طريق الهداية 🌙مكتملة🌙

الجزء 18 🌙

🌙........طريق الهداية.......🌙
🌸بقلم :سعيدة🌸
👑الجزء 18👑.

كانت واقفة قدام مريتها من بعد ممشطات لإكرام كتمشط شعرها لي كان طويل او دهبي تفكيرها كلو فهاد زواج او شنو نهايتو وفي عائلتها لي توحشاتها ولكلية لي مبقاتش كتمشي ليها جمعات شعرها ودارت فلارها إكرام نعست بقات غير هي مسيطر عليها تفكير مقدراتش تنعس هزات مصحفها صلات 2 ركعات او كلسات كتقرى بصوتها لي كان في واحد الامان في شكل صوتها لي كان حنين او فيه واحد دفئ خاص

كان جالس في بيتو او حاط حداه كاس قهوة او شاد وراق كيخدم فيهم حتى وصلو صوتها لي خلاه يحط دكشي لي فيديه وناض تبع صوت حتى لقا راسو قدام بيتها بلا ميشعر حل باب او بقا كيشوف فيها او كيسمع تزير عليه قلبو او حس بندم معرفش علاش ولا شنو لي خلاه يوقع ليه هكا نزل عليه صوتها بحال رحمة ورغبة في بكاء رجع مكرهش يبقا غير سمع فيها ومتسكتش رجع بيتو ولكن هاد مرة معندوش رغبة في خدمة دخل فراشو وكل تفكيرو فشنو واقع ليه حس بأنا الله كيخاطبو رجع خرج ومشا لبيت لقاها نعسات قرب حداها او بقا كيتأمل راجع نفسو او عرف بلي كان غيرتاكب اكبر خطآ في حياتو ولي مزال معرفش شنو لي منعو وهوا غضب كان عامي ليه عينيه

🌞صباح جديد🌞
فاقت على هضرة بجهد وسداع حيت بيت مكانش مسدود ومنتبهاتش ليه عند فجر خرجات بزربة وسدات وراها باش متفيقش إكرام هبطات كانت بنت واقفة مع ياسين وكتغوت
سناء: واش نتا مريض واش نسيتي راسك
كان غير ساكت وكيشوف فيها مخليها تهضر
سناء: نسيتي باش وعدتي ماما قلتي غتاخد ليها حقها وتنتاقم من داك جمال او تغتاصب بنتو باش يحس بنفس شي لي حسات بيه ماما ولكن شنو درتي مقدرتيش توفي بوعدك شحال منهار وهي مكاك علاش مقدرتيش تريح ماما وتريحنا
ياسين(ببرودة)اول حاجة خفضي صوتك وعرفي معامن كتهضري وثاني حاجي هديك عمتي قبل متكون ماماك وكتهمني كتر منك
سناء: وعلاش كدبتي عليها ماما كل نهار كتعدب او عايشة غي بالادوية باش ترتاح خصها تشوفو مضمر ونتا عارف كفاش ولكن علاش باقي مطبقتيش

سمعات كلامهم ودموعها تحجرو في عينيها عرفات لاش جابها ولكن لي الضمرها كتر باباها غتاصب مرآة وهوا في حالة سكر ضمر ليها حياتها مبغاتش دخل ليها لراسها دبا هي جيبينها هنا غير باش ينتاقمو منها بسبب غلط دارو باباها دبا 2 غلاط وهي لي غتحاسب دنيا ضارت بيها وقلبها تزير دموعها بداو هبطين شوية بدات كتشهق ولكن بلا متشعر بدات كتغوت من حر صدمة ماشي ساهلة عليها لتافتو ليها عرفوها سمعتهم جا كيجري عندها
ياسين: مريم مالكي
سناء: مالها عرفاش اش دار باباها ياك مبقات فيك
ياسين: سناء سيري من هنا قبل منرتاكب فيك شي جريمة عرفاني مغنرحمكش وغنسا واش انك بنت عمتي
شافتو شحال تعصب خرجات بلا متعودها معاه حيت عارفة لتعصب مبقاش كيعقل على حتى واحد
مريم: ميقدرش يدير هدشي بصح هوا كيسكر وكيلعب قمر ولكن مستحيل يغتاصب شي وحدة يمكن غير فاهمين غلط عافاك خليني نشوفو ونهضر معاه غير نفهم منو