بيديه و باسهم ليها و نطق
ياسين  ربي كيبغيني منين صيفطك في طريقي
مريم:(ابتاسمات و تشجعات باش تهضر وخا حشمانة) ربي كيبغيني انا منين حقق ليا امنية قلبي وخلاك تكون نصيبي
هز ليها راسها بيديه ذايب فيها وفملامحها  حركاتها  خجلها كولشي فيها  مخليه بلاعقل طبع قبلة على جبينها قبلة رضى وحب .نزل لخدودها كل خد بوسة د لي خلاو مريم ترجف بين ايديه. وطبع قبلة صغيرة على شفايفها الوردية .وبعد وهوا مساخيش .أما مريم   ومقداش تنطق أول قبلة ليها لزوجها حب حياتها دابت في تصرفو  هدشي كان بزاف عليها اول مرة تعيشو
ياسين:خلينا نصليو...
حركات راسها بوخا..

بعد صلاتهاا ودعاءها لحياة زوجية سعيدة   توحدات اجسادهم فليلة حب .ليلة سلم كل واحد فيهم قلبو وجسدو للآخر
ثقة مريم فحبها ودعاءها كتب ليها ياسين في نصيبها  اتزوجو ويعيشو حياة زوينة  كانت سبب في طريق هدايتو كفاش لقاهم القدر وكفاش سلات قصتهم بحب وزواج 

👑......بعد مرور سنة  ....... 👑
كانت في سبيطار وكلشي كيتسنا برا اما ياسين لي كان خايف كتر من اي واحد مرتاح قلبو حتى سمع صرخة ديال وليد صغير  طاح ساجد شاكر لله من بعد دقائق    خرج عندهم طبيب او علمهم بلي ولدات مزيان او صحة لبنية تهيا مزيانة دخل كيجري عندها كان باين عليها تعب ولادة قرب حداها وبسها في خدها
ياسين: شوية
مريم: حمدلله
ياسين: بنية كتشبه ليك
مريم: ضحكات وسط المها..: نسموها اماني
ياسين: خير الاسماء غير ولي بخير ونسموها لي حبيتي
مريم: إن شاء الله
فين ماما وخالتي اميمة
ياسين: انا نعيط عليهم وحتى إكرام جات قالت ليا بغات تشوف بنية هي لولة
مريم: بصح قول ليهم يدخلو 
ياسين: انا غنعيط عليهم

دخلو عندها وباركو ليها فرحتهم كانت كبيرة بأول حفيدة في العائلة

النهاااااية💚