حياة متعب

3

رجع احمد من الدوام دخل البيت 

احمد : مشاااعل

راح الغرفة احمد و شاف مشاعل جالسه تبكي و بيدها صورة و مشاعل لما شافت احمد دخلت الصورة في الصندوق و حطته تحت السرير حتى ما بينت لأحمد انها متوترة

راح احمد جلس جمبها

احمد : افاا ليه تبكين

مشاعل و هي تمسح دموعها : شفت صور صديقاتي و تذكرت ايام المدرسة

احمد و هو يضحك : من جدكك انتي قومي غسلي وجهك بنروح نتغدى بمطعم يلا

مشاعل : انا طبخت

بيت ام متعب 

رن جوال زياد 

زياد : هلا خاله

ندى ( خالتهم ) و هي تبكي : زياد وينك

زياد : توني طالع من الدوام اشفيك خاله

ندى : تعال المستشفى امك تعبانه بس لا تسرع و خبر اخوانك

زياد : طيب انتي لحالك في المستشفى

ندى : لا خالك سيف معاي 

اتصل زياد لمتعب و خالد خبرهم انه على طول يروحون المستشفى و ما يسرعون عشان لا يصير حادث

بعد ما وصلوا المستشفى

خالهم سيف كان واقف و ندى جالسه تبكي

خالد : اشفيها امي

سيف ( خالهم ) : تعبت و ما قامت تشوف قدامها خالتكم كانت عندها اتصلت لي و خبرتني و على طول اتصلنا للاسعاف و حاليا راح تكون في المستشفى لمده اسبوع او شهر تقريبا

متعب : طيب وش قال الدكتور 

سيف : حالتها اسوء من قبل بس ان شاءالله ما تطول يعني اسبوع بالكثير و تطلع من المستشفى

ندى : اسمعوني تعالوا اجلسوا عندي بالبيت على ما امكم تطلع من المستشفى

زياد : بس ناخذ اغراضنا من البيت و على طول راح نجي

ندى : لا تتأخرون

زياد : طيب

متعب : اقدر اجي كل يوم و اطمن عليها

سيف : ماراح يدخلونك الغرفه بس تقدر تشوفها من برا

طلعوا من المستشفى راحوا البيت خذوا ملابسهم و الاشياء الي يحتاجونها و راحوا بيت ندى

خالد : وينها خالتي

زياد : تعالوا نروح فوق

راحوا فوق و طلعت ندى من الغرفه

ندى و هي مبتسمه : يوم كنتوا صغار ساعات ايام الاجازه كنتوا تجون عندي مع امكم و هذي غرفكم للحين موجوده العابكم