طريق الهداية 🌙مكتملة🌙

الجزء 24 🌙

🌙........طريق الهداية.......🌙
🌸بقلم :سعيدة🌸
👑الجزء 24👑.

رجع لدار مشا لبيت لي كانت فيه اول مرة يحس بالوحدة ودار خاوية وخا كان كيعشق يبقا بحدو دكشي علاش بعد على دارهم ولكن دبا حس بالامر مختالف بقا كيضور في بيت وكيتفقدو حتى لفت إنتباهو كتاب فوق مجر بلون خضر مشا هزو لقاه مصحف داه معاه ورجع لبيتو جبد ملفات يخدم عليهم ولكن مقدرش هز المصحف وكلس يتفقدو جات عينو على صورة الاعراف
بدا كيقراها تفكر صوتها وهي تتجود القرآن بفارقش ودنيه ...غير ساعات قليلة باش ودعها ولكن حس بيها بحال أعوام ندم علاش خلاها تمشي جاه شعور غريب ولفها بزااف كانت عندو علاقات كثيرة وكثيرة مع الجنس اللطي ولكن عمرو حس مع شي وحدة بهاد الأحاسيس الي تيحس بيهم مع مريم سد قران حطو او حاول ينعس

#
فاقت في صباح كانت معولة تمشي لكلية لي شحال مبقات مشات ليها غسلات بدلات عليها او خرجات بحكم كان الخميس كانت صايمة خدات تاكسي وصلات لكلية كلشي كان مستغرب معرفو مالها غبرات او هي لي مكتحملش حتى تعطل بدقايق

مراد: سلام ختي مريم
مريم: وعليكم سلام
مراد: مالكي اختي اش واقع ليك خلعتينا عليك كلشي كيسول معرفو مالكي غبرتي
مريم: غير شي ضروف لي خلاتني نبعد وصافي
مراد: حمدلله فيها خير مهم انا بقيت كنسجل ليك كلشي قلت تقدري تسولي عليهم
مريم: شكرا غادي نحتاجهم نمشي لدار صيفطهم ليا
مراد: إن شاء الله

من بعد مسلات داك نهار رجعات لدار كانت 3 ديال لعشية لقات غداها تغدات وجات جلسات حدا امها كانت كتفرج في قناة الجميلة كيعجبها تبعها حيت كتستافد منها

مريم: ماما لباس عليك
رحمة: حمدلله ابنتي كيف دوزتي نهارك
مريم: توحشت هديك الاجواء داز مزيان
رحمة: إوى حمدلله بغيت نهضر معاك فواحد موضوع
مريم: الله يسمعنا خبار الخير
رحمة: عمتك لي في طنجة هضرات معاية
مريم: كديرا هي لباس عليها
رحمة: لباس عليها هضرات معاية عليك قالت ليا بلي بغاتك لولدها او مغتلقاش بحالك
مريم: وشنو قلتي ليها
رحمة: قلت ليها قرار كيرجع ليك او حتى نقولها ليك
مريم: انا دبا باقي مكنفكرش في زواج راكي عرفاني بغيت حتى نكمل هاد عام في كلية
رحمة: وراه ابنتي لي هرب لزواج هرب لطاعة او ولد عمتك راجل تبرك الله عليه متلقايش بحالو
مريم: يكون خير دكشي غير مكاتيب

قالت هاد كلمة وعقلها مشا عند ياسين لي ولا كل دقيقة يجي في بالها فيقها غير صوت دقان في بابا
رحمة: شي حد كيدق
ناضت فتحات باب لقات حمزة
تلاحت عليهه عنقاتو هوا ولد عمها وخوها من رضاعة رضعاتو رحمة من بعد ما ماتت امو او هي عطات بنتها لختها
عزيز عليها بزااف كيجي كل عام يشوف رحمة حيت كيعتبرها امو تانية
مريم: حمزة توحشتك غبرتي علينا
حمزة: حتى انا توحشتكم
مريم: اجي دخل ماما غتفرح ملي تشوفك
غير دخل ناضت كتجري عندو
رحمة: نهار كبير هدا جيتي عندي فيه
حمزة: علاه انا شحال عندي منك
مريم: راه ماما هديك
حمزة: مغيارة حتى انا راه ماما