حياة متعب

1

( متعب عمره 25  -  زياد عمره 23 -  خالد عمره 20  -- و كل واحد منهم عنده وظيفة )

و من هنا تبدأ الرواية 

كل يوم الصبح كانوا يروحون الدوام اما متعب لازم يشوف مشاعل الي هي بنت جيرانهم قبل لا يروح الدوام ... عشان نوضح اكثر يوم كانوا صغار ام متعب على طول كانت عند ام مشاعل الي هي جيرانهم و متعب من يوم كان صغير كان طول الوقت مع مشاعل و الفرق بينهم 3 سنوات و يحبون بعض

ام متعب تعرف انه متعب و مشاعل يحبون بعض بس ام مشاعل ماتعرف 

في هذا اليوم طلع متعب من البيت و اول مره ما يشوف مشاعل 

قال متعب في قلبه : شكلها طالعه من وقت اليوم

عند مشاعل

( مشاعل عمرها 22 - اخوها فراس 27 )

طبعا مشاعل عندها صالون و هي دايما تروح من ساعه 9 الصبح لساعه 4 العصر عشان تتأكد من وضع الصالون 

بيت ام متعب 

الساعه 9 بالليل

ام متعب : انا بروح شوي عند ام مشاعل 

متعب : بوصلك

بعد ما وصلوا متعب رن جرس البيت و فتح فراس الباب

فراس و هو مبتسم : هلا خاله حياك

دخلت ام متعب و جلست مع ام مشاعل اما متعب جلس بالحوش مع فراس 

بالصالة

ام مشاعل : شخبارك

ام متعب : بخير الحمدالله وينها مشاعل 

توها مشاعل نزلت الصالة و سلمت على ام متعب 

ام مشاعل : ان شاءالله بعد اسبوعين ملكت مشاعل 

ام متعب انصدمت ماعرفت كيف تخبر متعب بالموضوع

مشاعل : يمه انا مو موافقه

ام متعب : و من هذا 

ام مشاعل : ولد عمها احمد

مشاعل : بس انا ما ابغى 

ام متعب : خلوها تفكر اول و ان شاءالله خير 

راحت ام مشاعل المطبخ 

مشاعل : خاله انتي تعرفين انا احب متعب و ما ابغى احد غيره

ام متعب : ادري حبيبتي بس ما اقدر اسوي شي اسمعيني انتي فكري و اذا مو مرتاحه قولي لهم انك مو موافقه و انا على طول راح اقول لمتعب يتقدم لك

مشاعل : حتى اذا قلت لهم مو موافقه ماراح يهتمون صدقيني يا خاله

في الحوش

فراس : مدري اذا امي خبرت خالتي بس بعد اسبوعين ملكت مشاعل 

انصدم متعب