طريق الهداية 🌙مكتملة🌙

الجزء 23 🌙

🌙........طريق الهداية.......🌙
🌸بقلم :سعيدة🌸
👑الجزء 23👑.

رجع لدار لقا إكرام كتسناه

إكرام: جيتي اخويا
ياسين: دبا غيخصني نديك لدار
إكرام : علاش بغيت نبقى معاك
ياسين : انا مكنكون هنا بزاف معضم وقتي في خدمة او ميمكنش تجلسي بحدك غادي نديك لدار ولكن غنبقا نجي عندك
إكرام: وخا ولكن متبقاش طول
ياسين: وعد مني نبقا نجي عندك
داها جمع ليها حوايجها او لبسها 
وخرجو داها لدار

اميمة: علاش جبتيها واش مربية مشات
ياسين: علاش نتي متوحشتيش بنتك
اميمة: لا توحشتها بزاف غير قلت يمكن تكون دارت ليك مشكل مع مربية دكشي علاش مشات
ياسين: (عرفها باغية غير تفهم منو ) هدشي بعيد عليك  إكرام منبغيش شي واحد يقلقها ولا غنتفاهم معاكم
امال: شكون غيقلقها
ياسين: ملي تقلق غادي نعرف 
إكرام: جي عندي متعطلش
ياسين: وخا راني وعدتك

في عشية كانت   تدير لعشا  بغات غير تلاها  جا جمال من جامع وحطات لعشا وتعشاو فوسط حديث عن الدين والصحابة المهم الجلسة جات زوينة ومسخاوش منها
وحتى فاطمة وضحات ليهم بزاف ديال لحوايج في امور دين هي او مريم
فاطمة: يلاه نمشو نعسو غدا خاصني نصافر بكري 
مريم: كلشي معانة شوية باقي كاع مكلست معاك بزاف
فاطمة: حنوت فيه غير خدامة خاصني نوقف على رزقي راني كلست بزاف هنا
مريم: او مطوليش بقاي تجي عندنا
فاطمة: إن شاء الله

طلعات لبيتها بغات تجبد قرآنها ولكن ملقاتوش قلبات مزيان ولكن والو عاد تفكرات بلي نتقدر تكون نساتو عندو في دار حيت كانت إكرام كتقرى فيه  تفكراتو تتذكر عناقها معاه..مجرد متفكرات ترسمات ابتسامة على شفايفها....كان حضنو دافئ وزوين...شعور عمرها جرباتو. ناضت صلاة جوج ركعات تتدعي  ودعات ليه بالهداية والتواب حيت عرفاتة خاصو غير لي يشد ليه بيديه مستاعد يتغير
وخا رجعات لدارهم ولكن كل لحضة كيجي فبالها ولفاتو طريقة باش كان كيعملها  او اسلوبو معاها خلاها تعلق بيه بلا  متشعر  ضحكات على راسها في نهار تزوجات او طلقات عرفات شحال كان باغي راحتها جبدات قران كان عندها وسط كتوبا وجلسات كتقرى فيه  وقرأت ما تيسر لها من القرآن عاد نعسات