حياة متعب

17

هنوف : بروح اجلس عند امي كم يوم 

ابو مشاعل : فراس قوم وصلها

فراس ما قدر يقول شي حط الشنطة بالسيارة ركبت هنوف و وصلها بيت امها بدون ما يقول لها شي و رجع فراس مره ثانيه

بيت مشاعل

احمد : صح اليوم اجازه بس طبخت بوقت متاخر

مشاعل : قلت لك اطبخ قلت لا و قمت متاخر من النوم

احمد : يلا جربي و عطيني رايك

عند خالد

خالد : ترى البيت ب 100 ألف ريال و انا عندي 30000

زياد : طيب و انا بعطيك 20000 لا تاخذ قرض

خالد : نروح لمتعب و نشوف اذا عنده

زياد : متعب الراتب ما يكفيه كيف بتاخذ منه

خالد : ماتدري يمكن عنده 

راحوا لمتعب نزل خالد من السيارة و راح لمتعب

خالد : هلا متعب شخبارك

متعب : بخير 

خالد : طيب ابغى منك شي

متعب : وش

خالد : تعال عند السيارة بكلمك

راحوا عند السيارة و زياد سلم على متعب

متعب : اشفيك تكلم

خالد : انا حصلت بيت و المبلغ ب 100 ألف انا عندي 30000 و زياد راح يعطيني 20000 ابغى منك بعد و ان شاءالله اول ما احصل على طول برجع لكم

زياد : ما يحتاج ترجع

متعب : ادخل غرفتي و افتح الدرج الاول بتحصل ظرف خذه لك فيه 50000 

خالد : لا تقول هذا الظرف الي عطاك خالي

متعب : لا هذا انا كان عندي

خالد : متاكد 

متعب : اي

طبعا الفلوس الي في الظرف هو نفسه الي حصله من خاله سيف بس ما كان يبغى خالد ياخذ قرض عشان كذا عطاه المبلغ

خالد : شكرا متعب ما تقصر 

راحوا خالد و زياد خلصوا الامور و اخيرا صارالبيت باسم خالد

بيت ندى

دخلوا خالد و زياد البيت و خالد على طول راح جلس عند ندى و هو طاير من الفرحهه

ندى : اكيد شفت ريما

خالد : لا قولي مبروك

ندى : مبروك بس ليهه

زياد : خالد صار عنده بيت

ندى : مبرووكك يا وليدي

خالد : نقدر نروح اليوم 

ندى : اي ان شاءالله بعد اذان المغرب بس الحين بتصل لهم و اخبرهم

خالد كان مستانس و نفس الوقت خايف انه ريما ترفض